‘ଧୋନି ଭାଇ ମୋ ଜୀବନକୁ ପରିବର୍ତ୍ତନ କରିଦେଇଛନ୍ତି, ସେ ମୋ ପାଇଁ ଭାଇ, ସାଙ୍ଗ ଓ ପରିବାରର ସଦସ୍ୟ ଭଳି’ କିଛି ଏଭଳି କହିଲେ ହାର୍ଦ୍ଦିକ

ନୂଆଦିଲ୍ଲୀ: ଚେନ୍ନାଇ ସୁପରକିଙ୍ଗସର ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ବାବଦରେ କିଛି ଏମିତି କଥା ସାମ୍ନାକୁ ଆସିଛି, ଯାହାକି ଆପଣଙ୍କୁ ଆଶ୍ଚର୍ଯ୍ୟ କରିଦେବ | ଆଉ ଗୁଜୁରାଟ ଟାଇଟାନ୍ସର ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଧୋନିଙ୍କ ବାବଦରେ ଏମିତି କିଛି କହିଛନ୍ତି, ଯାହାକି ଧୋନିଙ୍କ ଫ୍ୟାନଙ୍କ ପାଇଁ ଖୁସି ଆଣିଦେଇଛି | ବାସ୍ତବରେ ହାର୍ଦ୍ଦିକ ପାଣ୍ଡ୍ୟାଙ୍କୁ ଯେତେବେଳେ ଗୁଜୁରାଟ ଟାଇଟାନ୍ସର ଅଧିନାୟକ କରାଗଲା, ସେତେବେଳେ ଏହି ନିଷ୍ପତ୍ତିକୁ ନେଇ ଅନେକ କ୍ରିକେଟ୍ ପଣ୍ଡିତ ପ୍ରଶ୍ନ ଉଠାଇଥିଲେ | କିନ୍ତୁ ହାର୍ଦ୍ଦିକ ଦଳକୁ ସଫଳତାର ସହ ଆଗେଇନେଇ ଫାଇନାଲରେ ପ୍ରବେଶ କରି ତାଙ୍କ ସମାଲୋଚକଙ୍କ ମୁହଁକୁ ବନ୍ଦ କରିଦେଇଛନ୍ତି ।

ଆଇପିଏଲ୍ ୨୦୨୨ରେ, ହାର୍ଦ୍ଦିକଙ୍କ ଅଧିନାୟକତ୍ୱରେ ଗୁଜୁରାଟ ଟାଇଟାନ୍ସ ପଏଣ୍ଟ ଟେବୁଲରେ ଶୀର୍ଷରେ ରହି ପ୍ରଥମେ ପ୍ଲେ ଅଫ୍ ଏବଂ ପରେ ଫାଇନାଲ୍ ପାଇଁ ଉତ୍ତୀର୍ଣ୍ଣ ହୋଇଛି | ଆଉ ଫାଇନାଲରେ ପହଞ୍ଚିବା ପରେ ହାର୍ଦ୍ଦିକ ଧୋନିଙ୍କୁ ପ୍ରଶଂସା କରିଛନ୍ତି। ସେ କହିଛନ୍ତି ଯେ, ‘ମାହି ଭାଇ ମୋ ଜୀବନରେ ଏକ ପ୍ରମୁଖ ଭୂମିକା ଗ୍ରହଣ କରିଛନ୍ତି। ସେ ମୋ ପାଇଁ ଭାଇ, ବନ୍ଧୁ ଏବଂ ପରିବାରର ସଦସ୍ୟ ପରି | ମୁଁ ତାଙ୍କଠାରୁ ବହୁତ ଭଲ ଜିନିଷ ଶିଖିଲି | ବ୍ୟକ୍ତିଗତ ଭାବରେ ଦୃଢ ରହି ମୁଁ ଏହି ସବୁ ଜିନିଷର ସାମ୍ନା କରିପାରିଲି | ଅଧିନାୟକ ହେବା ପୂର୍ବରୁ ମଧ୍ୟ ମୁଁ ପ୍ରତ୍ୟେକ ପରିସ୍ଥିତିରେ ଶାନ୍ତ ରହିଥିଲି | ଏହି ସମୟରେ ଉତ୍ତମ ନିଷ୍ପତ୍ତି ନିଆଯାଇପାରେ | ମୋ କ୍ୟାରିଅରରେ ଏବଂ ଜୀବନରେ ମଧ୍ୟ ମୁଁ ଭୟଭୀତ ହେବା ଅପେକ୍ଷା ଦଶ ସେକେଣ୍ଡ ଅପେକ୍ଷା କରିବାକୁ ପସନ୍ଦ କରେ।’

ସୂଚନା ଥାଉ କି ମୁମ୍ବାଇ ଇଣ୍ଡିଆନ୍ସରୁ ମୁକୁଳିବା ହେବା ପରେ ଗୁଜୁରାଟ ଟାଇଟାନ୍ସ ତାଙ୍କୁ ଆଇପିଏଲ ୨୦୨୨ ପୂର୍ବରୁ ମେଗା ନିଲାମରେ ୧୫ କୋଟି ଟଙ୍କାରେ କିଣିଥିଲା ।

ସମ୍ବନ୍ଧିତ ଖବର