ରାହାଣେଙ୍କ ୫,୦୦୦ ରନ୍ ପୂର୍ଣ୍ଣ: ତ୍ରୟୋଦଶ ଭାରତୀୟ
ଲଣ୍ଡନ୍: ଭାରତକୁ ପ୍ରଥମ ପାଳିରେ ସମ୍ମାନଜନକ ସ୍କୋର୍ ପ୍ରଦାନ କରିଥିବା ଅଜିଙ୍କ୍ୟ ରାହାଣେ ଶତକରୁ ବଞ୍ଚିତ (୮୯ ରନ୍) ହେବା ଅବସରରେ ଏକ ବ୍ୟକ୍ତିଗତ ମାଇଲଖୁଣ୍ଟ ଅତିକ୍ରମ କରିଛନ୍ତି। ତ୍ରୟୋଦଶ ଭାରତୀୟ ବ୍ୟାଟର୍ ଭାବେ ୫,୦୦୦ ରନ୍ ପୂର୍ଣ୍ଣ କରି ନେଇଛନ୍ତି। ଦୀର୍ଘ ୧୮ ମାସ ପରେ ଟେଷ୍ଟ୍ କ୍ରିକେଟ୍କୁ ପ୍ରତ୍ୟାବର୍ତନ କରିଥିବା ୩୫ ବର୍ଷୀୟ ରାହାଣେ ନିଜର ୮୩ତମ ଟେଷ୍ଟ୍ରେ ଏହି ଗୌରବ ଅର୍ଜନ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ରାହାଣେଙ୍କ ପୂର୍ବରୁ କପିଳ ଦେବ (୫୨୪୮), ଗୁଣ୍ଡାପ୍ପା ବିଶ୍ବନାଥ (୬୦୮୦), ମହମ୍ମଦ ଆଝାରୁଦ୍ଦିନ୍ (୬୨୧୫), ଦିଲୀପ ଭେଙ୍ଗସରକାର (୬୮୬୮), ଚେତେଶ୍ବର ପୂଜାରା (୭୧୬୮*), ସୌରଭ ଗାଙ୍ଗୁଲି (୭୨୧୨), ବିରାଟ କୋହଲି (୮୪୩୦*), ବୀରେନ୍ଦ୍ର ସେହବାଗ (୮୫୦୩), ଭିଭିଏସ୍ ଲକ୍ଷ୍ମଣ (୮୭୮୧), ସୁନିଲ ଗାଭାସ୍କର (୧୦,୧୨୨) ରାହୁଲ ଦ୍ରାବିଡ଼ (୧୩, ୨୬୫) ଏବଂ ସଚିନ ତେନ୍ଦୁଲକର (୧୫, ୯୨୧) ଏହି କ୍ଲବ୍ରେ ଥିଲେ। ରାହାଣେ ତାଙ୍କ ୨୬ତମ ଟେଷ୍ଟ୍ ଅର୍ଦ୍ଧଶତକ ହାସଲ କରିଥିଲେ ମଧ୍ୟ ୧୧ ରନ୍ ପାଇଁ ତ୍ରୟୋଦଶ ଶତକରୁ ବଞ୍ଚିତ ରହିଥିଲେ। ଅଷ୍ଟ୍ରେଲିଆ ଅଧିନାୟକ ପ୍ୟାଟ୍ କମିନ୍ସଙ୍କୁ ଛକା ମାରି ଚମତ୍କାର ଢ଼ଙ୍ଗରେ କିନ୍ତୁ ଅର୍ଦ୍ଧଶତକ ପୂର୍ଣ୍ଣ କରିଥିଲେ। ଟେଷ୍ଟ ଦଳକୁ ପ୍ରତ୍ୟାବର୍ତନ କରିବା ପୂର୍ବରୁ ରାହାଣେ ଚଳିତ ବର୍ଷର ଆଇପିଏଲ୍ରେ ବିଜେତା ଚେନ୍ନାଇ ସୁପର୍ କିଙ୍ଗ୍ସ ଦଳର ପ୍ରମୁଖ ସଦସ୍ୟ ଥିଲେ। ଆଇପିଏଲ୍ରେ ସେ ୩୨୬ ରନ୍ ସଂଗ୍ରହ କରିଥିଲେ।