କୋଲକାତା: ବାଂଲାଦେଶ କ୍ରିକେଟ୍ ଦଳ ଆଜିକାଲି ପାକିସ୍ତାନ ଗସ୍ତରେ ଅଛି। ଦୁଇ ଦଳ ମଧ୍ୟରେ ଟେଷ୍ଟ ସିରିଜ୍ ଖେଳାଯିବ। ବର୍ତ୍ତମାନ ଏହି ଟେଷ୍ଟ ସିରିଜ୍ ପାଇଁ ମ୍ୟାଚ୍ ଟିକେଟ୍ ମୂଲ୍ୟ ଜାଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। ସୋସିଆଲ ମିଡିଆରେ ମଧ୍ୟ ଏ ବିଷୟରେ ଅନେକ ଆଲୋଚନା ଚାଲିଛି । ଏହି ଖବର ଭାଇରାଲ ହେବାରେ ଲାଗିଛି। ବାସ୍ତବରେ ଟେଷ୍ଟ ମ୍ୟାଚ୍ ପାଇଁ ଟିକେଟ୍ ଅନଲାଇନ୍ ବୁକିଂ ୧୩ ଅଗଷ୍ଟରୁ ଆରମ୍ଭ ହୋଇଛି। କିଛି ଟିକେଟ୍ ମୂଲ୍ୟ ଏତେ କମ୍ ରହିଛି ଏହା ଏନେଇ ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। ୧୬ ଅଗଷ୍ଟରୁ ବ୍ୟକ୍ତିଗତ ଭାବେ ଟିକେଟ ଅଫ୍‌ଲାଇନ୍‌ରେ ବିକ୍ରି ହେବ।

Advertisment

ସୋମବାର ପାକିସ୍ତାନ କ୍ରିକେଟ୍ ବୋର୍ଡ ବାଂଲାଦେଶ ସହ ଟେଷ୍ଟ ସିରିଜ୍ ମ୍ୟାଚ୍ ପାଇଁ ଟିକେଟ୍ ମୂଲ୍ୟ ଘୋଷଣା କରିଛି। ବୋର୍ଡ ଅନୁଯାୟୀ କିଛି ଟିକେଟ୍ ମୂଲ୍ୟ ବହୁ କମ୍ ଟଙ୍କା ରହିଛି। ଏହି ସିରିଜର ମ୍ୟାଚ୍ ପାଇଁ ଟିକେଟ୍ ମୂଲ୍ୟ ହେଉଛି ୫୦ ପିକେଆର ଅର୍ଥାତ୍ ଭାରତୀୟ ମୁଦ୍ରାରେ ଅନୁଯାୟୀ ଏହା ମାତ୍ର ୧୫ ଟଙ୍କା।

ଏହା ବ୍ୟତୀତ ଦର୍ଶକଙ୍କ ସୁବିଧା ପାଇଁ ସେମାନଙ୍କୁ ଏକ ସ୍ୱତନ୍ତ୍ର ପାସ୍ ମଧ୍ୟ ଦିଆଯାଉଛି। ଯଦି ପାଞ୍ଚ ଦିନିଆ ମ୍ୟାଚ୍ ୨ କିମ୍ବା ୩ ଦିନରେ ଶେଷ ହୁଏ, ତେବେ ସେମାନେ ଏଥିପାଇଁ କିଛି ଟଙ୍କା ମଧ୍ୟ ପାଇବେ । ଯଦି ଜଣେ ଦର୍ଶକ ପାଞ୍ଚ ଦିନିଆ ଟେଷ୍ଟ ମ୍ୟାଚ୍ ପାଇଁ ପାସ୍ କିଣନ୍ତି, ତେବେ ତାଙ୍କୁ ୧୫ ପ୍ରତିଶତ ପର୍ଯ୍ୟନ୍ତ ରିହାତି ମଧ୍ୟ ଦିଆଯାଉଛି।

ମ୍ୟାଚ୍ ଟିକେଟ୍‌ର ଏତେ କମ୍ ମୂଲ୍ୟ ଦେଖି ସୋସିଆଲ ମିଡିଆରେ ପ୍ରଶଂସକଙ୍କ ମଜାଳିଆ ପ୍ରତିକ୍ରିୟା ମଧ୍ୟ ଆସୁଛି। ଜଣେ ୟୁଜରଲେଖିଛନ୍ତି ଯେ ସୁବିଧା ବହୁତ ଭଲ । ଅନ୍ୟ ଜଣେ ୟୁଜର ମନ୍ତବ୍ୟ ଦେଇଛନ୍ତି ଯେ କରାଚିରେ ଗ୍ରାଉଣ୍ଡ ବାହାରେ ଏକ ଷ୍ଟଲ୍ ସ୍ଥାପନ କରାଯାଇଛି। ଆସନ୍ତୁ ସେଠାରେ ଟିକେଟ୍ କିଣନ୍ତୁ। ସୂଚନାଯୋଗ୍ୟ,ଏହି ଟେଷ୍ଟ ସିରିଜ୍ ୨୧ଅଗଷ୍ଟରୁ ଆରମ୍ଭ ହେଉଛି। ପ୍ରଥମ ଟେଷ୍ଟ ମ୍ୟାଚ୍ କରାଚିରେ ଖେଳାଯିବ।