ଅଷ୍ଟ୍ରେଲିଆ ଗସ୍ତ ପାଇଁ ଚୟନ ସମୟରେ ଫିଟ୍ ଥିଲେ ଜାଦେଜା: ଏମ୍ଏସ୍କେ ପ୍ରସାଦ
ମେଲବୋର୍ଣ୍ଣ: ମୁଖ୍ୟ ଚୟନକର୍ତ୍ତା ଏମ୍ଏସ୍କେ ପ୍ରସାଦ ମଙ୍ଗଳବାର ସ୍ପଷ୍ଟ କରିଛନ୍ତି ଯେ, ଚୟନ କମିଟି ଟେଷ୍ଟ ଶୃଙ୍ଖଳା ପାଇଁ ରବୀନ୍ଦ୍ର ଜାଦେଜାଙ୍କ ଚୟନ ତାଙ୍କର ଫିଟନେସ୍ ରିପୋର୍ଟ ଆଧାରରେ କରିଥିଲା, ଯେଉଁଥିରେ ସେ ସଂପୂର୍ଣ୍ଣ ଭାବରେ ଫିଟ ଘୋଷିତ ହୋଇଥିଲେ। ଜାଦେଜାଙ୍କ କାନ୍ଧରେ ସାମାନ୍ୟ ଆଘାତ ଲାଗିଥିଲା, ସେଥିପାଇଁ ସେ ପର୍ଥ ଟେଷ୍ଟରେ ଖେଳିପାରି ନଥିଲେ ଏବଂ କୋଚ ରବି ଶାସ୍ତ୍ରୀ ସାମ୍ବାଦିକମାନଙ୍କୁ କହିଥିଲେ ଯେ, ଏହି ଖେଳାଳି ଭାରତରୁ ଆଘାତ ଲାଗିବା ଅବସ୍ଥାରେ ଅଷ୍ଟ୍ରେଲିଆ ଆସିଥିଲେ। ବକ୍ସିଂ ଡେ ଟେଷ୍ଟରେ ସୌରାଷ୍ଟ୍ରର ଏହି ଖେଳାଳି ରବୀନ୍ଦ୍ର ଜାଦେଜାଙ୍କୁ ସାମିଲ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ପ୍ରସାଦ କହିଛନ୍ତି, ଯେକୌଣସି ଚୟନ ବୈଠକର ପୂର୍ବ ସନ୍ଧ୍ୟାରେ ସମସ୍ତ ଖେଳାଳିଙ୍କୁ ଫିଟନେସ୍ ରିପୋର୍ଟ ଦିଆଯାଇଥାଏ। ଏହି ରିପୋର୍ଟରେ ଜାଦେଜା ସଂପୂର୍ଣ୍ଣ ରୂପେ ଫିଟ ଥିଲେ। ଯେତେବେଳେ ତାଙ୍କୁ ଚୟନ କରାଯାଇଥିଲା, ସେହି ସମୟରେ ସେ ରଣଜୀ ଟ୍ରଫି ମଧ୍ୟ ଖେଳିଥିଲେ। ରଣଜୀ ଟ୍ରଫିରେ ଜାଦେଜା ୬୦ ଓଭର ବୋଲିଂ କରିଥିଲେ। ଏଥିପାଇଁ ଅଷ୍ଟ୍ରେଲିଆ ପାଇଁ ଚୟନ ସମୟରେ ତାଙ୍କୁ କେହି ଅନ୍ଫିଟ୍ କହିପାରିବେ ନାହିଁ।
ସେ କହିଛନ୍ତି, ଯେତେବେଳେ ସ୍ୱାସ୍ଥ୍ୟ ସଂପର୍କିତ ପ୍ରସଙ୍ଗ ଉଠିଥାଏ, ଆମର ଏକ ଗୋଷ୍ଠୀ ଏସବୁ ଜିନିଷକୁ ଗୁରୁତର ସହିତ ନେଇଥାଏ। ଫିଜିଓ ଦ୍ୱାରା ପ୍ରତ୍ୟେକ ଜିନିଷକୁ ଦେଖାଯାଇଥାଏ ଏବଂ ବୟାନରେ ଏହା ସ୍ପଷ୍ଟ ରୂପ ଦିଆଯାଇଛି। ପ୍ରସାଦ କହିଛନ୍ତି, ମହେନ୍ଦ୍ର ସିଂହ ଧୋନିଙ୍କ ନ୍ୟୁଜିଲାଣ୍ଡ ଗସ୍ତ ପାଇଁ ଟି-୨୦କୁ ଫେରିବା ସୁନିଶ୍ଚିତ ଥିଲା, କାରଣ ତାଙ୍କୁ କେବଳ ୱେଷ୍ଟଇଣ୍ଡିଜ ଏବଂ ଅଷ୍ଟ୍ରେଲିଆ ଗସ୍ତ ବିପକ୍ଷରେ ୬ ଟି-୨୦ ଅନ୍ତର୍ଜାତୀୟ ମ୍ୟାଚ ପାଇଁ ବିଶ୍ରାମ ଦିଆଯାଇଥିଲା।