ସାଉଦି ଫୁଟବଲ ଖେଳାଳିଙ୍କୁ ରୋଲ୍ସ ରଏସ୍ ଫାଣ୍ଟମ୍ କାର୍ ମିଳିବା ଏକ ଗୁଜବ
ଦୋହା : ବିଶ୍ବକପ ଫୁଟବଲରେ ଆର୍ଜେଣ୍ଟିନା ପରି ଏକ ଶକ୍ତିଶାଳୀ ଦଳକୁ ହରାଇବା ପରେ ସାଉଦି ଆରବରେ ଏବେ ଉତ୍ସବ ଜାରି ରହିଛି । କେବଳ ସାଧାରଣ ଲୋକ ନୁହଁନ୍ତି, ସାଉଦି ଯୁବରାଜ ମହମ୍ମଦ ବିନ ସଲମାନ ମଧ୍ୟ ଅତ୍ୟନ୍ତ ଖୁସି ହୋଇଯାଇଛନ୍ତି । ମଙ୍ଗଳବାରଦିନ ସାଉଦି ଆରବ ଜିତିବା ପରେ ଯୁବରାଜ ଖିୁସି ହୋଇ ବୁଧବାରଦିନକୁ ଜାତୀୟ ଛୁଟି ଘୋଷଣା କରିଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ ସାଉଦି ଯୁବରାଜ ନିଜ ଦେଶର ଫୁଟବଲ ଖେଳାଳିମାନଙ୍କୁ ଗୋଟିଏ ଲେଖାଏଁ ରଲ୍ସ ରଏସ କାର ଉପହାର ଦେଇଥିବା ଚର୍ଚ୍ଚା ହୋଇଥିଲା । ଏପରିକି ବିଭିନ୍ନ ଜାତୀୟ ଓ ଅନ୍ତର୍ଜାତୀୟ ଗଣମାଧ୍ୟମ ଏହି ଖବର ପ୍ରକାଶ କରିଥିଲେ । କିନ୍ତୁ ପରେ ଏହି ଖବରର ସତ୍ୟତା ନାହିଁ ବୋଲି ଜଣାପଡ଼ିଥିଲା । ସାଉଦି ଫୁଟବଲ ଟିମର ଜଣେ ସଦସ୍ୟ ସାଲେ ଅଲ-ସେହରି ଏପରି ଖବରକୁ ଖଣ୍ଡନ କରିଥିଲେ ।
ଚଳିତ ବିଶ୍ବକପରେ ଏକ ବଡ଼ ବିପର୍ଯ୍ୟୟ କରି ସାଉଦି ଆରବ ଗତ ମଙ୍ଗଳବାରଦିନ ବିଶ୍ବର ସର୍ବଶ୍ରେଷ୍ଠ ଖେଳାଳି ଲିଏନେଲ ମେସିଙ୍କ ନେତୃତ୍ବାଧିନ ଆର୍ଜେଣ୍ଟିନାରୁ ୨-୧ରେ ପରାସ୍ତ କରିଥିଲା । ଆର୍ଜେଣ୍ଟିନା ପକ୍ଷରୁ ପ୍ରଥମେ ଗୋଲ ଦିଆଯିବା ପରେ ସାଉଦି ଆରବ ଲଗାତାର ୨ଟି ଗୋଲ ଦେଇ ବିଜୟୀ ହୋଇଥିଲା ।