ଫୁଟବଲ ମ୍ୟାଚ ଦେଖିବାକୁ ଯାଇ ଋଷଭ ପନ୍ତ କରୋନା ସଂକ୍ରମିତ !
ଲଣ୍ଡନ : ଟିମ ଇଣ୍ଡିଆର ଓ୍ବିକେଟକିପର ବ୍ୟାଟ୍ସମ୍ୟାନ ଋଷଭ ପନ୍ତ ଓ ଜଣେ ସହାୟକ କର୍ମଚାରୀ କରୋନା ସଂକ୍ରମିତ ହୋଇଥିବା ସୂଚନା ମିଳିଛି । ଏହା ସହିତ ଆଉ ଦୁଇଜଣ ସଦସ୍ୟଙ୍କୁ ଏକାନ୍ତବାସରେ ରଖାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଗଣମାଧ୍ୟମ ରିପୋର୍ଟ ଅନୁସାରେ ଋଷଭ ପନ୍ତ ଲଣ୍ଡନ ସ୍ଥିତି ଓ୍ବିମ୍ବଲି ଷ୍ଟାଡିୟମକୁ ୟୁରୋ କପ ଫୁଟବଲ ମ୍ୟାଚ ଦେଖିବାକୁ ଯାଇଥିଲେ । ସେଠାରେ ସେ ବିନା ମାସ୍କରେ ଦର୍ଶକଙ୍କ ଗହଳିରେ ବସି ମ୍ୟାଚ ଉପଭୋଗ କରିଥିଲେ । ସେ ନିଜେ ଟିଟରରେ ଫଟୋ ଛାଡ଼ି ଏ ସମ୍ପର୍କରେ ଜଣାଇଥିଲେ । ଉକ୍ତ ଷ୍ଟାଡିୟମରୁ ହିଁ ସେ କରୋନା ସଂକ୍ରମିତ ହୋଇଥିବା ସଂଦେହ କରାଯାଉଛି ।
Good experience watching ⚽️. 🏴 vs 🇩🇪 pic.twitter.com/LvOYex5svE
— Rishabh Pant (@RishabhPant17) June 30, 2021
ଗୁରୁବାର ଦିନ ଜଣାପଡ଼ିଛି ଯେ ଟିମ ଇଣ୍ଡିଆର ଥ୍ରୋଡାଉନ ବିଶେଷଜ୍ଞ ଦୟାନନ୍ଦ ଗରାନି ବି କରୋନା ସଂକ୍ରମିତ ହୋଇଛନ୍ତି । ସେ ପନ୍ତଙ୍କ ସଂସ୍ପର୍ଶରେ ଆସିଥିବା ସଂଦେହ କରାଯାଉଛି । ଏମାନଙ୍କ ସଂସ୍ପର୍ଶରେ ଆସିଥିବା ଋଦ୍ଧିମାନ ଶାହା ଓ ବୋଲିଂ କୋଟ୍ ଭରତ ଅରୁନଙ୍କୁ ଏକାନ୍ତବାସରେ ରଖାଯାଇଛି । ତେବେ ସେମାନଙ୍କ ଶରୀରେ କୌଣସି ଲକ୍ଷଣ ନଥିବା ଜଣାପଡ଼ିଛି ।
ଇଂଲଣ୍ଡ ଗସ୍ତରେ ଭାରତ ପାଞ୍ଚଟି ଟେଷ୍ଟ ଖେଳିବା ସହ ନିଜର ବିଶ୍ବ ଟେଷ୍ଟ ଚାମ୍ପିଅନସିପ ଅଭିଯାନ ଆରମ୍ଭ କରିବ ।