ନୂଆଦିଲ୍ଲୀ : କେବଳ ଟିମ ଇଣ୍ଡିଆ ହିଁ ଅଷ୍ଟ୍ରେଲିଆ ଦଳକୁ ସେମାନଙ୍କ ମାଟିରେ ହରାଇ ପାରିବ । ଏକଥା କହିଛନ୍ତି ଇଂଲାଣ୍ଡ ଦଳର ପୂର୍ବତନ ଅଧିନାୟକ ମାଇକେଲ ଭନ ।

Advertisment

publive-image image credit : sports time

ଟ୍ଵିଟ କରି ସେ କହିଛନ୍ତି ଯେ ଅଷ୍ଟ୍ରେଲିଆ ଦଳ ପାକିସ୍ତାନକୁ ଦିବାରାତ୍ର ଟେଷ୍ଟମ୍ୟାଚରେ ହରାଇଥିବାରୁ ପ୍ରସଂଶାର ହକଦାର । କେବଳ ଏପରି ବାତାବାରଣରେ ଭାରତୀୟ ଦଳ ହିଁ ସେମାନଙ୍କୁ ହରାଇପାରିବ ।

ଆଜି ଆଡିଲେଡ ଓଭାଲଠାରେ ଚାଲିଥିବା ଦିବାରାତ୍ର ଟେଷ୍ଟ ମ୍ୟାଚରେ ଅଷ୍ଟ୍ରେଲିଆ ଦଳ ପାକିସ୍ତାନକୁ ଗୋଟିଏ ଇନିଂସ ଓ ୪୮ ରନରେ ହରାଇଥିଲା । ଅଷ୍ଟ୍ରେଲିଆ ନିଜର ପ୍ରଥମ ଇନିଂସରେ ୫୮୯ ରନ ସଂଗ୍ରହ କରିଥିଲା, ଏହାର ଜବାବରେ ପାକିସ୍ତାନ ପ୍ରଥମ ଇନିଂସରେ ୩୦୨ ରନ କରି ଫଲୋ ଅନର ସମ୍ମୁଖୀନ ହୋଇଥିଲା । ପାକିସ୍ତାନ ନିଜର ୨ୟ ଇନିଂସରେ ୨୩୯ ରନ କରି ଅଲଆଉଟ ହେବାପରେ ଅଷ୍ଟ୍ରେଲିଆ ଏହି ମ୍ୟାଚକୁ ଗୋଟିଏ ଇନିଂସ ଓ ୪୮ ରନରେ ଜିତିଯାଇଥିଲା । ଏହା ସହିତ ଅଷ୍ଟ୍ରେଲିଆ ୨ଟିକିଆ ଟେଷ୍ଟ ବିଶିଷ୍ଟ ସିରିଜକୁ ୨-୦ରେ ଜିତିଯାଇଛି । ଡେଭିଡ ଓ୍ଵାର୍ଣ୍ଣରଙ୍କୁ ମ୍ୟାନ ଅଫ ଦି ମ୍ୟାଚ ଓ ମ୍ୟାନ ଅଫ ଦି ସିରିଜ ଘୋଷଣା କରାଯାଇଥିଲା । ଏହା ପୂର୍ବରୁ ଅଷ୍ଟ୍ରେଲିଆ ଶ୍ରୀଲଙ୍କାକୁ ମଧ୍ୟ ସିରିଜ ହରାଇଥିଲା ।

)