ବାପାଙ୍କ ପରେ ପୁଅ ହେଲେ ଦିଲ୍ଲୀ କ୍ରିକେଟ ସଂଘର ଅଧ୍ୟକ୍ଷ
ନୂଆଦିଲ୍ଲୀ: ବାପାଙ୍କ ପରେ ପୁଅଙ୍କୁ ମିଳିଲା ବଡ ଦାୟିତ୍ୱ | ଦିବଂଗତ ପୂର୍ବତନ କେନ୍ଦ୍ରମନ୍ତ୍ରୀ ଅରୁଣ ଜେଟଲୀଙ୍କ ପୁଅ ରୋହନ ଜେଟଲୀଙ୍କୁ ଏକ ବଡ଼ ଦାୟିତ୍ୱ ଦିଆଯାଇଛି। ସେ ଦିଲ୍ଲୀ ଏବଂ ଜିଲ୍ଲା କ୍ରିକେଟ୍ ଆସୋସିଏସନ୍ (ଡିଡିସିଏ) ର ସଭାପତି ଭାବରେ ନିର୍ବାଚିତ ହୋଇଛନ୍ତି। ଡିଡିସିଏରେ ଅଧ୍ୟକ୍ଷଙ୍କ ସମେତ ଅନେକ ପଦବୀରେ ନିର୍ବାଚନ ଅନୁଷ୍ଠିତ ହେବାର ଥିଲା |
Sambad is now on WhatsApp
Join and get latest news updates delivered to you via WhatsApp
କିନ୍ତୁ ରୋହନ ଜେଟଲୀଙ୍କ ସହ ଲଢ଼ିବାକୁ ଥିବା ପ୍ରାର୍ଥୀ ତାଙ୍କ ନାମାଙ୍କନ ପ୍ରତ୍ୟାହାର କରିନେବା କାରଣରୁ ସେ ବିନା ନିର୍ବାଚନରେ ଡ଼ିଡ଼ିସିଏର ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି। ତେବେ କୋଷାଧ୍ୟକ୍ଷଙ୍କ ସମେତ ଅନ୍ୟାନ୍ୟ ପଦବୀ ପାଇଁ ନିର୍ବାଚନ ନଭେମ୍ବର ୫,୬ ଏବଂ ୮ ରେ ଅନୁଷ୍ଠିତ ହେବ ଓ ନଭେମ୍ବର ୯ରେ ଫଳାଫଳ ଘୋଷଣା କରାଯିବ।
ଅରୁଣ ଜେଟଲୀ ମଧ୍ୟ କେନ୍ଦ୍ରମନ୍ତ୍ରୀ ହେବା ପୂର୍ବରୁ ଡ଼ିଡ଼ିସିଏର ସଭାପତି ଭାବରେ ଅନେକ ଥର କାର୍ଯ୍ୟ କରିଥିଲେ। ବର୍ତ୍ତମାନ ତାଙ୍କର ୩୧ ବର୍ଷୀୟ ପୁଅ ରୋହନ ଜେଟଲୀଙ୍କୁ ଏହି ଦାୟିତ୍ୱ ମିଳିଛି | ରୋହନ ଏହି ପଦବୀରେ ୩୦ ଜୁନ୍ ୨୦୨୧ ପର୍ଯ୍ୟନ୍ତ ରହିବେ । ସୂଚନା ଥାଉ କି ଏହା ପୂର୍ବରୁ ବରିଷ୍ଠ ସାମ୍ବାଦିକ ରଜତ ଶର୍ମା ଡ଼ିଡ଼ିସିଏ ର ଅଧ୍ୟକ୍ଷ ଥିଲେ, ସେ ଗତ ବର୍ଷ ଏହି ପଦରୁ ଇସ୍ତଫା ଦେଇଥିଲେ। ସେହି ସମୟରେ ଆଭ୍ୟନ୍ତରୀଣ ରାଜନୀତି ଯୋଗୁଁ ଇସ୍ତଫା ଦେଇଥିବାର ସେ କାରଣ ଦର୍ଶାଇଥିଲେ |