ରଣଜୀ ଟ୍ରଫି: ତିନି ଋତୁ ପରେ କ୍ବାର୍ଟରରେ ଓଡ଼ିଶା, ଡ୍ରିମ୍ସରେ ବେଙ୍ଗଲ ସହ ମୁହାଁମୁହିଁ
ଶେଷରେ ଶୁଭ୍ରାଂଶୁଙ୍କ ଶତକ, ଦେବାଶିଷ ଶ୍ରେଷ୍ଠ ଖେଳାଳି
କଟକ: ତିନି ଋତୁର ବ୍ୟବଧାନ ପରେ ଓଡ଼ିଶା ରଣଜୀ ଟ୍ରଫିର କ୍ବାର୍ଟର ଫାଇନାଲ୍ରେ ପ୍ରବେଶ କରିଛି। ବାରବାଟୀ ଷ୍ଟାଡିୟମରେ ଝାଡ଼ଖଣ୍ତ ବିପକ୍ଷ ମ୍ୟାଚ୍ ଶନିବାର ଅମୀମା˚ସିତ ରହିବାରୁ ଓଡ଼ିଶା ପାଳି ଅଗ୍ରଣୀ ଭିତ୍ତିରେ ୩ ପଏଣ୍ଟ୍ ହାସଲ କରିଛି। ଏଥିସହିତ ମୋଟ ପଏଣ୍ଟ ସଂଖ୍ୟାକୁ ୩୮କୁ ବଢ଼ାଇ ଏଲିଟ୍ ଗ୍ରୁପ୍ ସି’ର ଦ୍ବିତୀୟ ସ୍ଥାନରେ ରହିଛି। ଅନ୍ୟପକ୍ଷରେ ସର୍ଭିସେସ୍ ବିପକ୍ଷରେ ଛତିଶଗଡ଼ ମ୍ୟାଚ୍ ଅମୀମା˚ସିତ ରଖିବାରେ ସଫଳ ହେବାରୁ ଓଡ଼ିଶାର କ୍ବାର୍ଟର ଫାଇନାଲ୍ ଯୋଗ୍ୟତା ନିଶ୍ଚିତ ହୋଇଯାଇଥିଲା। ଆସନ୍ତା ୨୦ ତାରିଖରେ ଟାଙ୍ଗିର ଡ୍ରିମ୍ସ ଷ୍ଟାଡିୟମରେ ଖେଳାଯିବାକୁ ଥିବା କ୍ବାର୍ଟର ଫାଇନାଲ୍ରେ ଓଡ଼ିଶାର ମୁକାବିଲା ପଡେ଼ାଶୀ ବେଙ୍ଗଲ ସହିତ ହେବ। ଏଥିପୂର୍ବରୁ ୨୦୧୬-୧୭ ଋତୁରେ ଓଡ଼ିଶା କ୍ବାର୍ଟର ଫାଇନାଲ୍ ଖେଳିଥିଲା। ସେତେବେଳେ ଓଡ଼ିଶା ଗ୍ରୁପ୍ ବି’ରେ ସ୍ଥାନ ପାଇଥିଲା ବେଳେ ମୋଟ ୨୨ ପଏଣ୍ଟ ସହ କ୍ବାର୍ଟର ଫାଇନାଲ୍ ଯୋଗ୍ୟତା ପାଇଥିଲା। ତେବେ ଗୁଜୁରାଟ ବିପକ୍ଷ କ୍ବାର୍ଟର ଫାଇନାଲ୍ ମୁକାବିଲାରେ ଓଡ଼ିଶା ମ୍ୟାଚ୍ ଅମୀମା˚ସିତ ରଖିପାରିଥିଲେ ମଧ୍ୟ ପାଳି ଅଗ୍ରଣୀ ଭିତ୍ତିରେ ଗୁଜୁରାଟ ସେମି ଫାଇନାଲ୍ ସ୍ଥାନ ସୁରକ୍ଷିତ କରିନେଇଥିଲା।
Sambad is now on WhatsApp
Join and get latest news updates delivered to you via WhatsApp
