୨୦୦ ମିଟର ଫାଇନାଲ୍ରେ ଶ୍ରାବଣୀ
ଚଳିତ ଫେଡେରେସନ୍ କପ୍ ଦୌଡ଼କୁଦ ପ୍ରତିଯୋଗିତାର ମହିଳା ୨୦୦ ମିଟର ଦୌଡ଼ ଫାଇନାଲ୍ରେ ଓଡ଼ିଆ ଝିଅ ତଥା ଅଲିମ୍ପିଆନ୍ ଶ୍ରାବଣୀ ନନ୍ଦ ପ୍ରବେଶ କରିଛନ୍ତି। ହିଟ୍-୨ରେ ଶ୍ରାବଣୀ ୨୪.୧୮ ସେକେଣ୍ଡ ସହ ପ୍ରଥମରେ ରହି ପଦକ ଦୌଡ଼ରେ ସାମିଲ ହୋଇଛନ୍ତି। ପୁରୁଷ ୨୦୦ ମିଟର ଫାଇନାଲ୍ରେ ଓଡ଼ିଶାର ଦୁଇ ଖେଳାଳି ଦଣ୍ଡପାଟି ମୃତ୍ୟମ ଜୟରାମ ଓ ଅନିମେଶ କୁଜୁର ପହଞ୍ଚିଛନ୍ତି। ସେମିଫାଇନାଲ୍ ହିଟ୍-୩ରେ ଉଭୟ ଦୌଡ଼ିଥିଲେ। ଅନିମେଶ (୨୦.୮୧) ପ୍ରଥମ ଏବଂ ଜୟରାମ (୨୧.୬୬) ତୃତୀୟ ସ୍ଥାନରେ ରହି ଏହି ଯୋଗ୍ୟତା ଅର୍ଜନ କରିଥିଲେ। ଶନିବାରଠାରୁ ଆରମ୍ଭ ହୋଇଥିବା ଏହି ପ୍ରତିଯୋଗିତା ବୁଧବାର ସରିବ।