ଆଇପିଏଲ୍ ୧୩ : କିଙ୍ଗସ ଇଲେଭେନ୍ ପଞ୍ଜାବକୁ ୭ ଉଇକେଟରେ ହରାଇଲା ରାଜସ୍ଥାନ ରୟାଲ୍ସ
ଆବୁଧାବି : ଆବୁଧାବିର ଶେଖ ଜାୟେଦ୍ ଷ୍ଟାଡିୟମଠାରେ ଖେଳାଯାଇଥିବା ଚଳିତ ଆଇପିଏଲର ୫୦ତମ ମ୍ୟାଚରେ ରାଜସ୍ଥାନ ରୟାଲ୍ସ ୭ ଉଇକେଟରେ କିଙ୍ଗସ ଇଲେଭେନ୍ ପଞ୍ଜାବକୁ ପରାଜିତ କରିଛି।
Sambad is now on WhatsApp
Join and get latest news updates delivered to you via WhatsApp
ପ୍ରଥମେ ବ୍ୟାଟିଂ କରି ରାଜସ୍ଥାନକୁ ୧୮୬ ରନର ବିଜୟ ଲକ୍ଷ୍ୟ ଦେଇଥିଲା ପଂଜାବ । ଏହାପରେ ବ୍ୟାଟିଂ ଲାଗି ପଡ଼ିଆକୁ ଓହ୍ଲାଇ ଥିଲା ରାଜସ୍ଥାନ ରୟାଲ୍ସ। ରାଜସ୍ଥାନ ପକ୍ଷରୁ ରବିନ୍ ଉତ୍ଥପା ଓ ବେନ୍ ଷ୍ଟୋକସ୍ ଭଲ ଆରମ୍ଭ ଦେଇଥିଲେ। ତେବେ ଷ୍ଟୋକସ୍ ୫୦ କରି ବିଦାୟ ନେଇଥିବା ବେଳେ ଉତ୍ଥପା ୩୦ ରନ କରି ପାଭଲିଆନକୁ ଫେରିଥିଲେ। ଏହାପରେ ସଞ୍ଜୁ ସାମସନ୍ ଓ ଷ୍ଟିଭସ ସ୍ମିଥ୍ ଦଳର ସ୍କୋରକୁ ଆଗକୁ ବଢ଼ାଇଥିଲେ। ସଞ୍ଜୁ ୪୮ କରିଥିବା ବେଳେ ରନ୍ ଆଉଟ୍ ହୋଇଯାଇଥିଲେ। ଏହାପରେ ଜସ୍ ବଟଲର୍ ସ୍ମିଥଙ୍କ ସହ ଯୋଗ ଦେଇଥିଲେ। ସ୍ମିଥ୍ ଓ ବଟଲର୍ ଦଳକୁ ବିଜୟୀ କରାଇଥିଲେ। ସ୍ମିଥଙ୍କ ଅପରାଜିତ ୩୧ ଏବଂ ବଟଲରଙ୍କ ଅପରାଜିତ ୨୨ ବଳରେ ରାଜସ୍ଥାନ ୧୭.୩ ଓଭରରେ ୧୮୬ ରନ କରି ୭ ଉଇକେଟରେ ବିଜୟୀ ହୋଇଥିଲା।
#RajasthanRoyals beat #KingsXiPunjab by 7 wickets in the 50th match of #IPL, at Sheikh Zayed Stadium in Abu Dhabi. (Ben Stokes 50, Sanju Samson 48)
(Pic courtesy: Indian Premier League Twitter) pic.twitter.com/mGsjVmrnoz
— ANI (@ANI) October 30, 2020
ପଞ୍ଜାବ ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୪ ଓ୍ବିକେଟ ହରାଇ ୧୮୫ ରନ କରିଥିଲା । ଦଳ ପକ୍ଷରୁ କ୍ରିସ ଗେଲ ବିସ୍ଫୋରକ ଇନିଂସ ଖେଳି ୬୩ ବଲରୁ ୯୯ ରନ କରିଥିଲେ । ନିଜର ଏହି ଇନିଂସରେ ସେ ୮ଟି ଛକା ଓ ୬ ଟି ଚୌକା ମାରିଥିଲେ । ମାତ୍ର ଜୋଫ୍ରା ଆର୍ଚରଙ୍କ ବଲରେ ବୋଲ୍ଡ ହୋଇ ସେ ମାତ୍ର ୧ ରନ ପାଇଁ ଶତକରୁ ବଞ୍ଚିତ ହୋଇଥିଲେ । ଦଳର ଅଧିନାୟକ ତଥା ଓପନର କେ.ଏଲ.ରାହୁଲ ୪୬ ରନ କରିଥିଲେ ।
ପ୍ଲେ ଅଫରେ ପହଞ୍ଚିବା ଲାଗି ଏହି ମ୍ୟାଚଟି ପଞ୍ଜାବ ପାଇଁ ଅତି ଗୁରୁତ୍ବପୂର୍ଣ୍ଣ ଥିଲା । କାରଣ ଦଳ ଏହା ପୂର୍ବରୁ ୧୨ ଟି ମ୍ୟାଚ ଖେଳି ୬ ବିଜୟ ୬ ପରାଜୟ ସହ ୧୨ ପଏଣ୍ଟ ପାଇଛି । ପ୍ଲେ ଅଫରେ ପହଞ୍ଚିବା ପାଇଁ ୧୬ ପଏଣ୍ଟ ଆବଶ୍ୟକ ହେଉଥିବାରୁ ସେଥିଲାଗି ପଂଜାବକୁ ନିଜର ଅବଶିଷ୍ଟ ୨ଟି ମ୍ୟାଚ ଜିତିବାକୁ ଥିଲା। ମାତ୍ର ଆଜି ଗୋଟିଏ ମ୍ୟାଚ ହାତଛଡ଼ା ହୋଇଗଲା । ଅନ୍ୟପକ୍ଷରେ ରାଜସ୍ଥାନ ରୟାଲ୍ସ ଏହା ପୂର୍ବରୁ ୧୨ଟି ମ୍ୟାଚ ଖେଳି ୫ଟିରେ ବିଜୟ ଓ ୭ଟିରେ ପରାଜୟ ବରଣ କରିଛି । ଏହି ଦଳ ୧୦ ପଏଣ୍ଟ ସହ ପ୍ଲେ ଅଫ୍ ଦୌଡ଼ରୁ ଏକରକମ ବାଦ ପଡ଼ିଥିଲା ବେଳେ ଆଜିର ବିଜୟ ଦଳର ପ୍ଲେ-ଅପ୍ ଆଶାକୁ ଉଜ୍ଜୀବିତ କରିଛି।