ବାରବାଟୀରେ ଶନିବାର ଗ୍ରୁପ୍ ପର୍ଯ୍ୟାୟର ଅନ୍ତିମ ମ୍ୟାଚ୍ର ଶେଷ ଦିନ ପ୍ରଥମ ଓଭରରେ ହିଁ ଝାଡ଼ଖଣ୍ତ ପାଳି ଶେଷ ହୋଇଥିଲା। ସେହି ଓଭର ବୋଲିଂ କରିଥିବା ବସନ୍ତ ମହାନ୍ତି ଶେଷ ବଲ୍ରେ ଅଜୟ ଯାଦବଙ୍କୁ ଏଲ୍ବିଡବ୍ଲୁ କରିଦେଇଥିଲେ। ଫଳରେ ଝାଡ଼ଖଣ୍ତ ପ୍ରଥମ ପାଳି ୩୫୬ ରନ୍ରେ ସୀମିତ ରହିଯାଇଥିଲା। ଏଥି ସହିତ ଓଡ଼ିଶାକୁ ୮୦ ରନ୍ର ଅଗ୍ରଣୀ ମିଳିଥିଲା। ଏହାପରେ ଓଡ଼ିଶା ଦ୍ବିତୀୟ ପାଳିରେ ଶାନ୍ତନୁ ମିଶ୍ରଙ୍କ ସହ ଶୁଭ୍ରା˚ଶୁ ସେନାପତି ବ୍ୟାଟି˚ କରିବାକୁ ଆସିଥିଲେ। ଆହତ ଯୋଗୁଁ ଅନୁରାଗଙ୍କୁ ବିଶ୍ରାମ ଦିଆଯାଇଥିଲା। ୧୪ ରନ୍ କରିଥିଲା ବେଳେ ଶାନ୍ତନୁଙ୍କୁ ଆଶିଷ କୁମାର ଏଲ୍ବିଡବ୍ଲୁ କରିଥିଲେ। ହେଲେ ଶୁଭ୍ରା˚ଶୁଙ୍କ ସହ ଦେବାଶିଷ ସାମନ୍ତରାୟ ବଳକା ସମୟ ବ୍ୟାଟି˚ କରିଥିଲେ। ଲିଗ୍ ପର୍ଯ୍ୟାୟରେ ନିୟମିତ ଭାବେ ଖରାପ ପ୍ରଦର୍ଶନ କରିଆସୁଥିବା ଶୁଭ୍ରା˚ଶୁ ଏହି ପାଳିରେ ଦମ୍ଦାର ବ୍ୟାଟି˚ କରି ଋତୁର ପ୍ରଥମ ଶତକ ଅର୍ଜନ କରିଥିଲେ। ଶତକ ଛୁଇଁବା ପରେ ଓଡ଼ିଶା ପାଳି ଘୋଷଣା କରିଥିଲା। ସେତେବେଳକୁ ଓଡ଼ିଶା ୧୮୭/୧ ରନ୍ କରିବା ସାଙ୍ଗକୁ ୨୬୭ ରନ୍ର ଅଗ୍ରଣୀ ପାଇଥିଲା। ଶୁଭ୍ରା˚ଶୁ ୧୫୭ ବଲ୍ରୁ ୧୪ ଚୌକା ଓ ୧ ଛକା ସହାୟତାରେ ୧୦୦* ରନ୍ ଓ ଦେବାଶିଷ ୧୧୮ ବଲ୍ରୁ ୧୧ ଚୌକା ସହାୟତାରେ ୬୪* ରନ୍ କରିଥିଲେ। ହେଲେ ମ୍ୟାଚ୍ରୁ ଫଳାଫଳ ମିଳିବା ସମ୍ଭାବନା ନଥିବାରୁ ଝାଡ଼ଖଣ୍ତ ମଧ୍ୟ ଆଉ ବ୍ୟାଟିଂ କରିବାକୁ ଆସିନଥିଲା। ମ୍ୟାଚ୍ ଅମୀମାଂସିତ ଘୋଷଣା କରିଦେବାରୁ ଓଡ଼ିଶା ୩ ପଏଣ୍ଟ ପାଇଥିଲା। ଏହି ମ୍ୟାଚ୍ର ଉଭୟ ପାଳିରେ ଯଥାକ୍ରମେ ଶତକ ଓ ଅର୍ଧଶତକ ହାସଲ କରିଥିବା ଦେବାଶିଷଙ୍କୁ ଶ୍ରେଷ୍ଠ ଖେଳାଳି ପୁରସ୍କାର ମିଳିଥିଲା।
