ଟିମ୍ ଇଣ୍ଡିଆର ନୂଆ ଜର୍ସି ନେଇ ଟୁଇଟରରେ କଟାକ୍ଷ କଲେ କ୍ରିକେଟ୍ ପ୍ରେମୀ: ସ୍ୱିଗି ୟୁନିଫର୍ମ, ହର୍ଲିକ୍ସ ଡବା ଓ ତେଲଟାଙ୍କି କର୍ମଚାରୀଙ୍କ ପୋଷାକ ସହ ତୁଳନା କଲେ

ମୁମ୍ବାଇ: ଆସନ୍ତାକାଲି ପ୍ରଥମ ଥର ପାଇଁ ଅରେଞ୍ଜ ଜର୍ସିରେ ମଇଦାନକୁ ଓହ୍ଲାଇବାକୁ ଯାଉଛି ଭାରତ । ଆଉ ଏହା ପୂର୍ବରୁ ଜାରି ହୋଇସାରିଛି ଟିମ୍ ଇଣ୍ଡିଆର ନୂଆ ଜର୍ସି । ଆସନ୍ତାକାଲି ଇଂଲଣ୍ଡ ବିପକ୍ଷ ମ୍ୟାଚରେ ଅରେଞ୍ଜ  ଜର୍ସିରେ ନଜର ଆସିବେ ମେନ୍ ଇନ୍ ବ୍ଲୁ । ଅର୍ଥାତ୍ ମେନ୍ ଇନ୍ ଅରେଂଜ ହୋଇ ପଡିଆକୁ ଓହ୍ଲାଇବେ ଭାରତୀୟ କ୍ରିକେଟ ଖେଳାଳି । ଉଭୟ ଇଂଲଣ୍ଡ ଓ ଭାରତର ପୋଷାକ ରଂଗ ଏକାଭଳି ହୋଇଥିବାରୁ ଭାରତୀୟ ଟିମ୍ ତାର ପୋଷାକ ରଂଗରେ ପରିବର୍ତନ କରିବାକୁ ଯାଉଛି ।

ନିୟମ ଅନୁସାରେ ଆୟୋଜକ ଦଳ ପୋଷାକର ରଂଗ ପରିବର୍ତନ କରି ନଥାଏ । ଅନ୍ତର୍ଜାତୀୟ କ୍ରିକେଟରେ ଗୋଟିଏ ଦଳ ଦୁଇଟି ପୋଷାକ ପିନ୍ଧିପାରିବାର ଅନୁମତି ରହିଛି । ସେହି କ୍ରମରେ କାଲି ଅରେଂଜ ଜର୍ସି  ପିନ୍ଧି ମ୍ୟାଚ ଖେଳିବେ ବିରାଟ ବାହିନୀ । ନୂଆ ଜର୍ସି ସହ ପୁରା ଟିମ୍ ଇଣ୍ଡିଆ ଫଟୋ ସୁଟ୍ ବି କରିଛନ୍ତି । ତେବେ ନୂଆ ଜର୍ସି ଉନ୍ମୋଚନ ହେବା ପରେ ଆରମ୍ଭ ହୋଇଯାଇଛି ଉଭୟ ସମର୍ଥନ ଓ ସମାଲୋଚନା ।

ଜର୍ସିର  ରଂଗକୁ ନେଇ ମୂଳରୁ ବିବାଦ ଆରମ୍ଭ ହୋଇଛି । ବିଜେପିର ରଂଗ ଗେରୁଆ ହୋଇଥିବାରୁ ଏହାକୁ ରାଜନୈତିକ ଦୃଷ୍ଟିଭଙ୍ଗୀରେ ଦେଖୁଛନ୍ତି ବିରୋଧୀ । ଏବେ ବିସିସିଆଇ ନୂଆ ଜର୍ସିକୁ ଟୁଇଟର ହ୍ୟାଣ୍ଡେଲରେ ପୋଷ୍ଟ କରିବା ପରେ ସମର୍ଥନ କମ୍ ଓ ସମାଲୋଚନା ଅଧିକ ଦେଖିବାକୁ ମିଳିଛି । କେହି ଏହାକୁ ହର୍ଲିକସ ଡବାର ରଂଗ ସହ ତୁଳନା କରିଥିବା ବେଳେ ଅନ୍ୟକେହି ସ୍ୱିଗି ୟୁନିଫର୍ମ ସହ ତୁଳନା କରିଛନ୍ତି । ସେହିପରି କେତେକ ପେଟ୍ରୋଲ ଟାଙ୍କିରେ କର୍ମଚାରୀ ପିନ୍ଧିଥିବା ୟୁନିଫର୍ମର ରଂଗ ସହ ମଧ୍ୟ ତୁଳନା କରିଛନ୍ତି ।

ବିସିସିଆଇ ପକ୍ଷରୁ ଟିମ୍ ଇଣ୍ଡିଆର ନୂଆ ଜର୍ସି ନେଇ ଟୁଇଟରରେ କ୍ରିକେଟ୍ ପ୍ରେମୀଙ୍କ ମତ ଲୋଡାଯାଇଥିଲା । ଆଉ ଏଥିରେ ସ୍ୱିଗି କର୍ମଚାରୀଙ୍କ ଏକ ଫଟୋ ଟ୍ୱିଟ୍ କରିଛନ୍ତି ଡିଆର୍ ପାଣ୍ଡିଆନ୍ । ନୂଆ ଜର୍ସି ସ୍ୱିଗି ପୋଷାକରୁ ପ୍ରେରଣ ପାଇଥିବା ସେ ଲେଖିଛନ୍ତି ।

ସେହିପରି ନୂଆ ଜର୍ସି ଓ ହର୍ଲିକ୍ସ ଡବାର ଫଟୋ ପୋଷ୍ଟ କରିଛନ୍ତି ଜନ୍ସ ନାମକ ଆଉ ଜଣେ ବ୍ୟକ୍ତି । ହର୍ଲିକ୍ସ ଡବା ରଙ୍ଗରୁ ପ୍ରେରଣା ପାଇଥିବା ସେ ସମାଲୋଚନା କରିଛନ୍ତି ।

ସେହିପରି ଦିଜୱଲେ ବାବୁ ନାମକ ଅନ୍ୟ ଜଣେ ବ୍ୟକ୍ତି ଟ୍ୱିଟରରେ ଫଟୋ ପୋଷ୍ଟ କରି ଲେଖିଛନ୍ତି, ‘ତେଲ୍ ଲଗାଲୋ ଡାବର କା, ନାମ୍ ମିଟା ଦୋ ବାବର କା । ସେ ଆହୁରି ମଧ୍ୟ ଲେଖିଛନ୍ତି, ଭଗୱା ସେର୍ ଧୋନୀ ସାତ୍ ନମ୍ବର ।

ସେହିଭଳି ୟୋ ୟୋ ଫନି ସିଂ ନାମକ ଜଣେ ବ୍ୟକ୍ତି ପେଟ୍ରୋଲ ଟାଙ୍କିରେ କାମ କରୁଥିବା ସୈଫ୍ ଅଲ୍ଲିଙ୍କ ଡୁପ୍ଲିକେଟଙ୍କ ଫଟୋ ଛାଡିଛନ୍ତି । ଏହି ଡ୍ରେସରେ ସେ ପିନ୍ଧିଥିବା ପୋଷାକକୁ ନେଇ ଇଣ୍ଡିଆର ନୂଆ ଜର୍ସିକୁ ସେ ସମାଲୋଚନା କରିଛନ୍ତି ।