ମଞ୍ଜରେକରଙ୍କ କ୍ରିକେଟ୍ ମନ୍ଥନ, ୫ନମ୍ବର ପାଇଁ ରାହୁଲ ଉପଯୁକ୍ତ
ମୁମ୍ବାଇ: ଭାରତୀୟ ଦିନିକିଆ କ୍ରିକେଟ୍ ଦଳର ୫ନମ୍ବର ସ୍ଥାନରେ ବ୍ୟାଟି˚ କରିବାକୁ କେଏଲ୍ ରାହୁଲ ଉପଯୁକ୍ତ। ଏଥିସହିତ ସୁରେଶ ରାଇନା ଓ ଯୁବରାଜ ସି˚ହଙ୍କ ଭଳି ଖେଳାଳି ଖୋଜିବାକୁ ପୂର୍ବତନ କ୍ରିକେଟର୍ ସଞ୍ଜୟ ମଞ୍ଜରେକର ଭାରତୀୟ ଦଳକୁ ପରାମର୍ଶ ଦେଇଛନ୍ତି। ସଞ୍ଜୟ ତାଙ୍କ ଟ୍ବିଟର ପୃଷ୍ଠାରେ ପ୍ରଶ˚ସକଙ୍କ ସହିତ କ୍ରିକେଟ୍ ବିଷଷୟରେ ଆଲୋଚନା କରୁଥିବାବେଳେ ଏହା ଉଲ୍ଲେଖ କରିଛନ୍ତି। ଦିନିକିଆ ଦଳରେ ରାହୁଲଙ୍କୁ ଖେଳାଯିବା ଉଚିତ ହେବ ନା ତାଙ୍କ ନଜରରେ ଆଉ କେହି ଖେଳାଳି ସେହି ସ୍ଥାନରେ ବ୍ୟାଟି˚ କରିବାକୁ ଯୋଗ୍ୟ ବୋଲି ପ୍ରଶ˚ସକଙ୍କ ପ୍ରଶ୍ନର ଜବାବରେ ସେ ଏହା କହିଥିଲେ। ଗତ ଜାନୁଆରିରେ ଅଷ୍ଟ୍ରେଲିଆ ବିପକ୍ଷ ଘରୋଇ ଶୃଙ୍ଖଳାରେ ରାହୁଲ ମଧ୍ୟକ୍ରମରେ ବ୍ୟାଟି˚ କରିଥିଲା ବେଳେ ସଫଳତା ପାଇଥିଲେ। ପରେ ସେ ନ୍ୟୁଜିଲାଣ୍ଡ ବିପକ୍ଷରେ ମଧ୍ୟ ଏହି ପ୍ରଦର୍ଶନ ଜାରି ରଖିଥିଲେ। ଏଥିସହିତ ରାହୁଲ ଦିନିକିଆରେ ଵିକେଟ୍ ରକ୍ଷକ ଭୂମିକାରେ ବି ଅବତୀର୍ତ୍ତ ହୋଇଛନ୍ତି। ତେବେ ଅଷ୍ଟ୍ରେଲିଆରେ ହେବାକୁଥିବା ଟ୍ବେଣ୍ଟି-୨୦ ବିଶ୍ବକପ୍ ପାଇଁ ୪ନମ୍ବର ସ୍ଥାନ ଓ ଅଲରାଉଣ୍ଡର ପାଇଁ କାହାକୁ ପସନ୍ଦ କରିବେ ବୋଲି ଆଉଏକ ପ୍ରଶ୍ନ ପଚରା ଯାଇଥିଲା। ଏହି ଦୁଇସ୍ଥାନ ପାଇଁ ଯଥାକ୍ରମେ ଶ୍ରେୟସ ଆୟର ଓ ହାର୍ଦ୍ଦିକ ପାଣ୍ଡ୍ୟାଙ୍କ ନାମ ଦର୍ଶାଇଛନ୍ତି ମଞ୍ଜରେକର। ଘରୋଇ ପ୍ରତିଯୋଗିତାରେ ମୁମ୍ବାଇର ପ୍ରଦର୍ଶନ ଓ ଦ୍ରୁତ ବୋଲର ବାହାରୁନଥିବା ପ୍ରଶ୍ନ ଉପରେ ସେ କହିଛନ୍ତି ଯେ ଦଳରେ ଉଚ୍ଚକୋଟିର ନେତୃତ୍ବର ଅଭାବ ପରିଲକ୍ଷିତ ହେଉଛି। ଗତ ରଣଜୀ ଋତୁରେ ଯଦିଓ ମୁମ୍ବାଇରେ ଭଲ ଖେଳାଳି ଥିଲେ କିନ୍ତୁ ପୂର୍ବଭଳି ପ୍ରଦର୍ଶନ ଦେବାରେ ବିଫଳ ହୋଇଥିବା ସେ କହିଛନ୍ତି।