ନ୍ୟାସନାଲ ଚାମ୍ପିୟନସିପରେ ସ୍ବର୍ଣ୍ଣ ଜିତିଲେ ଦୁତି ଚାନ୍ଦ
ଭୁବନେଶ୍ୱର: ଲଖନଉରେ ଚାଲିଥିବା ଆଥଲେଟିକ୍ସ ଚାମ୍ପିୟନସିପରେ ସ୍ବର୍ଣ୍ଣ ଜିତିଛନ୍ତି ଓଡ଼ିଆ ଧାବିକା ଦୁତି ଚାନ୍ଦ | ଏଠାରେ ଚାଲିଥିବା ୫୯ ତମ ଇଣ୍ଟରଷ୍ଟେଟ ସିନିୟର ଆଥଲେଟିକ୍ସ ଚାମ୍ପିୟନସିପରେ ତାଙ୍କୁ ସ୍ବର୍ଣ୍ଣ ପଦକ ମିଳିଛି | ୧୦୦ ମିଟର ପ୍ରତିଯୋଗିତାରେ ଦୂତିଙ୍କୁ ଏହି ସଫଳତା ମିଳିଥିବାବେଳେ ମାତ୍ର ୧୧.୩୮ ସେକେଣ୍ଡରେ ଦୁତି ଏହାକୁ ସଫଳ ଭାବେ ପୂରଣ କରିପାରିଥିଲେ |
Sambad is now on WhatsApp
Join and get latest news updates delivered to you via WhatsApp
ଏହି ପ୍ରତିଯୋଗିତାରେ ତାମିଲନାଡୁର ଅର୍ଚନା ସେସେନ ୧୧.୫୦ ସେକେଣ୍ଡରେ ଦୂରତା ଅତିକ୍ରମ କରି ଦ୍ଵିତୀୟ ସ୍ଥାନ ଅଧିକାର କରିଥିବାବେଳେ ତୃତୀୟ ସ୍ଥାନ ଅଧିକାର କରିଛନ୍ତି ପଶ୍ଚିମବଙ୍ଗର ହିମାଶ୍ରୀ ରାୟ | ହିମାଶ୍ରୀ ୧୧.୬୩ ସେକେଣ୍ଡରେ ୧୦୦ ମିଟର ଦୂରତାକୁ ଅତିକ୍ରମ କରିପାରିଥିଲେ |
ଏଠାରେ ସୂଚନା ଥାଉ କି ଗତକାଲି ସେମିଫାଇନାଲରେ ୧୦୦ ମିଟର ଦୂରତାକୁ ଦୁତି ୧୧.୩୫ ସେକେଣ୍ଡରେ ସମ୍ପୂର୍ଣ୍ଣ କରିଥିଲେ | ଯାହାଫଳରେ ସେ ଫାଇନାଲ ପର୍ଯ୍ୟାୟକୁ ଉନ୍ନୀତ ହୋଇପାରିଥିଲେ | ଏଠାରେ ସୂଚନା ଥାଉ କି ଦୁତିଙ୍କୁ ଏଣିକି ‘ପୁମା’ର ବ୍ରାଣ୍ଡ ଆମ୍ବାସଡର ଭାବେ ନିଯୁକ୍ତ କରାଯାଇଛି | ଅର୍ଥାତ ‘ପୁମା’ କମ୍ପାନୀର ସମସ୍ତ ବ୍ରାଣ୍ଡ ଓ ବିଜ୍ଞାପନରେ ଦୁତିଙ୍କୁ ଦେଖିବାକୁ ମିଳିବ |