ଆଇପିଏଲ ୨୦୨୧ : ଆବୁଧାବିରେ ପହଞ୍ଚିଲେ ୩ଭାରତୀୟ ଖେଳାଳି, ସମସ୍ତଙ୍କର କରୋନା ରିପୋର୍ଟ ନେଗେଟିଭ
ନୂଆଦିଲ୍ଲୀ: ଆସନ୍ତା ୧୯ରୁ ୟୁଏଇରେ ଆରମ୍ଭ ହେବ ଆଇପିଏଲର ବଳକା ମ୍ୟାଚ୍ । ପଞ୍ଚମ ଟେଷ୍ଟ ମ୍ୟାଚ୍ ରଦ୍ଦ ହେବା ପରେ ଭାରତୀୟ ଟିମର ଖେଳାଳିମାନେ ମାଞ୍ଚେଷ୍ଟରରୁ ୟୁଏଇ ଅଭିମୁଖେ ଯାତ୍ରା ଆରମ୍ଭ କରିଛନ୍ତି । ପ୍ରଥମ ପର୍ଯ୍ୟାୟରେ ମୁମ୍ବାଇ ଇଣ୍ଡିଆନ୍ସର ଖେଳାଳି ଦୁବାଇରେ ପହଞ୍ଚିଛନ୍ତି । ମୁମ୍ବାଇ ଟିମ୍ ପକ୍ଷରୁ ଚାର୍ଟର ବିମାନ ଯୋଗେ ଖେଳାଳିଙ୍କୁ ମାଞ୍ଚେଷ୍ଟରରୁ ଦୁବାଇ ଅଣାଯାଇଛି । ମୁମ୍ବାଇ ପକ୍ଷରୁ ପଠାଯାଇଥିବା ବିମାନରେ ଅଧିନାୟକ ରୋହିତ ଶର୍ମା, ଯଶପ୍ରୀତ ବୁମରା, ସୂର୍ଯ୍ୟକୁମାର ଯାଦବ ଇଂଲଣ୍ଡରୁ ଫେରିଛନ୍ତି । ମୁମ୍ବାଇ ଇଣ୍ଡିଆନ୍ସର ଏହି ୩ ଖେଳାଳି ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ ଟିମ୍ ଇଣ୍ଡିଆରେ ସ୍ଥାନ ପାଇଥିଲେ । ୩ ଖେଳାଳି ଆବୁଧାବିରେ ପହଞ୍ଚିବା ପରେ ଟ୍ୱିଟ କରି ସୂଚନା ଦେଇଛି ମୁମ୍ବାଇ ଇଣ୍ଡିଆନ୍ସ । ନିଜ ପରିବାର ସହ ଖେଳାଳିମାନେ ଇଂଲଣ୍ଡରୁ ଫେରିଛନ୍ତି । ଆଉ ମୁମ୍ବାଇରୁ ଆସି ପହଞ୍ଚିବା ପରେ ସମସ୍ତଙ୍କୁ ୬ ଦିନିଆ ସଙ୍ଗରୋଧରେ ରଖାଯାଇଛି ।
Sambad is now on WhatsApp
Join and get latest news updates delivered to you via WhatsApp
𝗖𝗔𝗣𝗧𝗔𝗜𝗡 Aala Re! 💙
Welcome home, Ro, Ritika and Sammy 🤩#OneFamily #MumbaiIndians #IPL2021 @ImRo45 @ritssajdeh pic.twitter.com/r8mrDocVvc
— Mumbai Indians (@mipaltan) September 11, 2021
ମୁମ୍ବାଇ ଇଣ୍ଡିଆନ୍ସ ପକ୍ଷରୁ କୁହାଯାଇଛି ଯେ, ମାଞ୍ଚେଷ୍ଟରରୁ ୟୁଏଇ ଅଭିମୁଖେ ଯାତ୍ରା ପୂର୍ବରୁ ୩ ଖେଳାଳି ଓ ସେମାନଙ୍କ ପରିବାରର ଆରଟିପିସିଆର ଟେଷ୍ଟ କରାଯାଇଥିଲା । ସମସ୍ତଙ୍କ ଟେଷ୍ଟ ରିପୋର୍ଟ ନେଗେଟିଭ ଆସିଛି । ଏପରିକି ଆବୁଧାବିରେ ପହଞ୍ଚିବା ପରେ ମଧ୍ୟ ଯେଉଁ କରୋନା ଟେଷ୍ଟ ହୋଇଥିଲେ ସେଥିରେ ମଧ୍ୟ ଖେଳାଳିଙ୍କର ରିପୋର୍ଟ ନେଗେଟିଭ ଆସିଛି, ଯାହା ମୁମ୍ବାଇ ଇଣ୍ଡିଆନ୍ସ ପାଇଁ କିଛି ମାତ୍ରାରେ ଆଶ୍ୱସ୍ତି ଆଣିଛି । ଆସନ୍ତାକାଲି ଆରସିବି ମଧ୍ୟ ନିଜ ଖେଳାଳିଙ୍କୁ ଚାର୍ଟର ପ୍ଲେନରେ ମାଞ୍ଚେଷ୍ଟରରୁ ଆବୁଧାବିକୁ ଆଣିବ । ଆରସିବିର ଅଧିନାୟକ ବିରାଟ କୋହଲି ଓ ମହମ୍ମଦ ସିରାଜ ଚାର୍ଟର ବିମାନ ଯୋଗେ ଆବୁଧାବି ଫେରିବେ ।