ଚାମ୍ପିୟନ୍ସ ଟ୍ରଫିରୁ ପାକିସ୍ତାନ ବିଦା, ଆୟୋଜକ ଦେଶ ଭାବେ ସ୍ବପ୍ନ ଧୂଳିସାତ୍

ରାୱଲପିଣ୍ଡି: ହାରିଲା ବାଂଲାଦେଶ, ବିଦା ହେଲା ପାକିସ୍ତାନ । ଚାମ୍ପିୟନ୍ସ ଟ୍ରଫିରୁ ବିଧିବଦ୍ଧ ଭାବେ ବିଦା ହେଲା ଆୟୋଜକ ପାକିସ୍ତାନ । ନ୍ୟୁଜିଲାଣ୍ଡ ଠାରୁ ପରାଜୟ ସହ ବାଂଲାଦେଶ ମଧ୍ୟ ଚାମ୍ପିୟନ୍ସ ଟ୍ରଫି ସେମିଫାଇନାଲ ରେସରୁ ବିଦା ହୋଇଛି । 

ଭାରତ ଠାରୁ ପରାଜିତ ହେବା ପରେ ପାକିସ୍ତାନକୁ ଚାମ୍ପିୟନ୍ସ ଟ୍ରଫିରେ ତିଷ୍ଠି ରହିବାକୁ ଅନ୍ୟ ଟିମର ଫଳାଫଳ ଉପରେ ନିର୍ଭର କରୁଥିଲା । କିନ୍ତୁ ନ୍ୟୁଜିଲାଣ୍ଡ ଠାରୁ ବାଂଲାଦେଶ ପରାଜିତ ହେବା ପାକିସ୍ତାନର ଆଶାକୁ ଧୂଳିସାତ କରିଛି । ବାଂଲାଦେଶ ବିପକ୍ଷ ଶେଷ ମ୍ୟାଚ୍ ପାକିସ୍ତାନ ପାଇଁ କେବଳ ଔପଚାରିକତା ପାଲଟିଛି । 

ଚାମ୍ପିୟନ୍ସ ଟ୍ରଫିରୁ ପାକିସ୍ତାନ ବିଦା 
-    ଜିତିଲା ନ୍ୟୁଜିଲାଣ୍ଡ, ବିଦା ହେଲା ପାକିସ୍ତାନ
-    ଚାମ୍ପିୟନ୍ସ ଟ୍ରଫିରୁ ଆୟୋଜକ ଦେଶ ଭାବେ ପାକିସ୍ତାନ ବିଦା
-    ଗ୍ରୁପ ଏରୁ ସେମିଫାଇନାଲ ଟିକେଟ ହାତେଇଲେ ଭାରତ ଓ ନ୍ୟୁଜିଲାଣ୍ଡ 
-    ୨ଟି ଲେଖାଏଁ ପରାଜୟ ସହ ଉଭୟ ପାକିସ୍ତାନ ଓ ବାଂଲାଦେଶ ଟୁର୍ଣ୍ଣାମେଣ୍ଟରୁ ବିଦା
-    ପାକିସ୍ତାନ-ବାଂଲାଦେଶ ମ୍ୟାଚ୍ କେବଳ ଔପଚାରିକତାରେ ସୀମିତ
-    ନ୍ୟୁଜିଲାଣ୍ଡ ବିପକ୍ଷରେ ବାଂଲାଦେଶ ବିଜୟୀ ହୋଇଥିଲେ ପାକିସ୍ତାନର ସେମିଫାଇନାଲ ଆଶା 

ଉଜ୍ଜୀବିତ ରହିଥାନ୍ତା
-    କିନ୍ତୁ ଏଥିପାଇଁ ଅନ୍ୟ ଦଳର ଫଳାଫଳ ଉପରେ ପାକିସ୍ତାନକୁ ନିର୍ଭର କରିବାକୁ ପଡିଥାନ୍ତା
-    ନ୍ୟୁଜିଲାଣ୍ଡ ବିପକ୍ଷରେ ଭାରତର ନିଶ୍ଚିନ୍ତ ବିଜୟ ଆଶା କରିଥାନ୍ତା ପାକିସ୍ତାନ
-    ସେହିଭଳି ବାଂଲାଦେଶକୁ ବଡ ବ୍ୟବଧାନରେ ପାକିସ୍ତାନକୁ ହରାଇବାକୁ ପଡିଥାନ୍ତା
-    କିନ୍ତୁ ନ୍ୟୁଜିଲାଣ୍ଡର ରଚିନ୍ ରବୀନ୍ଦ୍ରଙ୍କ ଶତକ ପାକିସ୍ତାନର ଆଶା ଧୂଳିସାତ କରିଛି 
-    ଟୁର୍ଣ୍ଣାମେଣ୍ଟରେ ଏବେ ବି ଭାରତ ଓ ନ୍ୟୁଜିଲାଣ୍ଡ ଅପରାଜେୟ ରହିଛନ୍ତି
-    ଶେଷ ମ୍ୟାଚରେ ପରସ୍ପରକୁ ଭେଟିବେ ଭାରତ-ନ୍ୟୁଜିଲାଣ୍ଡ