ପୂର୍ବାଞ୍ଚଳ ଜୋନ୍‌ ଅନ୍ତଃବିଶ୍ବବିଦ୍ୟାଳୟ ପୁରୁଷ ହକି: ସମ୍ବଲପୁର ଓ କିଟ୍‌କୁ ସର୍ବଭାରତୀୟ ଯୋଗ୍ୟତା

ରାଉରକେଲା: ପୂର୍ବାଞ୍ଚଳ ଜୋନ୍‌ର ଶ୍ରେଷ୍ଠ ୪ ଦଳ ଭିତରେ ରହି ସମ୍ବଲପୁର ବିଶ୍ବବିଦ୍ୟାଳୟ ଓ କିଟ୍‌ ବିଶ୍ବବିଦ୍ୟାଳୟ ସର୍ବଭାରତୀୟ ହକି ପାଇଁ ଯୋଗ୍ୟତା ଅର୍ଜନ କରିଛନ୍ତି। ଇତିହାସରେ ପ୍ରଥମଥର ପାଇଁ ଓଡ଼ିଶାର ଦୁଇଟି ଦଳ ସର୍ବଭାରତୀୟ ପୁରୁଷ ହକି ପ୍ରତିଯୋଗିତାରେ ଭାଗନେବେ। ଏହି ପ୍ରତିଯୋଗିତା ଡିସେମ୍ବର ୧୨ରୁ ୧୮ ତାରିଖ ପର୍ଯ୍ୟନ୍ତ ଗୁରୁକୁଳ କାଙ୍ଗ୍ରୀ ବିଶ୍ବବିଦ୍ୟାଳୟ (ହରିଦ୍ବାର)ରେ ଅନୁଷ୍ଠିତ ହେବ। ଏହି ଦୁଇ ଓଡ଼ିଶା ଦଳ ବ୍ୟତୀତ ମହାତ୍ମାଗାନ୍ଧୀ କାଶୀ ବିଦ୍ୟାପୀଠ (ବାରଣାସୀ) ଓ ବୀର ବାହାଦୂର ସିଂହ ପୂର୍ବାଞ୍ଚଳ ବିଶ୍ବବିଦ୍ୟାଳୟ (ଉତ୍ତରପ୍ରଦେଶ) ମଧ୍ୟ ସର୍ବଭାରତୀୟ ଯୋଗ୍ୟତା ହାସଲ କରିଛନ୍ତି।