ଭାରତ-ପାକ୍ ମ୍ୟାଚ୍ ପୂର୍ବରୁ ସାହିଦ୍ ଆଫ୍ରିଦିଙ୍କ ବଡ ବୟାନ: କହିଲେ; ମ୍ୟାଚରେ ଟିମ୍ ଇଣ୍ଡିଆର ପଲ୍ଲା ରହିବ ଭାରି
ଦୁବାଇ: ଆଜି ସନ୍ଧ୍ୟାରେ କ୍ରିକେଟ୍ ପଡ଼ିଆରେ ମୁହାଁମୁହିଁ ହେବେ ଭାରତ-ପାକ୍ । ଏହାକୁ ନେଇ ଏବେ କ୍ରିକେଟ ଜଗତରେ ଜୋରଦାର ଚର୍ଚ୍ଚା ଚାଲିଛି । କିଏ ଏହି ମ୍ୟାଚ୍ ଜିତିବ? ମ୍ୟାଚରେ କାହାର ପଲ୍ଲା କେତେ ଭାରି ରହିବ ତାକୁ ନେଇ ଏବେଠୁ ଆରମ୍ଭ ହୋଇଛି ଆକଳନ । ଆଉ ଏହାରି ଭିତରେ ଟିମ୍ ଇଣ୍ଡିଆକୁ ନେଇ ଏକ ବଡ଼ ବୟାନ ଦେଇଛନ୍ତି ପୂର୍ବତନ ପାକିସ୍ତାନୀ ଖେଳାଳି ସାହିଦ୍ ଆଫ୍ରିଦି ।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନର ଏକ ଟିଭି ଚ୍ୟାନେଲକୁ ସାକ୍ଷାତକାର ଦେଇ ଆଫ୍ରିଦି କହିଛନ୍ତି ଯେ, ଏହି ମ୍ୟାଚରେ ଟିମ୍ ଇଣ୍ଡିଆର ପଲ୍ଲା ଭାରି ରହିବ । ଗତ ୧୦-୧୫ ବର୍ଷ ହେଲା ଟିମ୍ ଇଣ୍ଡିଆ ଭଲ ଖେଳି ଆସୁଛି । ଖେଳାଳିମାନଙ୍କର ମାନସିକତା ଓ ଶରୀର ମଧ୍ୟ ଫିଟ୍ ରହିଛି । ତେଣୁ ଭାରତ-ପାକ୍ ମ୍ୟାଚରେ ଟିମ୍ ଇଣ୍ଡିଆ ଏକପ୍ରକାରର ମ୍ୟାଚ୍ ଜିତିବ ବୋଲି ସଙ୍କେତ ଦେଇଛନ୍ତି ଏହି ପାକ୍ ଖେଳାଳି ।
ଅନ୍ୟପଟେ ପାକିସ୍ତାନକୁ ଏହି ମ୍ୟାଚ୍ ଜିତିବାକୁ ହେଲେ ନିଜର ୧୦୦ ପ୍ରତିଶତ ଦେବାକୁ ପଡିବ । ବିନା ଚିନ୍ତାରେ ଖେଳିଲେ ହିଁ ଦଳ ଭାରତ ବିପକ୍ଷରେ ମ୍ୟାଚ୍ ଜିତିପାରିବ ବୋଲି ସେ କହିଛନ୍ତି । ତେବେ ଖେଳକୁ ଖୁସିର ସହକାରେ ଖେଳିଲେ ପାକିସ୍ତାନୀ ଖେଳାଳିମାନେ ମ୍ୟାଚ୍ ଜିତି ପାରିବେ ବୋଲି ଆଫ୍ରିଦି କହିଛନ୍ତି ।
ସୂଚନାଯୋଗ୍ୟ, ପୂର୍ବରୁ ବିଶ୍ୱକପରେ ଭାରତଠାରୁ ପାକିସ୍ତାନ ସମସ୍ତ ମ୍ୟାଚ ହାରିଛି । ପାକିସ୍ତାନ, ଏଯାଏଁ ଭାରତଠାରୁ ବିଶ୍ୱକପରେ ଗୋଟିଏ ବି ମ୍ୟାଚ୍ ଜିତିପାରିନି ପାକ୍ । ତେଣୁ ଆଜିର ମ୍ୟାଚରେ କିଏ ଜିତିବ ତାକୁ ନେଇ ଏବେ କ୍ରିକେଟ୍ ବିଶେଷଜ୍ଞମାନେ ଆକଳନ କରିବା ଆରମ୍ଭ କରିଛନ୍ତି ।