କ୍ୟାପଟେନ କୁଲ ଧୋନୀଙ୍କ ରୋମାଣ୍ଟିକ ଅନ୍ଦାଜ, ଫଟୋ ସେୟାର କଲେ ପତ୍ନୀ ସାକ୍ଷୀ

ନୂଆଦିଲ୍ଲୀ: ମହେନ୍ଦ୍ର ସିଂ ଧୋନୀ କ୍ରିକେଟ ପଡିଆରେ ଯେତିକି ଚର୍ଚ୍ଚିତ, କ୍ରିକେଟ ପଡିଆ ବାହାରେ ମଧ୍ୟ ସେତିକି ଚର୍ଚ୍ଚିତ । ଅନ୍ତର୍ଜାତୀୟ କ୍ରିକେଟରୁ ଅବସର ନେବା ପରେ ଏବେ କେବଳ ଆଇପିଏଲ ଖେଳୁଛନ୍ତି ଧୋନୀ । କ୍ୟାପଟେନ କୁଲ ଭାବେ ଜଣାଶୁଣା ଧୋନୀ ଭାରତକୁ ୩ଟି ଆଇସିସି ଟ୍ରଫି ଦେଇଥିବା ବେଳେ ଚେନ୍ନାଇକୁ ୪ ଥର ଆଇପିଏଲ ଚାମ୍ପିୟନ କରିଛନ୍ତି । ତେବେ ଅନ୍ତର୍ଜାତୀୟ କ୍ରିକେଟ ପଡିଆରୁ ଦୂରେଇବା ପରେ ଧୋନୀଙ୍କୁ ଏବେ ଭିନ୍ନ ଅନ୍ଦାଜରେ ଦେଖିବାକୁ ମିଳୁଛି । ବିଭିନ୍ନ କାର୍ଯ୍ୟକ୍ରମରେ ମାହିଙ୍କୁ ପରିବାର ସହ ଦେଖିବାକୁ ମିଳୁଛି । ଏବେ ଗତ କିଛିଦିନ ପୂର୍ବେ ଧୋନୀ ଏକ ବିବାହ ଉତ୍ସବରେ ସାମିଲ ହେବାକୁ ଜୟପୁରରେ ପହଞ୍ଚି ଥିଲେ । ଆଉ ଏହି ବିବାହ ସ୍ଥଳରୁ ଧୋନୀଙ୍କ ଅନେକ ଫଟୋ ଏବେ ସୋସିଆଲ ମିଡ଼ିଆରେ ଭାଇରାଲ ହୋଇଛି ।

ଧୋନୀଙ୍କ ପତ୍ନୀ ସାକ୍ଷୀ ଇନଷ୍ଟାଗ୍ରାମରେ ଯେଉଁ ଫଟୋ ସେୟାର କରିଛନ୍ତି ସେଥିରେ ଉଭୟଙ୍କୁ ରୋମାଣ୍ଟିକ ଅନ୍ଦାଜରେ ଦେଖିବାକୁ ମିଳିଛି । ଆଉ ଏହି ଫଟୋକୁ ଲକ୍ଷ ଲକ୍ଷ ପ୍ରଂଶସକ ଲାଇକ କରିଥିବା ଦେଖାଯାଇଛି । ସାକ୍ଷୀ ଓ ଧୋନୀଙ୍କ ବିବାହକୁ ଏହା ଭିତରେ ଅନେକ ବର୍ଷ ବିତିଗଲାଣି । କିନ୍ତୁ ଉଭୟଙ୍କ ମଧ୍ୟରେ ଥିବା ପ୍ରେମରେ ଆଦୌ ଭଟ୍ଟା ପଡିନି ।