ସେଞ୍ଚୁରିଅନ ଟେଷ୍ଟ୍ : ଦକ୍ଷିଣ ଆଫ୍ରିକା ୧୯୭ ରନରେ ଅଲଆଉଟ୍

ସେଞ୍ଚୁରିଅନ : ସେଞ୍ଚୁରିଅନର ସୁପର ସ୍ପୋର୍ଟ୍ସ ପାର୍କଠାରେ ଚାଲିଥିବା ଭାରତ-ଦକ୍ଷିଣ ଆଫ୍ରିକା ପ୍ରଥମ ଟେଷ୍ଟର ୩ୟ ଦିନରେ ବୋଲରମାନଙ୍କ ପ୍ରାଧାନ୍ୟ ଦେଖିବାକୁ ମିଳିଛି । ଭାରତର ପ୍ରଥମ ଇନିଂସ ସ୍କୋର ୩୨୭ ରନ ଜବାବରେ ଦକ୍ଷିଣ ଆଫ୍ରିକା ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇ ମାତ୍ର ୧୯୭ରନରେ ଅଲଆଉଟ ହୋଇଯାଇଛି । ଫଳରେ ଭାରତ ପ୍ରଥମ ଇନିଂସରେ ୧୩୦ ରନରେ ଆଗୁଆ ରହିଛି ।

ଭାରତ ପକ୍ଷରୁ ମହମ୍ମଦ ସମ୍ମୀ ୫ଟି ଓ୍ବିକେଟ ନେଇଥିବାବେଳେ ଯଶପ୍ରୀତ ବୁମରା ଓ ଶାର୍ଦୁଲ ଠାକୁର ୨ଟି ଓ୍ବେକେଟ ନେଇଥିଲେ ।

ପ୍ରଥମ ଦିନ ଖେଳ ଶେଷ ସୁଦ୍ଧା ଭାରତ ୨୭୨ ରନରେ ମାତ୍ର ୩ଟି ଓ୍ବିକେଟ ହରାଇଥିବେଳେ ଗତ କାଲି (ସୋମବାର) ବର୍ଷା ଯୋଗୁଁ ଖେଳ ହୋଇପାରିନଥିଲା । ମଙ୍ଗଳବାର ଭାରତ ୨୭୨/୩ରୁ ଆଗକୁ ଖେଳିବାକୁ ଆରମ୍ଭ କରିଥିଲେ ମଧ୍ୟ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ଆଜି ଦଳ ମାତ୍ର ୫୫ ରନ ଯୋଗ କରି ଅର୍ଥାତ ୩୨୭ ରନରେ ଅଲଆଉଟ୍ ହୋଇଯାଇଥିଲା । ଭାରତ ପକ୍ଷରୁ କେଏଲ ରାହୁଲ ସର୍ବାଧିକ ୧୨୩ରନ ଓ ମୟଙ୍କ ଅଗ୍ରଓ୍ବାଲ ୬୦ରନ କରିଥିଲେ ।