ଶ୍ରୀଲଙ୍କା ଗସ୍ତରେ ବିଶ୍ରାମ ନେବେ କୋହଲି-ଧୋନି, ନେତୃତ୍ୱ ନେବେ ରୋହିତ ଶର୍ମା
ନବାଗତଙ୍କୁ ସୁଯୋଗ, ଖେଳିପାରନ୍ତି ଋଷଭ ପନ୍ଥ
ନୂଆଦିଲ୍ଲୀ: ଶ୍ରୀଲଙ୍କା ଗସ୍ତରେ ଟିମ୍ ଇଣ୍ଡିଆର ପାଞ୍ଚ ଜଣ ବରିଷ୍ଠ ଖେଳାଳି ବିଶ୍ରାମ ନେବେ। ଟିମ୍ର ଅଧିନାୟକ ବିରାଟ କୋହଲି, ମହେନ୍ଦ୍ର ସିଂହ ଧୋନି, ଭୁବନେଶ୍ୱର କୁମାର, ଯଶପ୍ରୀତ ବୁମରା ଓ ହାର୍ଦ୍ଦିକ ପାଣ୍ଡ୍ୟା ବିଶ୍ରାମ ନେଉଥିବାରୁ ରୋହିତ ଶର୍ମା ଦଳର ନେତୃତ୍ୱ ନେବେ। ଟ୍ରାଇ-ସିରିଜ ନେଇ ଭାରତୀୟ କ୍ରିକେଟ ନିୟନ୍ତ୍ରଣ ବୋର୍ଡ(ବିସିସିଆଇ) ପକ୍ଷରୁ ଜାତୀୟ ଗଣମାଧ୍ୟମକୁ ସୂଚନା ଦିଆଯାଇଛି। ବିଶେଷ ସୂତ୍ରରୁ ମିଳିଥିବା ସୂଚନା ଅନୁସାରେ କୋହଲିଙ୍କ ଅନୁପସ୍ଥିତିରେ ରୋହିତ ଅଧିନାୟକ ଦାୟିତ୍ୱ ତୁଲାଇବେ।
Sambad is now on WhatsApp
Join and get latest news updates delivered to you via WhatsApp
ଦକ୍ଷିଣ ଆଫ୍ରିକାରେ ଶନିବାର ଟ୍ରାଇ-ସିରିଜ ଶେଷ ହେବାକୁ ଥିବା ବେଳେ, ଏଥିରେ ସକ୍ରିୟ ଅଂଶ ଗ୍ରହଣ କରିଥିବା ବରିଷ୍ଠ ଖେଳାଳିମାନେ ଥକିପଡ଼ିଛନ୍ତି ବୋଲି କୁହାଯାଉଛି। ବିସିସିଆଇ ଓ ଖେଳାଳିମାନଙ୍କ ସହମତିରେ ରୋହିତ ଶର୍ମାଙ୍କୁ ଶ୍ରୀଲଙ୍କା ଗସ୍ତ ପାଇଁ ଅଧିନାୟକ ଦାୟିତ୍ୱ ଦିଆଯାଉଛି। ସେହିଭଳି ଶ୍ରୀଲଙ୍କାରେ କିଛି ନୂଆ ଖେଳାଳିଙ୍କୁ ସୁଯୋଗ ମିଳିବ। ଚୟନକାରୀ ଟିମ୍ ରବିବାର ନୂଆ ଖେଳାଳିଙ୍କ ନାମ ଘୋଷଣା କରିପାରନ୍ତି।
ଶ୍ରୀଲଙ୍କା ଗସ୍ତରେ ଦିଲ୍ଲୀ ଓ୍ଵିକେଟ କିପର-ବ୍ୟାଟ୍ସମ୍ୟାନ୍ ଋଷଭ ପନ୍ଥଙ୍କୁ ସ୍ଥାନ ମିଳିପାରେ। ଏ ନେଇ ଋଷଭ ପନ୍ଥଙ୍କ ସହିତ ଚୟନକାରୀ ପ୍ୟାନେଲର ସଦସ୍ୟ ଏମ୍ଏସ୍କେ ପ୍ରସାଦ ପାଲମ କ୍ରିକେଟ ଗ୍ରାଉଣ୍ଡରେ ଦିଲ୍ଲୀ ଓ ଆନ୍ଧ୍ରପ୍ରଦେଶ ମଧ୍ୟରେ ‘ବିଜୟ ହଜାରେ’ର ଏକ ମ୍ୟାଚ୍ ପରେ ଆଲୋଚନା କରିଥିବା ଜଣାପଡ଼ିଛି।