ବ୍ରହ୍ମପୁର,: ଅର୍ଜୁନ ପୁରସ୍କାର ବିଜେତା ତଥା ଅଲିମ୍ପିଆନ୍ ଭାରୋତ୍ତୋଳକ କେ.ରବି କୁମାର ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ଗତ ଶନିବାର ବ୍ରହ୍ମପୁର ବିଜୟବିହାର ଦ୍ବିତୀୟ ଗଳିର ସନ୍ତୋଷ କୁମାର ଦଳବେହେରାଙ୍କ ବଡ଼ ଝିଅ ସୌମ୍ୟା ସୌଜନିକାଙ୍କ ସହ ରବି କୁମାରଙ୍କ ବୈଦିକ ରୀତିରେ ଶୁଭ ପରିଣୟ ଅନୁଷ୍ଠିତ ହୋଇଥିଲା। ରବିବାର ସନ୍ଧ୍ୟାରେ ପେଟ୍ରୋଲପମ୍ପ ଛକ ନିକଟ ଚର୍ଚ୍ଚ ପଡ଼ିଆ ଠାରେ ପ୍ରୀତି ଭୋଜନର ଆୟୋଜନ ହୋଇଥିଲା। ଏଥିରେ ତାଙ୍କର ବନ୍ଧୁ ପରିଜନଙ୍କ ସମେତ ସହରର ବହୁ ମାନ୍ୟଗଣ୍ୟ ବ୍ୟକ୍ତିବିଶେଷ ଯୋଗ ଦେଇ ନବ ଦମ୍ପତ୍ତିଙ୍କୁ ଅଶୀର୍ବାଦ ପ୍ରଦାନ କରିଥିଲେ।