ସ˚କ୍ଷିପ୍ତ ସ୍କୋର: ଓଡ଼ିଶା ପ୍ରଥମ ପାଳି ୧୪୬.୨ ଓଭରରେ ୪୩୬/୧୦। ଝାଡ଼ଖଣ୍ତ ପ୍ରଥମ ପାଳି ୧୦୯ ଓଭରରେ ୩୫୬ (କୁମାର ସୁରଜ ୧୦୭, ବିରାଟ ସି˚ହ ୮୩, ସୂର୍ଯ୍ୟକାନ୍ତ ପ୍ରଧାନ ୩/୮୬, ବସନ୍ତ ମହାନ୍ତି ୩/୫୩)। ଓଡ଼ିଶା ଦ୍ବିତୀୟ ପାଳି ୫୧ ଓଭରରେ ୧୮୭/୧ (ଶାନ୍ତନୁ ମିଶ୍ର ୧୪, ଶୁଭ୍ରା˚ଶୁ ସେନାପତି ୧୦୦*, ଦେବାଶିଷ ସାମନ୍ତରାୟ ୬୪*, ଆଶିଷ କୁମାର ୧/୪୦)।
ଏତିକିରେ ସନ୍ତୁଷ୍ଟ ନୁହେଁ, ଫାଇନାଲ୍କୁ ଲକ୍ଷ୍ୟ ରଖି ଖେଳିବୁ: ଶୁଭ୍ରା˚ଶୁ
ପ୍ରତିଯୋଗିତା ଆରମ୍ଭରୁ ଆମେ କ୍ବାର୍ଟର ଫାଇନାଲ୍କୁ ଯିବୁ ବୋଲି ଆଶା ରଖିଥିଲୁ। ଏବେ ସେଥିରେ ସଫଳ ହୋଇଛୁ। କିନ୍ତୁ ଏତିକିରେ ମୁଁ କଦାପି ସନ୍ତୁଷ୍ଟ ନୁହେଁ। ଦଳଗତ ଭାବେ ଆମେ ବହୁତ ଭଲ ଖେଳିଛୁ। ବିଶେଷକରି ବୋଲରମାନେ ଘରୋଇ ମ୍ୟାଚ୍ରେ ଭଲ ପ୍ରଦର୍ଶନ ଦେଇଛନ୍ତି। ବାହାରେ ଯେକୌଣସି ପିଚ୍ ମିଳିଲେ ସେମାନଙ୍କୁ ସମାନ ପ୍ରଦର୍ଶନ ଦେବାକୁ ପଡ଼ିବ। ବ୍ୟାଟ୍ସମ୍ୟାନ ଧିରେଧିରେ ଲୟକୁ ଫେରିଛନ୍ତି। ଗତ ଦୁଇ ତିନିଟି ମ୍ୟାଚ୍ରେ ୩୦୦ରୁ ଅଧିକ ରନ୍ ସ˚ଗ୍ରହ ହେଉଛି। ତେଣୁ ଯେଉଁସ୍ଥିତିରେ ଆମ ଦଳ ଏବେ ରହିଛି ଆମେ ଫାଇନାଲ୍କୁ ଲକ୍ଷ୍ୟ ରଖି ପଡ଼ିଆକୁ ଓହ୍ଲାଉଥିବା ଅଧିନାୟକ ଶୁଭ୍ରା˚ଶୁ ସେନାପତି କହିଛନ୍ତି। ନିଜ ବ୍ୟକ୍ତିଗତ ପ୍ରଦର୍ଶନ ଉପରେ ସେ କହିଥିଲେ ଯେ ଗତ ୮ ମ୍ୟାଚ୍ରେ ଆଶା ଅନୁସାରେ ଖେଳିପାରିନଥିଲି। ଶେଷ ମ୍ୟାଚ୍ରେ ଶତକ ମାରିବା ପରେ ଆତ୍ମବିଶ୍ବାସ ବଢିଛି। ହେଲେ ଏତିକିରେ ମୁଁ ସନ୍ତୁଷ୍ଟ ହେବିନି। ଯେଉଁ ଲୟକୁ ଫେରିଛି, ତାହାକୁ ପରବର୍ତ୍ତୀ ମ୍ୟାଚ୍ରେ ବି ବଜାୟ ରଖିବାକୁ ଚେଷ୍ଟା କରିବି।
ଶୁଭ୍ରା˚ଶୁ ଲୟକୁ ଫେରିଥିବାରୁ ଆମେ କ୍ବାର୍ଟର ପାଇଁ ପ୍ରସ୍ତୁତ: ରଶ୍ମି
ଓଡ଼ିଶା ଦଳର ପ୍ରଶିକ୍ଷକ ରଶ୍ମୀର˚ଜନ ପରିଡ଼ାଙ୍କ ମତରେ, ପ୍ରତିଯୋଗିତା ଆରମ୍ଭରୁ ଯେଉଁ ଧାରା ଆରମ୍ଭ ହୋଇଥିଲା, ତାହାକୁ ପ୍ରତି ମ୍ୟାଚ୍ରେ ବଜାୟ ରଖିଥିଲୁ। ବୋଲରଙ୍କୁ ଛାଡ଼ିଦେଲେ ବ୍ୟାଟି˚ରୁ ସେମିତି କିଛି ମିଳିନଥିଲା। କାରଣ ଆମେ ଫଳାଫଳ ବାହାରିବା ଭଳି ପିଚ୍ ପ୍ରସ୍ତୁତ କରାଇଥିଲୁ। ସେଥିପାଇଁ ବ୍ୟାଟି˚ରୁ କିଛି ମିଳିବା ଆଶା ନଥିଲା। ତେଣୁ ଆମ ଯୋଜନାରେ ଆମେ ସଫଳ ହୋଇଛୁ। କ୍ରିକେଟରେ ଉତ୍ଥାନ ପତନ ସବୁବେଳେ ରହିବ। ନହାରିଲେ ଆମେ କିଛି ଶିଖିବାକୁ ପାଇବୁନି। ହାରିବା ମ୍ୟାଚ୍ରୁ ମିଳୁଥିବା ଶିକ୍ଷା ପର ମ୍ୟାଚ୍ରେ ସହାୟକ ହେଉଥିଲା। ଖେଳାଳିଙ୍କ ମଧ୍ୟରେ ଉତ୍ତମ ସାମଞ୍ଜସ୍ୟ ରହିଛି। ତେଣୁ ଦଳଗତ ପ୍ରଦର୍ଶନକୁ ନେଇ ମୁଁ ସନ୍ତୁଷ୍ଟ। ଶୁଭ୍ରା˚ଶୁଙ୍କ ପ୍ରଦର୍ଶନକୁ ନେଇ ଆମେ ଅଧିକ ଚିନ୍ତିତ ଥିଲୁ। ଏହି ମ୍ୟାଚ୍ରେ ସେ ଲୟକୁ ଫେରିଥିବାରୁ ଆମେ ଏବେ କ୍ବାର୍ଟର ଫାଇନାଲ୍ ପାଇଁ ସ˚ପୂର୍ଣ୍ଣ ପ୍ରସ୍ତୁତ ହୋଇସାରିଛୁ। ରାଜେଶ ମହାନ୍ତି ଆହତ ହେବା ଚିନ୍ତାଜନକ। ତଥାପି ବସନ୍ତ, ସୂର୍ଯ୍ୟକାନ୍ତ, ଦେବବ୍ରତ ବୋଲି˚କ୍ରମକୁ ସମ୍ଭାଳି ନେଉଥିବାରୁ ନକ୍ଆଉଟରେ କିଛି ସମସ୍ୟା ହେବ ନାହିଁ ବୋଲି ସେ କହିଛନ୍ତି।