ନୂଆଦିଲ୍ଲୀ: ମହେନ୍ଦ୍ର ସିଂହ ଧୋନି ଆଇପିଏଲର ସବୁଠାରୁ ସଫଳ ଅଧିନାୟକ ଭାବେ ବେଶ ପରିଚିତ। ତାଙ୍କ ନେତୃତ୍ୱରେ ଚେନ୍ନାଇ ସୁପର କିଙ୍ଗ୍ସ ଆଇପିଏଲରେ ବେଶ୍ ପ୍ରାଧାନ୍ୟ ବିସ୍ତାର କରିଥିଲା। ତାଙ୍କ ଅଧିନାୟକତ୍ୱରେ ଦଳ ଆଇପିଏଲର ୨୦୨୩ ସଂସ୍କରଣ ସହ ମୋଟ ୫ଟି ଟାଇଟଲ ଜିତିଥିଲା।

Advertisment

ଚଳିତଥର ମହେନ୍ଦ୍ର ସିଂ ଧୋନିଙ୍କ ସ୍ଥାନରେ ଋତୁରାଜ ଗାଏକ୍ଵାଡ୍ ସିଏସକେର ଅଧିନାୟକ ଦାୟିତ୍ଵ ସମ୍ଭାଳିଛନ୍ତି। ଋତୁରାଜ ୨୦୧୯ରୁ ସିଏସକେ ସହ ଜଡ଼ିତ ଅଛନ୍ତି। ସେ ଦଳ ପାଇଁ ୫୨ଟି ମ୍ୟାଚ ଖେଳିଛନ୍ତି। ଚେନ୍ନ‌ାଇ ସୁପର କିଙ୍ଗ୍ସ ଏଯାବତ ୧୦ଟି ମ୍ୟାଚ ଖେଳି ସାରିଛି। ୧୦ଟି ମ୍ୟାଚ ମଧ୍ୟରୁ ଦଳ ୫ଟିରେ ବିଜୟୀ ହୋଇଥିବା ବେଳେ ଆଉ ୫ଟିରେ ଚିତପଟାଙ୍ଗ ମାରିଥିଲା।

ତେବେ ଧୋନି ଦଳର ଅଧିନାୟକ ନଥିବା ସତ୍ତ୍ବେ ତାଙ୍କ କ୍ରେଜ କମିନାହିଁ। ସେ ପ୍ରତିଟି ମ୍ୟାଚରେ ଖୁବ ଭଲ ପଦର୍ଶନ କରିଛନ୍ତି। ଏହି କ୍ରମରେ ଚେନ୍ନାଇ ସୁପର କିଙ୍ଗ୍ସ ସୋସିଆଲ ମିଡିଆରେ ଏକ ସ୍ବତନ୍ତ୍ର ଭିଡିଓ ସେୟାର କରିଛି।

ଏହି ଭିଡିଓରେ ଧୋନିଙ୍କ ଜଣେ ବୃଦ୍ଧଫ୍ୟାନ ଦେଖିବାକୁ ମିଳୁଛନ୍ତି। ଯାହାଙ୍କ ବୟସ ୧୦୩ବର୍ଷ ପାଖାପାଖି ହେବ ବୋଲି କୁହାଯାଉଛି।  ଦଳର ସବୁଠାରୁ ବୃଦ୍ଧ ଫ୍ୟାନଙ୍କୁ ଧୋନି ନିଜର ଦସ୍ତଖତ ଥିବା ଏକ ଜର୍ସି ଉପହାରରେ ଦେଉଛନ୍ତି। ଯାହାକୁ ପାଇ ଫ୍ୟାନ ଜଣକ ଖୁବ ଖୁସି ହୋଇଯାଉଛନ୍ତି।

ବୃଦ୍ଧ ଫ୍ୟାନ ଓ ଧୋନିଙ୍କ ଉପହାର ସହିତ ଜଡ଼ିତ ଥିବା ଏହି ଭିଡିଓକୁ ଲୋକେ ବେଶ ପସନ୍ଦ କରୁଛନ୍ତି।