ବିଶ୍ବକପ୍‌ ମ୍ୟାଚ୍‌ ପୂର୍ବରୁ ଧୋନିଙ୍କୁ‌ ଭେଟି ଚୁମ୍ବନ ଦେଲେ ରଣବୀର ସିଂହ

ହାଇଦ୍ରାବାଦ: ଆଜିଠାରୁ ବିଶ୍ବକପ୍‌ ମ୍ୟାଚ୍‌ ଆରମ୍ଭ। ୭ ବର୍ଷ ପରେ ପାକିସ୍ତାନ କ୍ରିକେଟ୍‌ ଦଳ ଭାରତରେ ତାହାର ପ୍ରଥମ ଆନୁଷ୍ଠାନିକ ମ୍ୟାଚ୍‌ ଖେଳିବ। ଶୁକ୍ରବାର ହାଇଦ୍ରାବାଦର ରାଜୀବ ଗାନ୍ଧୀ ଷ୍ଟାଡିୟମ୍‌ରେ ନେଦରଲାଣ୍ଡ୍ସକୁ ଭେଟିବ ପାକିସ୍ତାନ। ଉଭୟ ଦଳଙ୍କ ମଧ୍ୟରେ ପୂର୍ବରୁ ହୋଇଥିବା ୬ ମ୍ୟାଚ୍‌ରୁ ପାକିସ୍ତାନ ସବୁଥିରେ ବିଜୟ ପାଇଥିଲା। ୱାର୍ମ ଅପ୍‌ ମ୍ୟାଚ୍‌ ବେଳେ ପାକିସ୍ତାନ ଏକାଧିକ ପରୀକ୍ଷାନୀରିକ୍ଷା କରିଥିଲା, କିନ୍ତୁ ବିଶ୍ବକପ୍‌ର ପ୍ରଥମ ମ୍ୟାଚ୍‌ରେ ଦଳ ତାହାର ଶ୍ରେଷ୍ଠ ଖେଳାଳିଙ୍କୁ ନେଇ ଓହ୍ଲାଇବାକୁ ଚାହିଁବ।

କାରଣ ଏତେ ବର୍ଷ ପରେ ଭାରତରେ ଖେଳିବାକୁ ଆସିଥିବାରୁ ପାକିସ୍ତାନ ଏକ ବଡ଼ ଧରଣର ବିଜୟରୁ ଅଭିଯାନ ଆରମ୍ଭ କରିବାକୁ ଚାହିଁବ। ଏଥି ସହିତ ହାଇଦ୍ରାବାଦ ପିଚ୍ ସବୁ ବେଳେ ହାଇସ୍କୋରିଂ ମ୍ୟାଚ୍‌ ପାଇଁ ଜଣାଶୁଣା। ପାକିସ୍ତାନ ମଧ୍ୟ ୱାର୍ମ ଅପ୍‌ରେ ପିଚ୍‌କୁ ଭଲଭାବେ ପରଖି ସାରିଛି। ଅଧିନାୟକ ବାବର ଅଜମ୍‌ ଏବେ ଭଲ ଲୟରେ ଅଛନ୍ତି। ୱାର୍ମ ଅପ୍‌ରେ ନ୍ୟୁଜିଲାଣ୍ଡ ଓ ଅଷ୍ଟ୍ରେଲିଆ ବିପକ୍ଷରେ ଦୁଇଟି ଅର୍ଦ୍ଧଶତକ ମାରିଥିଲେ। ତେଣୁ ଏହି ଲୟକୁ ପ୍ରଥମ ମ୍ୟାଚ୍‌ରେ ବଜାୟ ରଖିବାକୁ ଚାହିଁବେ। ତେଣୁ ଫକର ଜମାନ, ଇଫତିକାର ଅହମଦ ଓ ସଦାବ ଖାନ୍‌ଙ୍କ ବ୍ୟାଟ୍‌ରୁ ବଡ଼ ରନ୍ ଆଶା କରାଯାଇପାରେ।

ବିଶ୍ବ କପ୍‌ ମ୍ୟାଚ୍‌ ପୂର୍ବରୁ ଅଭିନେତା ରଣବୀର ସିଂହ ଏବଂ କ୍ରିକେଟର୍‌ ମହେନ୍ଦ୍ର ସିଂହ ଧୋନିଙ୍କର ଏକ ଫଟୋ ସୋସିଆଲ୍‌ ମିଡିଆରେ ଖୁବ୍ ଜୋର୍‌ରେ ଭାଇରାଲ୍‌ ‌ହେବାରେ ଲାଗିଛି। ଅଭିନେତା ରାମ ଚରଣଙ୍କ ପରେ ପରେ ଧୋନିଙ୍କୁ ଭେଟିଥିଲେ ରଣବୀର। ସେ ଧୋନିଙ୍କୁ ‌ଭ‌େଟିବା ପରେ ଶ୍ରଦ୍ଧାରେ ତାଙ୍କୁ ଦେଇଥିବା ଏକ ଚୁମ୍ବନ ସମୟର ଫଟୋ ସୋସିଆଲ୍‌ ମିଡିଆରେ ଭାଇରାଲ୍‌ ହୋଇଛି।

ରଣବୀର ତାଙ୍କ ସୋସିଆଲ୍‌ ମିଡିଆ ଆକାଉଣ୍ଟ୍‌ରେ ଧୋନିଙ୍କ ସହ ଦୁଇଟି ଫଟୋ ସେୟାର୍‌ କରିଛନ୍ତି। ପ୍ରଥମ ଫଟୋରେ ଦୁହେଁ ହସି କରି ଫଟୋ ପୋଜ୍‌ ଦେଉଛନ୍ତି ଓ ଦ୍ବିତୀୟ ଫଟୋରେ ରଣବୀର ଧୋନିଙ୍କୁ ଚୁମ୍ବନ ଦେଉଛନ୍ତି। ଏହି ଫଟୋକୁ ଏବେ ଖୁବ୍ ଭଲପାଇବା ମିଳୁଛି। ରଣବୀରଙ୍କ ପୂର୍ବରୁ ରାମ ଚରଣ ଧୋନିଙ୍କୁ ଭେଟି ତାଙ୍କ ସହ ଉଠାଇଥିବା ଫଟୋକୁ ସୋସିଆଲ୍‌ ମିଡିଅ‌ାରେ ସେୟାର କରିଥିଲେ।