ଗଣମାଧ୍ୟମ ସହ କଥା ହେବା ବେଳେ ଗୌତମଙ୍କ ବ୍ୟବହାର ଠିକ ନଥାଏ: ସଞ୍ଜୟ

ନୂଆଦିଲ୍ଲୀ: ନ୍ୟୁଜିଲ୍ୟାଣ୍ଡଠାରୁ ପରାସ୍ତ ହେବା ପରେ ଭାରତୀୟ ଦଳ ଏବେ ଅଷ୍ଟ୍ରେଲିଆକୁ ଉଡ଼ାଣ କରିଛି। ସେଠାରେ ଭାରତୀୟ ଦଳ ବର୍ଡର-ଗାଭାସ୍କର ଟ୍ରଫି ଖେଳିବ, ଯେଉଁଥିରେ ୫ଟି ଟେଷ୍ଟ ମ୍ୟାଚ୍ ଖେଳାଯିବ | ଏହି ସିରିଜ୍ ପାଇଁ ଅଷ୍ଟ୍ରେଲିଆକୁ ଉଡ଼ାଣ କରିବା ପୂର୍ବରୁ ଦଳର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ଏକ ସାମ୍ବାଦିକ ସମ୍ମିଳନୀରେ ଯୋଗ ଦେଇ ଗଣମାଧ୍ୟମ ପ୍ରଶ୍ନର ଉତ୍ତର ରଖିଥିଲେ | ସମ୍ମିଳନୀରେ ଗୌତମ ଯେଉଁଭଳି ଭାବେ ପ୍ରଶ୍ନର ଉତ୍ତର ଦେଉଥିଲେ ତାହା ପୂର୍ବତନ ଭାରତୀୟ କ୍ରିକେଟର ସଞ୍ଜୟ ମାଞ୍ଜରେକରଙ୍କୁ ପସନ୍ଦ ଆସି ନାହିଁ |

Just watched Gambhir in the press conference.
May be wise for @BCCI to keep him away from such duties, let him work behind the scenes. He does not have the right demeanour nor the words when interacting with them. Rohit & Agarkar, much better guys to front up for the media.

— Sanjay Manjrekar (@sanjaymanjrekar) November 11, 2024

ଏକ୍ସରେ ଏକ ପୋଷ୍ଟ କରି ସେ ଗୌତମ ଗମ୍ଭୀରଙ୍କୁ ନିନ୍ଦା କରିଥିବା ଦେଖାଯାଇଛି | ସେ କରିଥିବା ପୋଷ୍ଟରେ ଲେଖିଛନ୍ତି, "ସାମ୍ବାଦିକ ସମ୍ମିଳନୀରେ ଏବେ ଗମ୍ଭୀରଙ୍କୁ ଦେଖିଲି। ବିସିସିଆଇ ତାଙ୍କୁ ଏପରି କାମରୁ ଦୂରେଇ ରଖିବା ବୁଦ୍ଧିମାନର କାମ ହେବ | ତାଙ୍କୁ ପରଦା ପଛରେ କାମ କରିବାକୁ ଦିଆଯିବ ଉଚିତ । କାରଣ ଗଣମାଧ୍ୟମ ପ୍ରଶ୍ନର ଉତ୍ତର ଦେବା ବେଳେ  ନା ଗୌତମଙ୍କ କଥାବାର୍ତ୍ତା ଠିକ ଥାଏ ନା ବ୍ୟବହାର | ରୋହିତ ଏବଂ ଅଗରକର ଏହି କାମ ପାଇଁ ତାଙ୍କଠୁ ଢେର ଗୁଣରେ ଭଲ |" ତାଙ୍କର ଏହି ପୋଷ୍ଟକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି |