ଟି୨୦ ବିଶ୍ବକପ : ଭାରତ ବିପକ୍ଷ ମ୍ୟାଚ ପାଇଁ ଦଳ ଘୋଷଣା କଲା ପାକିସ୍ତାନ
ପାକିସ୍ତାନକୁ ହାଲକା ଭାବେ ନେଉନାହୁଁ : ବିରାଟ
ଦୁବାଇ : ଟି-୨୦ ବିଶ୍ବକପରେ ଆସନ୍ତା କାଲି ଅନୁଷ୍ଠିତ ହେବ ଭାରତ-ପାକିସ୍ତାନ ମହା ମୁକାବିଲା । ଏହି ମ୍ୟାଚ ପାଇଁ ପାକିସ୍ତାନ ନିଜର ଦଳ ଘୋଷଣା କରିଛି । ବାବର ଆଜମଙ୍କ ନେତୃତ୍ବରେ ଥିବା ଏକ ଦଳରେ ଆସିଫ ଅଲ୍ଲି, ଫକର ଜମାନ, ହାଇଦର ଅଲ୍ଲି, ମହମ୍ମଦ ରିଜଓ୍ବାନ, ଇମାଦ ଓ୍ବାସିମ, ମହମ୍ମଦ ହାଫିଜ, ସଦାବ ଖାଁ, ସୋଏବ ମଲ୍ଲିକ, ହାରିସ ରୌଫ, ସାନିନ ଶାହ ଆଫ୍ରିଦି ଓ ହାସାନ ଅଲ୍ଲି ଅଛନ୍ତି । ଭାରତ-ପାକିସ୍ତାନ ମ୍ୟାଚଟି ରବିବାର ଦୁବାଇ ଇଣ୍ଟରନ୍ୟାସନାଲ ଷ୍ଟାଡିୟମରେ ଖେଳାଯିବ ।
Sambad is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ଭାରତର ଅଧିନାୟକ ବିରାଟ କୋହଲି ଏକ ବୟାନ ଦେଇ କହିଛନ୍ତି ଯେ ପାକିସ୍ତାନ ଦଳ ଏକ ଶକ୍ତିଶାଳୀ ଦଳ । ଭାରତୀୟ ଦଳ କେବେ ବି ପାକିସ୍ତାନକୁ ହାଲକା ଭାବେ ନେବ ନାହିଁ । ତେବେ ଭାରତ ଏହି ମ୍ୟାଚକୁ ନେଇ ଚାପରେ ନାହିଁ ଓ ଅନ୍ୟ ଦଳମାନଙ୍କ ପରି ଏହି ମ୍ୟାଚକୁ ମଧ୍ୟ ନିଜ ସ୍ବାଭାବିକ ଶୈଳୀରେ ଖେଳିବ । ଆସନ୍ତା କାଲିର ମ୍ୟାଚ ପାଇଁ ହାର୍ଦ୍ଦିକ ପାଣ୍ଡ୍ୟା ପ୍ରସ୍ତୁତ ହୋଇଗଲେଣି ବୋଲି କୋହଲି କହଛନ୍ତି ।
୨୦୦୭ରେ ପ୍ରଥମ ଟି-୨୦ ବିଶ୍ବକପ ମ୍ୟାଚ ଆରମ୍ଭ ହେବାପରଠାରୁ ପାକିସ୍ତାନ ଭାରତ ବିପକ୍ଷରେ ଗୋଟିଏ ବି ମ୍ୟାଚ ଜିତିପାରିନାହିଁ । କିନ୍ତୁ ଏହି ରେକର୍ଡ ଭାରତୀୟ ଦଳ ପାଇଁ ବିଶେଷ ଗୁରୁତ୍ବ ରଖେ ନାହିଁ ବୋଲି କୋହଲି କହିଛନ୍ତି ।