ରକିଂ ଷ୍ଟାର୍‌ ୟଶ୍‌ଙ୍କ ସହ ଫଟୋ ସେୟାର କରି ପ୍ରଶଂସକଙ୍କ ମନ ଜିଣିଲେ ଅଲ୍‌ରାଉଣ୍ଡର୍‌ ହାର୍ଦ୍ଦିକ ପାଣ୍ଡ୍ୟା

ମୁମ୍ବାଇ: ରକିଂ ଷ୍ଟାର୍‌ ୟଶ୍‌ଙ୍କ ବ୍ଲକ୍‌ବଷ୍ଟର୍‌ ଚଳଚ୍ଚିତ୍ର 'କେଜିଏଫ୍‌' ସବୁବେଳେ ଚର୍ଚ୍ଚାରେ ରହିଛି । ୟଶ୍‌ଙ୍କୁ କେବଳ ପ୍ରଶଂସକ ନୁହଁନ୍ତି, ବଡ଼ବଡ଼ ସେଲିବ୍ରେଟିମାନେ ବହୁତ ପସନ୍ଦ କରନ୍ତି । ଭାରତୀୟ କ୍ରିକେଟ ଦଳର ଅଲ୍‌ ରାଉଣ୍ଡର୍‌ ହାର୍ଦ୍ଦିକ ପାଣ୍ଡ୍ୟା ଏବେ ସୋସିଆଲ ମିଡ଼ିଆରେ ୟଶ୍‌ଙ୍କ ସହ ଏକ ଫଟୋ ସେୟାର କରିଛନ୍ତି । ସେହି ଫଟୋକୁ ଦେଖିଲେ ଲାଗୁଛି ଯେ, 'କେଜିଏଫ୍‌' ର ଷ୍ଟାର୍‌ 'ରକି ଭାଇ'ଙ୍କୁ ଭେଟିବାରେ କେତେ ଖୁସି ଅଛନ୍ତି ।

ଉଲ୍ଲେଖନୀୟ, ଚଳିତ ବର୍ଷ ଏପ୍ରିଲରେ ବ୍ଲକ୍‌ବଷ୍ଟର୍‌ ଚଳଚ୍ଚିତ୍ର କେଜିଏଫ୍‌ ଚାପ୍ଟର-୨ରିଲିଜ ପରେ ହାର୍ଦ୍ଦିକଙ୍କ ଖୁସି ଏବଂ ଉତ୍ସାହ ଦେଖିବାକୁ ମିଳିଥିଲା । ପୁଣିଥରେ ଫଟୋ ସେୟାର କରି ଏବେ ବହୁତ ଖୁସି ଅଛନ୍ତି କ୍ରିକେଟର ପାଣ୍ଡ୍ୟା । ଇନଷ୍ଟାରେ ଦୁଇଟି ଫଟୋ ପାଣ୍ଡ୍ୟା ସେୟାର କରିଛନ୍ତି । ଏହି ଫଟୋରେ ୟଶ୍‌ଙ୍କ ସହ ହାର୍ଦ୍ଦିକ ଏବଂ ତାଙ୍କ ଭାଇ କ୍ରୁନାଲ ପାଣ୍ଡ୍ୟାଙ୍କୁ ଦେଖିବାକୁ ମିଳିଛି । ହାର୍ଦ୍ଦିକ ସେହି ପୋଷ୍ଟର କ୍ୟାପସନରେ ଲେଖିଛନ୍ତି, 'କେଜିଏଫ୍-୩ ।'

ୟଶ୍‌ଙ୍କ ସହ ହାର୍ଦ୍ଦିକଙ୍କ ଫୋଟୋକୁ ଦେଖି ପ୍ରଶଂସକମାନେ ବହୁତ ଖୁସି ହୋଇଥିଲେ । ଜଣେ ୟୁଜର୍ସ କମେଣ୍ଟରେ ସାବାସୀ ଦେବା ବେଳେ ଅନ୍ୟ ଜଣେ ଲେଖିଛନ୍ତି, 'ବହୁତ ସୁନ୍ଦର ଫଟୋ' । ଆଉ ଜଣେ ୟୁଜର୍ସ ଲେଖିଛନ୍ତି, 'ତୁମେ କେଜିଏଫରେ ଜଣେ ଭିଲେନ୍ ହୋଇଯାଅ, ଚଳଚ୍ଚିତ୍ରଟି ନିଶ୍ଚିତ ଭାବରେ ଆହୁରି ଭଲ ହେବ ।'

ରକିଂ ଷ୍ଟାର୍‌ ୟଶ୍‌ଙ୍କ ଦୁଇଟି ଯାକ ଚଳଚ୍ଚିତ୍ର ପ୍ରଶଂସକଙ୍କୁ ବହୁତ ପସନ୍ଦ ଆସିଥିଲା କିନ୍ତୁ କେଜିଏଫ୍-୩ ପାଇଁ କୌଣସି ଅପଡେଟ୍ ଏ ପର୍ଯ୍ୟନ୍ତ ମିଳିନାହିଁ । ଜାନୁଆରୀରେ ୟଶ୍‌ଙ୍କ ଜନ୍ମଦିନ ଥିବାରୁ କେଜିଏଫ୍-୩ ଚଳଚ୍ଚିତ୍ରର ଅପଡେଟ୍ ଆସିବା ନେଇ ସମସ୍ତେ ଉତ୍ସାହର ସହ ଅପେକ୍ଷା କରିଛନ୍ତି ।