ଓ୍ବାଙ୍ଖଡ଼େରେ ଉଦଘାଟନ ହେଲା ରୋହିତ ଶର୍ମା ଷ୍ଟାଣ୍ଡ୍

ମୁମ୍ବାଇ : ରୋହିତ ଶର୍ମାଙ୍କ ନାମରେ ନାମିତ ଷ୍ଟାଣ୍ଡଟି ୧୬ ମଇରେ ୱାଙ୍ଖେଡେ ଷ୍ଟାଡିୟମରେ ଏକ କାର୍ଯ୍ୟକ୍ରମରେ ଉଦଘାଟିତ ହୋଇଛି। ତାଙ୍କ ପିତାମାତାଙ୍କ ଦ୍ୱାରା ଷ୍ଟାଣ୍ଡଟି ଉଦଘାଟନ କରାଯାଇଛି। ଏହି କାର୍ଯ୍ୟକ୍ରମରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସ୍, ମୁମ୍ବାଇ କ୍ରିକେଟ୍ ଆସୋସିଏସନ୍ (ଏମସିଏ)ର ଅଧିକାରୀ ଏବଂ ରୋହିତ ଶର୍ମା ନିଜେ ଉପସ୍ଥିତ ଥିଲେ। ନିକଟରେ ରୋହିତ ଟେଷ୍ଟ କ୍ରିକେଟରୁ ଅବସର ଘୋଷଣା କରିଥିଲେ। ରୋହିତ ଟି-୨୦ରୁ ଅବସର ନେଇସାରିଛନ୍ତି ଏବଂ ଏବେ ସେ କେବଳ ଏକଦିବସୀୟ ଫର୍ମାଟରେ ଭାରତ ପାଇଁ ଖେଳିବେ। କ୍ରିକେଟ ଜଗତରେ ଅଭୂତପୂର୍ବ ଅବଦାନ ପାଇଁ ରୋହିତଙ୍କୁ ଏମସିଏ ପକ୍ଷରୁ ଏହି ସମ୍ମାନ ପ୍ରଦାନ କରାଯାଉଛି।

ଆପଣଙ୍କୁ କହି ରଖୁଛୁ ଯେ ୱାଙ୍ଖେଡେ ଷ୍ଟାଡିୟମର ଦିଭେଚା ପାଭିଲିୟନର ଲେବଲ୍ ଥ୍ରୀ ଷ୍ଟାଣ୍ଡ ରୋହିତଙ୍କ ନାମରେ ନାମିତ ହୋଇଛି। ଉଦଘାଟନୀ ସମାରୋହରେ ରୋହିତ କହିଥିଲେ ଯେ ଆଜି ଯାହା ହୋଇଛି, ସେ କେବେ ସ୍ୱପ୍ନରେ ମଧ୍ୟ କଳ୍ପନା କରିନଥିଲେ। ପିଲାଦିନରୁ ସେ ମୁମ୍ବାଇ ପାଇଁ, ଭାରତ ପାଇଁ ଖେଳିବାକୁ ଚାହୁଁଥିଲେ। ଖେଳର ମହାନ ଖେଳାଳିମାନଙ୍କ ମଧ୍ୟରେ ତାଙ୍କ ନାମ ରହିବ ବୋଲି ସେ କେବେ ଚିନ୍ତା କରିନଥିଲେ । ଏହା ମଧ୍ୟ ବିଶେଷ କାରଣ ସେ ଏବେ ବି ଖେଳୁଛନ୍ତି। ସେ କହିଥିଲେ ଯେ ସେ ଦୁଇଟି ଫର୍ମାଟରୁ ଅବସର ନେଇସାରିଛନ୍ତି, କିନ୍ତୁ ସେ ଏବେ ବି ଗୋଟିଏ ଫର୍ମାଟ ଖେଳୁଛନ୍ତି।