ଅସ୍ତ୍ରୋପଚାର ପରେ ପାଣ୍ଡ୍ୟା ଫିଟ୍, ୩୭ ବଲରେ ମାରିଲେ ଶତକ
ମୁମ୍ବାଇ: ଅସ୍ତ୍ରୋପଚାର ପରେ ଭାରତୀୟ ଦଳକୁ ଫେରିବାକୁ ଚେଷ୍ଟା ଚଳାଇଥିବା ଚର୍ଚିତ ଅଲରାଉଣ୍ଡର ହାର୍ଦିକ ପାଣ୍ଡ୍ୟା ଫର୍ମକୁ ଫେରିବାର ସ୍ପଷ୍ଟ ସଙ୍କେତ ଦେଇଛନ୍ତି। ନଭି ମୁମ୍ବାଇର ରିଲାଏନ୍ସ କର୍ପୋରେଟ୍ ପାର୍କଠାରେ ଆୟୋଜିତ ଡିୱାଇ ପାଟିଲ ଟ୍ବେଣ୍ଟି-୨୦ କପ୍ରେ ମଙ୍ଗଳବାର ସେ ମାତ୍ର ୩୭ ବଲ୍ରୁ ଶତକ ସହ ୩୯ ବଲ୍ରୁ ୧୦୫ ରନ୍ର ବିସ୍ଫୋରକ ପାଳି ଖେଳି ନିଜ ପୁରୁଣା ଚମକର ଝଲକ ଦେଖାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ରିଲାଏନ୍ସ ୱାନ୍ ଦଳର ପ୍ରତିନିଧିତ୍ବ କରିଥିବା ପାଣ୍ଡ୍ୟା ଏହି ଅବସରରେ ୮ ଚୌକା ଓ ୧୦ ବିଶାଳ ଛକା ମାରିଥିଲେ। ତାଙ୍କ ଧୂଆଁଧାର ଶତକୀୟ ପାଳି ବଳରେ ରିଲାଏନ୍ସ ନିର୍ଧାରିତ ୨୦ ଓଭରରେ ୫ ୱିକେଟ୍ ହରାଇ ୨୫୨ ରନ୍ର ବିଶାଳ ସ୍କୋର କରିଥିଲା। ଏଥିସହିତ ପାଣ୍ଡ୍ୟା ଦକ୍ଷିଣ ଆଫ୍ରିକା ବିପକ୍ଷ ଶୃଙ୍ଖଳା ପୂର୍ବରୁ ଭାରତୀୟ ଦଳରେ ସ୍ଥାନ ପାଇବା ଲାଗି ଦୃଢ଼ ଦାବିଦାରି ଉପସ୍ଥାପନା କରିଛନ୍ତି। ୫ ମାସ ପୂର୍ବେ ୨୬ ବର୍ଷୀୟ ପାଣ୍ଡ୍ୟାଙ୍କର ତଳ ପିଠିରେ ଅସ୍ତ୍ରୋପଚାର ହୋଇଥିଲା। ହେଲେ ସେ ନ୍ୟୁଜିଲାଣ୍ଡ ଗସ୍ତ ବେଳକୁ ସୁସ୍ଥ ହୋଇ ପାରିନଥିଲେ। ସେଥିପାଇଁ ଏହି ଗସ୍ତରୁ ବାଦ୍ ପଡ଼ିଥିଲେ।