ପଞ୍ଜାବ ଓପନ୍ ମହିଳା ଗଲ୍ଫ : ଲଖି ନେଟ୍‌ ବିଜୟିନୀ

ଭୁବନେଶ୍ବର: ଚଣ୍ଡୀଗଡ଼ରେ ଅନୁଷ୍ଠିତ ୨୭ତମ ପଞ୍ଜାବ ଓପନ୍‌ ମହିଳା ଆମେଚର୍‌ ଗଲ୍‌ଫ ପ୍ରତିଯୋଗିତାରେ ଓଡ଼ିଶାର ଲଖି ସ୍ବାଇଁ ନେଟ୍‌ ସ୍କୋର୍‌ ବିଜୟିନୀ ହୋଇଛନ୍ତି। ସିଲଭର୍‌ ବର୍ଗରେ ଅଞ୍ଜଳି ନଙ୍ଗଲ୍‌ ୨୮୨ ସ୍କୋର୍‌ ସହ ଶ୍ରେଷ୍ଠ ଗ୍ରସ୍‌ ପୁରସ୍କାର ପାଇଥିବା ବେଳେ ଅର୍ଚନା କୁମାର ଉପବିଜୟିନୀ ହୋଇଥିଲେ। ଲଖି ୨୧୮ ସ୍କୋର୍‌ ସହିତ ଶ୍ରେଷ୍ଠ ନେଟ୍‌ ସ୍କୋର୍‌ ଟ୍ରଫି ହାତେଇଥିଲେ।

ମୁଖ୍ୟ ବର୍ଗରେ ଦିୟା ବ୍ରାର୍‌ (୨୩୪) ବିଜୟିନୀ ହୋଇଥିଲେ। ସାଖୀ ମେହେଟା ଉପବିଜୟିନୀ ଏବଂ ସୋନୁ ‌କାଲକଟ୍‌ ବେଷ୍ଟ ନେଟ୍‌ ସ୍କୋର୍‌ ବିଜୟିନୀ ହୋଇଥିଲେ। କାଂସ୍ୟ ବର୍ଗରେ ନଭିନା କାହାଇ ୩୧୨ ସ୍କୋର୍‌ ସହ ପଦକ ଜିତିଥିବା ବେଳେ ଇନ୍ଦର ଗିଲ୍‌ (୩୨୬) ଉପବିଜୟିନୀ ଏବଂ ବଲଜିନ୍ଦର ମଙ୍ଗତ ନେଟ୍ ପୁରସ୍କାର ପାଇଥିଲେ। କନିଷ୍ଠ ବର୍ଗରେ ମଧ୍ୟ ପ୍ରତିଯୋଗିତା ହୋଇଥିଲା। ରାଜ୍ୟ ଭିତରେ ଅପ୍ରତିଦ୍ବନ୍ଦ୍ବୀ ଥିବା ମହିଳା ଗଲ୍‌ଫର ଲଖି ସ୍ବାଇଁ ଭୁବନେଶ୍ବର ଗଲ୍‌ଫ କ୍ଲବ୍‌ (ବିଜିସି)ର ପ୍ରତିନିଧିତ୍ବ କରିଥିଲେ।