କଟକ: ଓଡ଼ିଶା ରାଜ୍ୟ ଟେବୁଲ ଟେନିସ ସ˚ଘ ଆନୁକୂଲ୍ୟରେ ଆସନ୍ତା ୧୨ ତାରିଖରୁ ଅନ୍ତଃବିଦ୍ୟାଳୟ ଏବ˚ ୧୪ ତାରିଖରୁ ଵାଇଜିଟିଟିଏ ଟେବୁଲ ଟେନିସ ପ୍ରତିଯୋଗିତା ଅନୁଷ୍ଠିତ ହେବ। ମ୍ୟାଚ୍ଗୁଡ଼ିକ ଜବାହରଲାଲ ନେହରୁ ଇନ୍ଡୋର ଷ୍ଟାଡିୟମରେ ଖେଳାଯିବ। ବିଦ୍ୟାଳୟସ୍ତରୀୟ ପ୍ରତିଯୋଗିତାରେ ରାଜ୍ୟର ଯେକୌଣସି ବୋର୍ଡ ଅଧିନରେ ଥିବା ବିଦ୍ୟାଳୟର ଖେଳାଳିମାନେ ଭାଗ ନେଇପାରିବେ। ଦଳଗତ ବିଭାଗରେ ଗୋଟିଏ ଦଳରେ ସର୍ବନିମ୍ନ ୨ ଓ ସର୍ବାଧିକ ୪ ଜଣ ଖେଳାଳି ରହିପାରିବେ। ୫ ତାରିଖ ସୁଦ୍ଧା ଖେଳାଳିମାନେ ସେମାନଙ୍କ ନାମ ପଞ୍ଜିକରଣ କରିପାରିବେ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ଵାଇଜିଟିଟିଏ ପକ୍ଷରୁ ୧୪ ତାରିଖରୁ ରାଜ୍ୟ ରୢାଙ୍କିଙ୍ଗ ପ୍ରତିଯୋଗିତା ଆରମ୍ଭ ହେଉଥିଲା ବେଳେ ଏହା ୧୬ ତାରିଖରେ ଶେଷ ହେବ। ବରିଷ୍ଠ ବିଭାଗରେ ପୁରୁଷ ଓ ମହିଳା ବର୍ଗରେ ଏକକ ପ୍ରତିଯୋଗିତା ହେବ। ବାଳକ ଓ ବାଳିକାମାନଙ୍କ ପାଇଁ ୧୯ ବର୍ଷରୁ କମ୍, ୧୭ ବର୍ଷରୁ କମ୍ କନିଷ୍ଠ ପ୍ରତିଯୋଗିତା, ୧୫ ବର୍ଷରୁ କମ୍ ଉପ କନିଷ୍ଠ, ୧୩ ବର୍ଷରୁ କମ୍ କ୍ୟାଡେଟ୍ ଏବ˚ ୧୧ ବର୍ଷରୁ କମ୍ ହୋପ୍ସ ବର୍ଗରେ ଏକକ ମ୍ୟାଚ୍ ଖେଳାଯିବ। ବିଭିନ୍ନ ବିଭାଗର ରାଜ୍ୟ ଦଳ ଚୟନ ବେଳେ ଏହି ପ୍ରତିଯୋଗିତାର ପ୍ରଦର୍ଶନକୁ ବିଚାରକୁ ନିଆଯିବ। ଏଥିରେ ଓଡ଼ିଶାର ଯେକୌଣସି ଜିଲ୍ଲା ଓ ଅନୁଷ୍ଠାନର ଖେଳାଳିମାନେ ଅ˚ଶଗ୍ରହଣ କରିପାରିବେ। ଅଗଷ୍ଟ ୭ ତାରିଖ ସୁଦ୍ଧା ଖେଳାଳିମାନେ ଏହି ପ୍ରତିଯୋଗିତା ପାଇଁ ନାମ ପଞ୍ଜିକରଣ କରିବେ। ଉଭୟ ପ୍ରତିଯୋଗିତା ସ˚ପର୍କରେ ସବିଶେଷ ବିବରଣୀ ପାଇଁ ରାଜ୍ୟ ସ˚ଘ ସମ୍ପାଦକ କିମ୍ବା ନିହାର ର˚ଜନ ମିଶ୍ର (୮୮୯୫୫୩୭୮୯୪, ୯୩୩୮୧୦୦୦୬୬)ଙ୍କ ସହ କିମ୍ବା ସ˚ଘ ଇ-ମେଲ [email protected]ରେ ଯୋଗାଯୋଗ କରିବାକୁ କୁହାଯାଇଛି।