ଭୁବନେଶ୍ବର: ଭୁବନେଶ୍ବରର ଦୁଇଟି ପଡ଼ିଆରେ ଚାଲିଥିବା ଓଡ଼ିଶା ମହିଳା ଲିଗ୍ (ଓଡବ୍ଲ୍ୟୁଏଲ୍) ଫୁଟ୍ବଲ୍ ପ୍ରତିଯୋଗିତାରେ ବୁଧବାର ସାଇ-ଏସ୍ଟିସି, କ୍ରୀଡ଼ା ଛାତ୍ରାବାସ ଓ ପୂର୍ବତଟ ରେଳବାଇ ବିଜୟୀ ହୋଇଛନ୍ତି। କ୍ୟାପିଟାଲ୍ ହାଇସ୍କୁଲ୍ ପଡ଼ିଆରେ ଖେଳାଯାଇଥିବା ପ୍ରଥମ ମ୍ୟାଚ୍ରେ ସାଇ ୭-୨ ଗୋଲ୍ରେ ଓଜିପି କ୍ଲବ୍କୁ ହରାଇଥିଲା। ବିଜୟୀ ଦଳର ଦୀପା ନାୟକ (୩୮, ୪୮, ୭୯, ୮୦ ମିନିଟ୍) ୪ ଏବଂ ଜ୍ୟୋତି ଦଳାଇ (୫୩, ୫୬, ୯୦ ମିନିଟ୍) ୩ ଗୋଲ୍ ଦେଇଥିଲେ। ଓଜିପିର ଲକ୍ଷ୍ମୀପ୍ରିୟା ଲେଙ୍କା (୮, ୪୫ ମିନିଟ୍) ଦୁଇଟି ଗୋଲ୍ ଶୁଝିଥିଲେ। ସେହି ପଡ଼ିଆରେ ଖେଳାଯାଇଥିବା ଦ୍ବିତୀୟ ମ୍ୟାଚ୍ରେ ରେଳବାଇ ୨-୧ ଗୋଲ୍ରେ ରାଇଜିଂ ଷ୍ଟୁଡେଣ୍ଟ୍ କ୍ଲବ୍କୁ ପରାସ୍ତ କରିଥିଲା। ରେଳବାଇ ପକ୍ଷରୁ ସୁପ୍ରିୟା ରାଉତରାୟ (୧୧ ମିନିଟ୍) ଓ ସରୋଜିନୀ ତିର୍କି (୬୩ ମିନିଟ୍) ଗୋଟିଏ ଲେଖାଏଁ ଗୋଲ୍ ମାରିଥିଲେ। ରାଇଜିଂର ସୁଭଦ୍ରା ସାହୁ (୩୮ ମିନିଟ୍) ଗୋଟିଏ ଗୋଲ୍ ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
କଳିଙ୍ଗ ଷ୍ଟାଡିୟମ୍ରେ ଖେଳାଯାଇଥିବା ଏକମାତ୍ର ମ୍ୟାଚ୍ରେ କ୍ରୀଡ଼ା ଛାତ୍ରାବାସ ୩-୦ ଗୋଲ୍ରେ ଓଡ଼ିଶା ପୁଲିସକୁ ହରାଇଥିଲା। ବିଜୟୀ ଦଳର ମନୀଷା ନାଏକ (୩୦, ୪୩ ମିନିଟ୍) ଦୁଇଟି ଓ ମାଳତୀ ମୁଣ୍ଡା (୮୨ ମିନିଟ୍) ଗୋଟିଏ ଗୋଲ୍ ଦେଇଥିଲେ। ୨୭ ତାରିଖରେ କ୍ୟାପିଟାଲ୍ ହାଇସ୍କୁଲ୍ ପଡ଼ିଆରେ ଓଡ଼ିଶା ପୁଲିସ-ଓଜିପି, କଳିଙ୍ଗ ଷ୍ଟାଡିୟମ୍ ମୁଖ୍ୟ ପଡ଼ିଆରେ ପୂର୍ବତଟ ରେଳବାଇ-କ୍ରୀଡ଼ା ଛାତ୍ରାବାସ ଏବଂ କଳିଙ୍ଗ ଷ୍ଟାଡିୟମ୍ ଅଭ୍ୟାସ ପଡ଼ିଆରେ ସାଇ-ଏସ୍ଟିସି ଓ ରାଇଜିଂ ଷ୍ଟୁଡେଣ୍ଟ କ୍ଲବ୍ ମୁହାଁମୁହିଁ ହେବେ।