ସେହବାଗଙ୍କ ଦିନିକିଆ ଦ୍ବିଶତକକୁ ୯ ବର୍ଷ
ନୂଆଦିଲ୍ଲୀ: ଆଜକୁ ଠିକ୍ ୯ ବର୍ଷ ତଳେ ବୀରେନ୍ଦ୍ର ସେହବାଗ ବିଶ୍ବ କ୍ରିକେଟ୍ର ଦ୍ବିତୀୟ ବ୍ୟାଟ୍ସମ୍ୟାନ୍ ଭାବେ ଦିନିକିଆ ଅନ୍ତର୍ଜାତୀୟରେ ଦ୍ବିଶତକ ହାସଲ କରିଥିଲେ। ୨୦୧୧ ମସିହା ଡିସେମ୍ବର ୮ ତାରିଖରେ ଇନ୍ଦୋରର ହୋଲକର ଷ୍ଟାଡିୟମ୍ରେ ସେହବାଗ ୱେଷ୍ଟଇଣ୍ଡିଜ୍ ବିପକ୍ଷରେ ଖେଳାଯାଇଥିବା ଚତୁର୍ଥ ଦିନିକିଆରେ ୨୧୯ ରନ୍ କରି ଏହି ଗୌରବ ଅର୍ଜନ କରିଥିଲେ। ବ୍ୟକ୍ତିଗତ ଶ୍ରେଷ୍ଠ ଦିନିକିଆ ପାଳି ସହିତ ସଚିନ ତେନ୍ଦୁଲକର (୨୦୦* ବନାମ ଦକ୍ଷିଣ ଆଫ୍ରିକା)ଙ୍କ ପରେ ଦ୍ବିତୀୟ ଖେଳାଳି ହୋଇଥିଲେ। ସେହବାଗଙ୍କ ୧୪୯ ବଲ୍ ପାଳିରେ ୪୧ ଚୌକା ଓ ୭ ଛକା ସାମିଲ ଥିଲା। ଭାରତ ୫ ୱିକେଟ୍ ବିନିମୟରେ ୪୧୮/୫ ସ୍କୋର୍ କରିବା ପରେ ଇଣ୍ଡିଜ୍କୁ ୨୬୫ ରନ୍ରେ ରୋକି ୧୫୩ ରନ୍ରେ ମ୍ୟାଚ୍ ଜିତିଥିଲା।
Sambad is now on WhatsApp
Join and get latest news updates delivered to you via WhatsApp
ଅଦ୍ୟାବଧି ଦିନିକିଆ ଦ୍ବିଶତକର ୮ଟି ଉଦାହରଣ ରହିଛି। ତନ୍ମଧ୍ୟରେ ୫ଟି ଭାରତୀୟଙ୍କ ନାମରେ ରହିଛି। ବିଶ୍ବ କ୍ରିକେଟ୍ର ପ୍ରଥମ ଖେଳାଳି ଭାବେ ସଚିନ (୨୦୦* ବନାମ ଦକ୍ଷିଣ ଆଫ୍ରିକା, ୨୦୧୦) ଦିନିକିଆ ଦ୍ବିଶତକ ହାସଲ କରିଥିଲେ। ରୋହିତ ଶର୍ମା କିନ୍ତୁ ସର୍ବାଧିକ ୩ ଥର ଏଭଳି ଗୌରବ ଅର୍ଜନ କରି ବ୍ୟକ୍ତିଗତ ଶ୍ରେଷ୍ଠ ଦିନିକିଆ ପାଳି (୨୬୪ ବନାମ ଶ୍ରୀଲଙ୍କା, କୋଲକାତା, ୨୦୧୪)ର କୃତିତ୍ବ ରଖିଛନ୍ତି।