ବାପାଙ୍କ ସ୍ମୃତିରେ ୫୬୦ ଜଣ ପିଲାଙ୍କ ପାଠପଢା ଦାୟିତ୍ୱ ନେଲେ ସଚିନ ତେନ୍ଦୁଲକର
ମୁମ୍ବାଇ: ଅର୍ଥ ପାଇଁ ପାଠ ପଢିପାରୁନଥିବା ପିଲାଙ୍କ ଦାୟିତ୍ୱ ନେଲେ କ୍ରିକେଟର ଭଗବାନ କୁହାଯାଉଥିବା ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକର | ୨୦୧୩ ମସିହାରେ ସଚିନ ତେନ୍ଦୁଲକର କ୍ରିକେଟରୁ ଅବସର ନେଇଥିଲେ। ଆଉ ଏବେ ମଧ୍ୟପ୍ରଦେଶର ସିହୋର ଜିଲ୍ଲାର ୫୬୦ ଜଣ ଆଦିବାସୀ ପିଲାଙ୍କ ଭାଗ୍ୟ ନିର୍ମାଣ ପାଇଁ ତେନ୍ଦୁଲକର ଦାୟିତ୍ୱ ନେଇଛନ୍ତି । ପିଲାମାନଙ୍କୁ ସାହାଯ୍ୟ କରିବା ପାଇଁ ସେ ଏକ ଏନଜିଓ ସହିତ ହାତ ମିଳାଇଛନ୍ତି। ଆଜି ସଚିନ ମଧ୍ୟପ୍ରଦେଶର ସିହୋର ଜିଲ୍ଲାରେ ପହଞ୍ଚିଥିଲେ | ଆଜି କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକର ଇନ୍ଦୋର ଦେଇ ସନ୍ଦଲପୁର ଗାଁରେ ପହଞ୍ଚିଥିଲେ। ଯେଉଁଠାରେ ସେ ଏକ ଏନଜିଓ କାର୍ଯ୍ୟକ୍ରମରେ ଭାଗ ନେଇଥିଲେ |
Sambad is now on WhatsApp
Join and get latest news updates delivered to you via WhatsApp
ଏଠାରେ ସଚିନ ତେନ୍ଦୁଲକର ତାଙ୍କ ପିତାଙ୍କୁ ମନେ ପକାଇ କହିଥିଲେ ଯେ ମୋ ବାପା ଚାଁହୁଥିଲେ ଯେ ମୁଁ ପିଲାମାନଙ୍କ ପାଇଁ କିଛି କରିବି | ଆଜି ଯଦି ମୋ ବାପା ଥାନ୍ତେ ତେବେ ବହୁତ ଖୁସି ହୋଇଥାନ୍ତେ | ସୂଚନା ମୁତାବକ ମଧ୍ୟପ୍ରଦେଶର ‘ସଂସ୍ଥା ପରିବାର’ ନାମକ ଏନଜିଓ ପିଲାଙ୍କ ପାଠପଢା ନେଇ କାର୍ଯ୍ୟ କରିଥାଏ | ଆଉ ଏହି ଏନଜିଓ ସହ ମିଶି ୫୬୦ ଜଣ ପିଲାଙ୍କ ସମ୍ପୂର୍ଣ୍ଣ ପାଠପଢା ଖର୍ଚ୍ଚ ବହନ କରିବେ ବୋଲି ସଚିନ କହିଛନ୍ତି |
ସୂଚନା ମୁତାବକ ଆଜି ତେନ୍ଦୁଲକରଙ୍କ ପାଇଁ ଏକ ବିଶେଷ ଦିନ ଥିଲା | କାରଣ ଆଜି ସଚିନ ତେନ୍ଦୁଲକର ୨୦୧୩ ମସିହାରେ କ୍ରିକେଟରୁ ଅବସର ନେଇଥିଲେ। ତେବେ କେବଳ ପାଠପଢା ଖର୍ଚ୍ଚ ନୁହେଁ ବରଂ ସେହୋର ଜିଲ୍ଲାର ୫ଟି ଗ୍ରାମର ପିଲାମାନଙ୍କୁ ତେନ୍ଦୁଲକର ଫାଉଣ୍ଡେସନ ସହାୟତାରେ ପୁଷ୍ଟିକର ଖାଦ୍ୟ ମଧ୍ୟ ମିଳିବ ବୋଲି ସଚିନ କହିଛନ୍ତି |