କଟକ, ୨୦।୩ (ଇମିସ): ରାମେଶ୍ବରୀ ନାଏକଙ୍କ ଘାତକ ବୋଲି˚ ଯୋଗୁଁ ସୁରତରେ ଚାଲିଥିବା ବରିଷ୍ଠ ମହିଳା ଦିନିକିଆ କ୍ରିକେଟ୍ ପ୍ରତିଯୋଗିତାରେ ଓଡ଼ିଶା ଶେଷ ଲିଗ୍ ମ୍ୟାଚ୍କୁ ବି ଜିତିନେଇଛି। ଶନିବାର ଏହି ମ୍ୟାଚ୍ରେ ଗୁଜୁରାଟକୁ ୬ ଵିକେଟ୍ରେ ପରାସ୍ତ କରିଛି ଓଡ଼ିଶା। ରାମେଶ୍ବରୀ ୨ ମେଡେନ ସହ ୨୬ ରନ୍ ବିନିମୟରେ ୬ ଵିକେଟ୍ ଅକ୍ତିଆର କରିଥିଲେ। ହ୍ୟାଟ୍ରିକ ଵିକେଟ୍ ନେବାର ସୁଯୋଗ ସୃଷ୍ଟି ହୋଇଥିଲେ ବି ଏହା ହାତଛଡ଼ା ହୋଇଯାଇଥିଲା। ଏହି ବିଜୟ ଯୋଗୁଁ ଓଡ଼ିଶା ପ୍ରତିଯୋଗିତାରେ ୫ ମ୍ୟାଚ୍ରୁ ୪ ବିଜୟ ସହ ମୋଟ ୧୬ ପଏଣ୍ଟ ପାଇ ଏଲିଟ୍ ଗ୍ରୁପ୍ ଏ’ର ଦ୍ବିତୀୟ ସ୍ଥାନରେ ରହିଛି।
Sambad is now on WhatsApp
Join and get latest news updates delivered to you via WhatsApp
ଶନିବାର ଓଡ଼ିଶା ଟସ୍ ଜିତି ବୋଲି˚ କରିଥିଲା ବେଳେ ଗୁଜୁରାଟ ପାଳିକୁ ୭୦ ରନ୍ରେ ସଫା କରିଦେଇଥିଲା। ଭାବନା ଗୋପଲାନି (୧୪), ରେଣୁକା ଚୌଧୁରୀ (୨), ମୁସ୍କାନ ବସାଭ (୦), ସ୍ତୁତି ଜାନି (୦), ହିରାଲବେନ ସୋଲାଙ୍କି (୦), ପ୍ରଜ୍ଞା (୧)ଙ୍କୁ ରାମେଶ୍ବରୀ ଆଉଟ୍ କରିଥିଲେ। ଅନ୍ୟମାନଙ୍କ ମଧ୍ୟରେ ସୁଜାତା ମଲ୍ଲିକ ୨, ପ୍ରିୟଙ୍କା ପ୍ରିୟଦର୍ଶିନୀ ଓ ସୁଶ୍ରୀ ଦିବ୍ୟଦର୍ଶିନୀ ୧ ଵିକେଟ୍ ଲେଖାଏଁ ନେଇଥିଲେ। ଜବାବରେ ୭୧ ରନ୍ର ବିଜୟ ଲକ୍ଷ୍ୟକୁ ପିଛା କରିବାକୁ ଯାଇ ଓଡ଼ିଶା ମାଧୁରି ମେହେଟ୍ଟା (୧), କାଜଲ ଜେନା (୪), ସରିତା ମେହେର (୧୫), ଅଞ୍ଜଳି ସି˚ହ (୧୫)ଙ୍କ ଵିକେଟ୍ ହରାଇଥିଲା। ତେବେ ସୁଶ୍ରୀ ଦିବ୍ୟଦର୍ଶିନୀ ଅପରାଜିତ ୩୪ ରନ୍ କରି ଦଳକୁ ଜିତାଇଥିଲେ।