ଖେଳକୁଦ ସଂଘ ଆନୁକୂଲ୍ୟରେ ଆଳି ଉଚ୍ଚବିଦ୍ୟାଳୟ ମିନି ଷ୍ଟାଡ଼ିୟମ୍ରେ ଦ୍ୱାଦଶ ଶରତ ଦେବ ସ୍ମାରକୀ ଫୁଟବଲ୍ ପ୍ରତିଯୋଗିତା ମଙ୍ଗଳବାର ଉଦ୍ଘାଟିତ ହୋଇଯାଇଛି। ପ୍ରଥମ ଦିନ କଟକର ଫାଓ ଓ ଯାଜପୁରର ମା’ ମଙ୍ଗଳା କ୍ଲବ୍ ବିଜୟୀ ହୋଇଛନ୍ତି।
ପ୍ରଥମ ମ୍ୟାଚ୍ରେ ଫାଓ ୪-୩ ଟାଇବ୍ରେକର୍ ଗୋଲ୍ରେ ଚାନ୍ଦବାଲି ଏକାଦଶକୁ ପରାସ୍ତ କରିଥିଲା। ନିର୍ଧାରିତ ସମୟ ଗୋଲ୍ ଶୂନ୍ୟ ରହିବା ପରେ ଟାଇବ୍ରେକର୍ରରେ ମ୍ୟାଚ୍ ଫଇସଲା ହୋଇଥିଲା। ଦ୍ୱିତୀୟ ମ୍ୟାଚ୍ରେ ମା’ ମଙ୍ଗଳା କ୍ଲବ୍ ୧-୦ ଗୋଲ୍ରେ ପଦନପୁର ଏକାଦଶକୁ ପରାସ୍ତ କରିଥିଲା। ସଂଘର ଉପସଭାପତି ଚିରଂଜୀବୀ ଦାସଙ୍କ ସଭାପତିତ୍ୱରେ ଅନୁଷ୍ଠିତ ଉଦ୍ଘାଟନୀ ଉତ୍ସବରେ କେନ୍ଦ୍ରାପଡ଼ା ଅତିରିକ୍ତ ଆରକ୍ଷୀ ଅଧୀକ୍ଷକ ବିକାଶ ଚନ୍ଦ୍ର ଦାସ ମୁଖ୍ୟ ଅତିଥି ଓ ଦେମାଳ ସରପଞ୍ଚ ମନୋରଂଜନ ସାମଲ ସମ୍ମାନିତ ଅତିଥି ଭାବେ ଯୋଗଦେଇଥିଲେ। ସଂପାଦକ ବିଜୟ କୁମାର ସେନାପତି ବିବରଣୀ ପାଠ କରିବା ସହ ପ୍ରତିଯୋଗିତା ସଂପର୍କରେ ସୂଚନା ଦେଇଥିଲେ। ଅରୁଣ ଖଣ୍ଡୁଆଳ, ରବୀନ୍ଦ୍ର ମହାନ୍ତି ପ୍ରମୁଖ ଉତ୍ସବ ପରିଚାଳନା କରିଥିଲେ।
ପୂର୍ବବର୍ତ୍ତୀ ଖବର
ପରବର୍ତ୍ତୀ ଖବର
ସମ୍ବନ୍ଧିତ ଖବର