ଜାତୀୟ ଉପକନିଷ୍ଠ ସଫ୍ଟବଲ୍ରେ ରାଜସ୍ଥାନ, ତେଲେଙ୍ଗାନା ବିଜେତା: ଓଡ଼ିଶା ବାଳିକାଙ୍କୁ ବେସ୍ବଲ୍ ଟ୍ରଫି
କଟକ: ବାଲିଯାତ୍ରା ଉପର ପଡ଼ିଆରେ ଅନୁଷ୍ଠିତ ୫-ଏ’ ସାଇଡ୍ ବେସ୍ବଲ୍ର ବାଳିକା ବିଭାଗରେ ମହାରାଷ୍ଟ୍ରକୁ ହରାଇ ଓଡ଼ିଶା ବିଜେତା ହୋଇଛି। ଦିଲ୍ଲୀ ତୃତୀୟ ସ୍ଥାନରେ ରହିଥିଲା। ବାଳକ ବିଭାଗରେ ମହାରାଷ୍ଟ୍ର ବିଜେତା ହୋଇଥିଲା ବେଳେ କର୍ଣ୍ଣାଟକ ଉପ ବିଜେତା ଓ ରାଜସ୍ଥାନ ତୃତୀୟ ସ୍ଥାନରେ ରହିଥିଲା।
ଅନ୍ୟପକ୍ଷରେ ସତ୍ୟବ୍ରତ ଷ୍ଟାଡିୟମରେ ୩୩ତମ ଜାତୀୟ ଉପକନିଷ୍ଠ ସଫ୍ଟବଲ୍ ପ୍ରତିଯୋଗିତା ଉଦ୍ଯାପିତ ହୋଇଛି। ଶେଷ ଦିନରେ ଖେଳାଯାଇଥିବା ଫାଇନାଲ୍ର ବାଳକ ବିଭାଗରେ ରାଜସ୍ଥାନ ୭-୩ ରନ୍ରେ ଛତିଶଗଡ଼କୁ ଓ ବାଳିକାରେ ତେଲେଙ୍ଗାନା ୬-୪ ରନ୍ରେ ମଧ୍ୟପ୍ରଦେଶକୁ ହରାଇ ବିଜେତା ହୋଇଛନ୍ତି। ବାଳକରେ ଉତ୍ତରାଖଣ୍ତ ଓ ବାଳିକାରେ ରାଜସ୍ଥାନ ତୃତୀୟ ସ୍ଥାନରେ ରହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଉଦ୍ଯାପନୀ କାର୍ଯ୍ୟକ୍ରମରେ କେନ୍ଦ୍ରାଞ୍ଚଳ ରାଜସ୍ବ ଆୟୁକ୍ତ ଅନୀଲ କୁମାର ସାମଲ ମୁଖ୍ୟ ଅତିଥି ଭାବେ ଯୋଗଦେଇ ବିଜେତା ଓ ଉପ ବିଜେତାଙ୍କୁ ଟ୍ରଫି ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ସମାଜର କାର୍ଯ୍ୟକାରୀ ସମ୍ପାଦକ ସୁଶାନ୍ତ କୁମାର ମହାନ୍ତି, ଭାରତୀୟ ସଫ୍ଟବଲ ସ˚ଘର ସାଧାରଣ ସମ୍ପାଦକ ଏଲ୍.ଆର୍. ମୌର୍ଯ୍ୟ, କୋଷାଧ୍ୟକ୍ଷ ଶ୍ରୀକାନ୍ତ ଥରୋଟ, ଓଡ଼ିଶା ସଫ୍ଟବଲ ସ˚ଘର ସାଧାରଣ ସମ୍ପାଦକ ଦେବେନ୍ଦ୍ର କୁମାର ସାହୁ, କୋଷାଧ୍ୟକ୍ଷ ଶକ୍ତିର˚ଜନ ମହାନ୍ତି, ଯୁଗ୍ମ ସମ୍ପାଦକ ରାଜକିଶୋର ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ। ଅମୀୟ ଚନ୍ଦ୍ର ଓ ସୁନୀତା ବର୍ମା ଉଦ୍ଯାପନୀ ସମାରୋହ ପରିଚାଳନା କରିଥିଲେ।