ଭୁବନେଶ୍ବର : ଓଡ଼ିଶା ଫୁଟ୍‌ବଲ ସଂଘ ଓ ରାଜ୍ୟ କ୍ରୀଡ଼ା ବିଭାଗର ମିଳିତ ଉଦ୍ୟମରେ ଫାଓ-ଖେଲୋ ଇଣ୍ଡିଆ ୧୭ ବର୍ଷରୁ କମ୍‌ ବାଳିକା ଫୁଟ୍‌ବଲ ଲିଗ୍‌ ଆସନ୍ତା ୨୫ ତାରିଖରୁ ଆରମ୍ଭ ହେବ। ଏହି ରାଜ୍ୟସ୍ତରୀୟ ପ୍ରତିଯୋଗିତାତାରେ ୨୦୦୭ ମସିହା ଜାନୁଆରି ୧ରୁ ୨୦୦୯ ଡିସେମ୍ବର ୩୧ ତାରିଖ ମଧ୍ୟରେ ଜନ୍ମଗ୍ରହଣ କରିଥିବା ବାଳିକାମାନେ ହିଁ ଭାଗ ନେଇପାରିବେ। ଭୁବନେଶ୍ବର ଦଳ ମଧ୍ୟ ପ୍ରତିଯୋଗିତାରେ ଭାଗ ନେବ ଏବଂ ଆସନ୍ତା ୧୮ ତାରିଖରେ ୟୁନିଟ୍‌-୬ ଉଚ୍ଚ ବିଦ୍ୟାଳୟ ଖେଳ ପଡ଼ିଆରେ ଏଥିପାଇଁ ଖେଳାଳି ଚୟନ କରାଯିବ ବୋଲି ଭୁବନେଶ୍ବର ଦୌଡ଼କୁଦ ସଂଘର ସାଧାରଣ ସଂପାଦକ ଡଃ ସୌର୍ଯ୍ୟରଞ୍ଜନ ପରିଜା ଜଣାଇଛନ୍ତି। ଚୟନ ପ୍ରକ୍ରିୟାରେ ଅଂଶଗ୍ରହଣ କରିବାକୁ ଆଗ୍ରହୀ ବାଳିକାମାନେ ନିଜର ଆଧାର କାର୍ଡ, ସ୍କୁଲ୍‌ କିମ୍ବା କଲେଜ ପରିଚୟପତ୍ର ଏବଂ ମୁନିସପାଲିଟି କିମ୍ବା ପିଏଚ୍‌ସି ଦ୍ବାରା ପ୍ରଦତ୍ତ ଜନ୍ମ ପ୍ରମାଣପତ୍ରର ଓରିଜିନାଲ ଏବଂ ଦୁଇଟି ଜେରକ୍ସ କପି ସଙ୍ଗରେ ଆଣିବେ। ଅଧିକ ବିବରଣୀ ପାଇଁ ଫୁଟ୍‌ବଲ ସଂପାଦକ ଦିଲୀପ କୁମାର ଦାସ (୬୩୭୨୮୮୭୦୬୯)ଙ୍କ ସହ ଯୋଗଯୋଗ କରିବାକୁ ଅନୁରୋଧ କରାଯାଇଛି।