ଆଇପିଏସ ବାପା ଦେଖିଥିଲେ ଶଶାଙ୍କଙ୍କୁ କ୍ରିକେଟର କରାଇବାର ସ୍ବପ୍ନ
ନୂଆଦିଲ୍ଲୀ: ଏବେ ରୋମାଞ୍ଚଭରା ଆଇପିଏଲ ଜାରି ରହିଛି | ଆଉ ଏହାରି ଭିତରେ ଏବେ ନୂଆ ନୂଆ ଖେଳାଳିମାନେ ରେକର୍ଡ ପରେ ରେକର୍ଡ କରି ପୁରୁଣା ରେକର୍ଡକୁ ଭାଙ୍ଗିଦେଉଛନ୍ତି | ଏହାରି ଭିତରେ ଆଜି ଆମେ ଆପଣଙ୍କୁ ପଞ୍ଜାବ କିଙ୍ଗସର କ୍ରିକେଟର ଶଶାଙ୍କଙ୍କ ବାବଦରେ କିଛି ଅଜଣା କଥା କହିବୁ | ବାସ୍ତବରେ ଶଶାଙ୍କ ସିଂ ଆଇପିଏଲ ୨୦୨୪ରେ ଏବେ ଷ୍ଟାର ନୁହଁନ୍ତି ବରଂ ସୁପରଷ୍ଟାର ହୋଇଯାଇଛନ୍ତି | ପଞ୍ଜାବ କିଙ୍ଗ୍ସ ପାଇଁ ଶଶାଙ୍କ କ୍ରମାଗତ ଭାବରେ ଚମତ୍କାର ପ୍ରଦର୍ଶନ କରୁଛନ୍ତି | ଆଇପିଏଲ୍ ୨୦୨୪ ପାଇଁ ମିନି ନିଲାମରେ ଶଶାଙ୍କଙ୍କୁ ପଞ୍ଜାବ ୨୦ ଲକ୍ଷ ଟଙ୍କାରେ କିଣିଥିଲା | ଆପଣ ଜାଣନ୍ତି କି ଶଶାଙ୍କ ସିଂଙ୍କ ପିତା ଜଣେ ଆଇପିଏସ୍ ଅଧିକାରୀ। ତାଙ୍କ ପିତା ହିଁ ଶଶାଙ୍କଙ୍କୁ କ୍ରିକେଟର କରିବାର ସ୍ୱପ୍ନ ଦେଖିଥିଲେ।
Sambad is now on WhatsApp
Join and get latest news updates delivered to you via WhatsApp
ଆପଣ ମଧ୍ୟ ଭାବୁଥିବେ ଯେ ଆଇପିଏସ୍ ହେବା ପରେ ମଧ୍ୟ ପିତା ତାଙ୍କ ପୁଅ ଶଶାଙ୍କଙ୍କୁ କ୍ରିକେଟର କରିବା ପାଇଁ ସ୍ୱପ୍ନ ଦେଖିଥିଲେ। ଏକ ସାକ୍ଷାତକାରରେ ଶଶାଙ୍କ କହିଛନ୍ତି ଯେ ବାପାଙ୍କ ସ୍ୱପ୍ନ ଥିଲା ଯେ ମୁଁ କ୍ରିକେଟର ହେବା ଉଚିତ୍। ଶଶାଙ୍କ ଆହୁରି କହିଛନ୍ତି, “ପିଲାଦିନେ ବାପା ନିଜେ ବୋଲିଂ ଅଭ୍ୟାସ କରୁଥିଲେ। ସେ ମୋତେ ଘରେ ଟର୍ଫ ପିଚ୍ କରି କ୍ରିକେଟ୍ ଖେଳିବା ଶିଖାଇଥିଲେ। ଟୁର୍ଣ୍ଣାମେଣ୍ଟର ୪୨ ତମ ମ୍ୟାଚ୍ରେ କୋଲକାତା ନାଇଟ୍ ରାଇଡର୍ସ ବିପକ୍ଷରେ ୨୬୨ ରନ୍ର ଟାର୍ଗେଟକୁ ପିଛା କରି ଶଶାଙ୍କ ୨୮ ବଲରେ ୬୮ ରନ୍ର ଇନିଂସ ଖେଳିଥିଲେ, ଯେଉଁଥିରେ ସେ ୨ଟି ଚୌକା ସହ ୮ଟି ଛକା ମାରିଥିଲେ। ଏହାପୂର୍ବରୁ ଶଶାଙ୍କ ଏକ ଚମତ୍କାର ଇନିଂସ ଖେଳି ଗୁଜୁରାଟ ବିପକ୍ଷରେ ୬୧ ରନ୍ ସଂଗ୍ରହ କରିଥିଲେ। ଏହା ବ୍ୟତୀତ ସେ ହାଇଦ୍ରାବାଦ ବିପକ୍ଷରେ ୪୬ ରନ୍ ଏବଂ ମୁମ୍ବାଇ ବିପକ୍ଷରେ ୪୧ ରନ୍ ସଂଗ୍ରହ କରିଥିଲେ।