ଭୁବନେଶ୍ବର: ସର୍ବଭାରତୀୟ ଗ୍ରାପ୍‌ଲିଙ୍ଗ୍‌ ସଂଘ ଆନୁକୂଲ୍ୟରେ ଆୟୋଜିତ ଚତୁର୍ଦ୍ଦଶ ଗ୍ରାପ୍‌ଲିଙ୍ଗ୍‌ ପ୍ରତିଯୋଗିତା ଆସନ୍ତା ୨୪ରୁ ୨୬ ତାରିଖ ପର୍ଯ୍ୟନ୍ତ ମହାରାଷ୍ଟ୍ରର ଅହମଦନଗର ଜିଲ୍ଲା ଆତ୍ମା ମଲିକ ସ୍ପୋର୍ଟସ ଆଣ୍ଡ୍‌ ଏଜୁକେଶନ କଂପ୍ଲେକ୍ସରେ ଅନୁଷ୍ଠିତ ହେବ। ଏଥିରେ ଅଂଶଗ୍ରହଣ କରିବାକୁ ଓଡ଼ିଶା ଗ୍ରାପ୍‌ଲିଙ୍ଗ୍‌ ସଂଘ ପକ୍ଷରୁ ୬ ଜଣିଆ ଦଳ ବୁଧବାର ମହାରାଷ୍ଟ୍ର ଯାତ୍ରା କରିଛି। ସନ୍ତୋଷ ସିଂହ, କ୍ରିଷ୍ଣାଶିଶ ମହାନ୍ତି (ବରିଷ୍ଠ), ପ୍ରଶାନ୍ତ କୁମାର ବେହେରା, ରାକି କୁମାର, ସିଦ୍ଧାର୍ଥ ଶଙ୍କର ମହାନ୍ତି (କନିଷ୍ଠ) ଓ ତନେଶ ପୁନିତ ଲେଙ୍କା ଯୁବ ବର୍ଗରେ ପ୍ରତିନିଧିତ୍ବ କରିବେ। ଓଡ଼ିଶା ସଂଘର ସଂପାଦକ ଡ. ହରିପ୍ରସାଦ ପଟ୍ଟନାୟକ, ସଭାପତି ଡ. ଗୌରୀ ମହାନ୍ତି, ଉପସଭାପତି ଇଂ ଚିତ୍ତରଞ୍ଜନ ସ୍ବାଇଁ, ସନ୍ଦୀପ ମହାନ୍ତି, ଯୁଗ୍ମ ସଂପାଦକ ମୀର ଅଜ୍‌ମତ ଅଲ୍ଲୀ, ହିମାଂଶୁ ଶେଖର ଦାସ ଓ ସଂଘର ଅନ୍ୟ କର୍ମକର୍ତ୍ତା ଶୁଭକାମନା ଜଣାଇଛନ୍ତି।