ଭୁବନେଶ୍ବର: ଉଚ୍ଚ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ଏବଂ ବିଦ୍ୟାଳୟ ଓ ଗଣଶିକ୍ଷା ବିଭାଗ ଆନୁକୂଲ୍ୟରେ ଉତ୍କଳ କରାଟେ ସ୍କୁଲ୍ ଦ୍ବାରା ଆୟୋଜିତ ଆତ୍ମରକ୍ଷା କୌଶଳର ମାଷ୍ଟର ଟ୍ରେନର୍ସ ଟ୍ରେନିଂ ଶିବିର ଉଦ୍ଯାପିତ ହୋଇଯାଇଛି। ଏହି ୮ ଦିନିଆ ଶିବିରରେ ୧୯ ଜିଲ୍ଲାରୁ ୮୦ ଜଣ ଯୁକ୍ତ ୨ ପ୍ରଥମ ବର୍ଷ ଛାତ୍ରୀ ଭାଗ ନେଇଥିଲେ। ବିଭାଗୀୟ ନିର୍ଦ୍ଦେଶକ ରଘୁରାମ ଆୟାର, ସ୍କୁଲ୍ ଓ ଗଣଶିକ୍ଷା ବିଭାଗ ସ୍ବତନ୍ତ୍ର ସଚିବ ଶୁଭଶ୍ରୀ ନନ୍ଦ, ପ୍ରଫେସର ନିବେଦିତା ଜେନା, ଆତ୍ମରକ୍ଷା ପ୍ରଶିକ୍ଷଣ ଉପଦେଷ୍ଠା ଉଦ୍ଯାପନୀ ଉତ୍ସବରେ ଉପସ୍ଥିତ ରହି ଶିବିରାର୍ଥୀମାନଙ୍କୁ ମାନପତ୍ର ଓ ରିଆକ୍ଟ ପୁସ୍ତିକା ପ୍ରଦାନ କରିଥିଲେ। ଉତ୍କଳ କରାଟେ ସ୍କୁଲ୍ର ପ୍ରତିଷ୍ଠାତା ହରିପ୍ରସାଦ ପଟ୍ଟନାୟକଙ୍କ ପ୍ରତ୍ୟେକ୍ଷ ତତ୍ତ୍ବାବଧାନରେ ଏହି ଶିବିରକୁ ଟ୍ରେନର ସୁସ୍ମିନୀ ପାଲ୍ଟାସିଂହ, କୃଷ୍ଣଚନ୍ଦ୍ର ମହାରଣା, ଭଗବାନ ରେଡ୍ଡୀ, ଜ୍ୟୋତ୍ସ୍ନାରାଣୀ ପାଲ୍ଟାସିଂହ, ମୋନାଲି ସାହୁ, ମହେଶ ଡୋରା ପରିଚାଳନା କରିଥିଲେ।