ଅପରାଜେୟ ସମ୍ବଲପୁର ପୂର୍ବାଞ୍ଚଳ ବିଜେତା, ଚତୁର୍ଥରେ କିଟ୍‌

ରାଉରକେଲା: ସର୍ବାଧିକ ପଏଣ୍ଟ୍‌ ହାସଲକରି ସମ୍ବଲପୁର ଦଳ ପୂର୍ବାଞ୍ଚଳ ଜୋନ୍‌ ବିଜେତା ହୋଇଛି। ଏହାସହ ମହାତ୍ମା ଗାନ୍ଧି କାଶୀ ବିଦ୍ୟାପୀଠ(ବାରାଣାସୀ) ଦ୍ବିତୀୟ ସ୍ଥାନରେ ରହିଥିବାବେଳେ ବୀର ବାହାଦୂର ସିଂହ ପୂର୍ବାଞ୍ଚଳ ବିଶ୍ବବିଦ୍ୟାଳୟ ତୃତୀୟ ଓ କିଟ୍‌ ବିଶ୍ବବିଦ୍ୟାଳୟ ଚତୁର୍ଥ ସ୍ଥାନରେ ରହିଛି। ପୂର୍ବରୁ ସର୍ବଭାରତୀୟ ଯୋଗ୍ୟତା ହାସଲ କରିଥିବା ଏହି ୪ ଦଳ ପରସ୍ପର ମଧ୍ୟରେ ତିନିଟି ଲେଖାଏ ମ୍ୟାଚ୍‌ ଖେଳିଥିଲେ। ଏହି ପର୍ଯ୍ୟାୟରେ ସମ୍ବଲପୁର ସମସ୍ତ ୩ଟି ଯାକ ମ୍ୟାଚ୍‌କୁ ଜିତିନେଇଥିବାବେଳେ ମହାତ୍ମା ଗାନ୍ଧି କାଶୀ ବିଦ୍ୟାପୀଠ ୨ଟି ଓ ବୀର ବାହାଦୂର ସିଂହ ପୂର୍ବାଞ୍ଚଳ ବିଶ୍ବବିଦ୍ୟାଳୟ ଗୋଟିଏ ମ୍ୟାଚ୍‌ରେ ବିଜୟୀ ହୋଇଛି। ‌ଅପରପକ୍ଷରେ କିଟ୍‌ ସମସ୍ତ ୩ଟି ମ୍ୟାଚ୍‌ରେ ପରାଜୟ ବରଣ କରିବାରୁ ଚତୁର୍ଥ ସ୍ଥାନରେ ରହିଛି।