ଧୋନିଙ୍କୁ ଟପିଲେ ରିଦ୍ଧିମାନ
ଭାରତୀୟ ଓ୍ଵିକେଟ୍ ରକ୍ଷକ ରିଦ୍ଧିମାନ ସାହା ନିଜ ନାଁରେ ଏକ ନିଆରା କୀର୍ତ୍ତିିମାନ ଲିପିବଦ୍ଧ କରି ନେଇଛନ୍ତି। ଓ୍ଵିକେଟ୍ ପଛରେ ଏକ ଟେଷ୍ଟରେ ୧୦ ବ୍ୟାଟ୍ସମ୍ୟାନଙ୍କୁ ଆଉଟ୍ କରିବାରେ ସେ ଭାରତର ପ୍ରଥମ ହୋଇଛନ୍ତି। ଉଭୟ ପାଳିରେ ସେ ୫-୫ କ୍ୟାଚ୍ ନେଇଥିଲେ। ଏହି କ୍ରମରେ ସେ ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନିଙ୍କୁ ଟପି ଯାଇଥିଲେ। ଧୋନି ୨୦୧୪ରେ ମେଲବର୍ନଠାରେ ଖେଳା ଯାଇଥିବା ଅଷ୍ଟ୍ରେଲିଆ ବିପକ୍ଷ ଟେଷ୍ଟରେ ୯ ଜଣ ବ୍ୟାଟ୍ସମ୍ୟାନଙ୍କୁ ଆଉଟ୍ କରିଥିଲେ। ଏହା ମଧ୍ୟ ତାଙ୍କର ଶେଷ ଟେଷ୍ଟ ଥିଲା।
ଧୋନିଙ୍କ ପୂର୍ବରୁ ଏହି କୀର୍ତ୍ତିମାନ ନୟନ ମୋଙ୍ଗିଆଙ୍କ ନାଁରେ ଥିଲା। ମୋଙ୍ଗିଆ ଟେଷ୍ଟ କ୍ରିକେଟ୍ରେ ଦୁଇଥର (୧୯୯୬ ଦକ୍ଷିଣ ଆଫ୍ରିକା ବିପକ୍ଷ, ୧୯୯୯ ପାକିସ୍ତାନ ବିପକ୍ଷ) ୮ ଜଣ ଲେଖାଏଁ ବ୍ୟାଟ୍ସମ୍ୟାନଙ୍କୁ ଆଉଟ୍ କରିଥିଲେ। ଧୋନି ୩ ଥର (୨୦୦୮ ପର୍ଥ ଅଷ୍ଟ୍ରେଲିଆ ବିପକ୍ଷ, ୨୦୧୦ ଢାକା ବାଂଲାଦେଶ ବିପକ୍ଷ, ୨୦୧୧ ମୁମ୍ବାଇ େଓ୍ଵଷ୍ଟଇଣ୍ଡିଜ୍ ବିପକ୍ଷ) ୮ ଜଣ ଲେଖାଏଁ ବ୍ୟାଟ୍ସମ୍ୟାନଙ୍କୁ ଆଉଟ୍ କରି ତାଙ୍କୁ ଅତିକ୍ରମ କାରିଥିଲେ। ୩୩ ବର୍ଷୀୟ ସାହା ୨୦୧୦ରେ ନାଗପୁରରେ ଟେଷ୍ଟ ଜୀବନ ଆରମ୍ଭ କରିଥିଲେ। ପ୍ରଥମ ଦକ୍ଷିଣ ଆଫ୍ରିକା ଗସ୍ତରେ କେପଟାଉନରେ ତାଙ୍କ ୩୨ତମ ଟେଷ୍ଟ ମ୍ୟାଚ୍ ଖେଳୁଥିଲେ।
