ନୂଆଦିଲ୍ଲୀ: ୧୯ ଥରର ବିଶ୍ବ ବିଜେତା ଭାରତୀୟ ତାରକା ପଙ୍କଜ ଆଡ଼ଭାନୀ ବୁଧବାର ଏସୀୟ ସ୍ନୁକର ଟୁର୍‌ ମୁକୁଟ କରାୟତ କରିଛନ୍ତି। ଚୀନ୍‌ର ଜିନାନରେ ଆୟୋଜିତ ଏହି ପ୍ରତିଯୋଗିତାର ଫାଇନାଲ୍‌ରେ ସେ ୬-୧ରେ ସ୍ଥାନୀୟ ଖେଳାଳି ଜୁ ରେଟିଙ୍କୁ ପରାସ୍ତ କରିଥିଲେ। ଏଥି ସହ ‌ପଙ୍କଜ ଏସୀୟ ଟୁର୍‌ ପ୍ରତି‌େଯାଗିତାରେ ପ୍ରଥମ ଟ୍ରଫି ଜିତିବାର ଗୌରବ ପାଇଥିଲେ। ବିଶ୍ବ ବିଲି୍ୟାର୍ଡ୍ସ ଓ ସ୍ନୁକର ପ୍ରତିଯୋଗିତାର ଆଉ ମାତ୍ର କିଛି ଦିନ ଥିଲା ବେ‌େଳ ଏହି ପୂର୍ବତନ ବିଜେତା ଏଠାରେ ଟ୍ରଫି ଜିତି ନିଜର ମନୋବଳକୁ ଆହୁରି ଦୃଢ଼ କରି ଦେଇଛନ୍ତି। ବିଶ୍ବ ପ୍ରତିଯୋଗିତା ନଭେମ୍ବର ୧୨ରୁ ୨୭ ତାରିଖ ପର୍ଯ୍ୟନ୍ତ ମିଆଁମାରରେ ଅନୁଷ୍ଠିତ ହେବ।