ହଜିଗଲା କେଭିନ ପିଟରସନଙ୍କ ପାନ କାର୍ଡ, ମୋଦୀଙ୍କୁ କଲେ ଗୁହାରି
ନୂଆଦିଲ୍ଲୀ: ଇଂଲଣ୍ଡର ପୂର୍ବତନ ଅଧିନାୟକ ତଥା ବ୍ୟାଟ୍ସମ୍ୟାନ୍ କେଭିନ ପିଟରସନଙ୍କ ପାନ କାର୍ଡ ହଜିଯାଇଛି। ଏହା ପରେ ସେ ଭାରତରୁ ସାହାଯ୍ୟ ଲୋଡିଛନ୍ତି। ପିଟରସନ ମଙ୍ଗଳବାର ଟ୍ୱିଟ କରି ଏହି ସୂଚନା ଦେଇଛନ୍ତି। ସେ ଏଥିରେ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମଧ୍ୟ ଟ୍ୟାଗ୍ କରିଛନ୍ତି। ଏହା ଉପରେ ଭାରତୀୟ ଆୟକର ବିଭାଗ ମଧ୍ୟ ପିଟରସନଙ୍କୁ ସାହାଯ୍ୟ କରିବାକୁ ପ୍ରସ୍ତାବ ଦେଇଛି। ପିଟରସନ ଉଭୟ ଇଂରାଜୀ ଏବଂ ହିନ୍ଦୀ ଭାଷାରେ ଟ୍ୱିଟ୍ କରିଛନ୍ତି। ସେ ଲେଖିଛନ୍ତି- ଭାରତ ଦୟାକରି ସାହାଯ୍ୟ କରନ୍ତୁ, ମୁଁ ମୋର ପାନ୍ କାର୍ଡ ହଜାଇଦେଇଛି ଏବଂ ମୋର ଏହି କାର୍ଡ ଦରକାର |
Sambad is now on WhatsApp
Join and get latest news updates delivered to you via WhatsApp
ଦୟାକରି ମୋତେ ସେହି ବ୍ୟକ୍ତିଙ୍କ ନିକଟକୁ କେହି ପଠାଇ ପାରିବେ କି ଯାହାକୁ ମୁଁ ମୋର ସାହାଯ୍ୟ ପାଇଁ ଯଥାଶୀଘ୍ର ଯୋଗାଯୋଗ କରିପାରିବି? ଏହା ପରେ ସେ ପ୍ରଧାନମନ୍ତ୍ରୀ ମୋଦୀଙ୍କୁ ଟ୍ୟାଗ୍ କରିଛନ୍ତି। ପିଟରସନଙ୍କ ଏହି ଟ୍ୱିଟର ଜବାବରେ ଭାରତୀୟ ଆୟକର ବିଭାଗ ଲେଖିଛି – ଯଦି ଆପଣଙ୍କ ପାଖରେ ପାନ୍ କାର୍ଡ ବାବଦରେ ସୂଚନା ଅଛି, ତେବେ ଆପଣ ନିମ୍ନୋକ୍ତ ଲିଙ୍କରେ କ୍ଲିକ କରି ପାନ୍ କାର୍ଡ ପାଇପାରିବେ। ଏହା ପରେ ଆୟକର ବିଭାଗ କିଛି ଲିଙ୍କ୍ ସେୟାର କରିଛି | ‘https://www.tin-nsdl.com/services/pan/pan-index.html’ ଏବଂ ‘https://www.pan.utiitsl.com/PAN/mainform.html’ ଆୟକର ବିଭାଗ ପକ୍ଷରୁ ଅନ୍ୟ ଏକ ଟ୍ୱିଟରେ ଲେଖାଯାଇଛି ଯେ ଯଦି ଆପଣଙ୍କର ପାନ କାର୍ଡ ବିଷୟରେ କିଛି ମନେ ନାହିଁ ତେବେ ଆପଣ ଏହି ଇ-ମେଲ୍ [email protected], jd .systems1.1 @ incometax.gov.in ‘ ରେ ଲେଖିପାରିବେ |
भारत कृपया मदद करें⚠️
मैंने अपना पैन कार्ड खो दिया है और सोम यात्रा कर रहा हूं लेकिन काम के लिए भौतिक कार्ड की जरूरत है।
क्या कोई कृपया मुझे किसी ऐसे व्यक्ति के पास भेज सकता है जिससे मैं अपनी सहायता के लिए यथाशीघ्र संपर्क कर सकूं?
cc @narendramodi 🙏🏽
— Kevin Pietersen🦏 (@KP24) February 15, 2022
ଏହାର ଜବାବ ଦେଇ ପିଟରସନ ଆୟକର ବିଭାଗକୁ ମଧ୍ୟ ଧନ୍ୟବାଦ ଜଣାଇଛନ୍ତି | ସୂଚନା ଥାଉ କି ପିଟରସନ ପ୍ରାୟତଃ ଭାରତ ପରିଦର୍ଶନ କରନ୍ତି | ସେ ଆଇପିଏଲର କମେଣ୍ଟାରୀ ପ୍ୟାନେଲ ସହିତ ମଧ୍ୟ ଜଡିତ | ଦିଲ୍ଲୀ ଡେୟାରଡେଭିଲ୍ସ, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର, ସନରାଇଜର୍ସ ହାଇଦ୍ରାବାଦ, ଡେକାନ ଚାର୍ଜର୍ସ ଏବଂ ପୁଣେ ସୁପରଜିଆଣ୍ଟ ଭଳି ଦଳ ପାଇଁ ପିଟରସନ ଆଇପିଏଲରେ ଖେଳିଛନ୍ତି।