ସ୍ବିସ୍ ଓପନ୍ରୁ ସିନ୍ଧୁ ବିଦା; ପୁରୁଷ ଯୁଗଳ କ୍ବାର୍ଟରରେ ସାତ୍ତ୍ବିକ-ଚିରାଗ
ନୂଆଦିଲ୍ଲୀ : ଦୁଇଥର ଅଲିମ୍ପିକ ପଦକ ବିଜେତା ପିଭି ସିନ୍ଧୁ ସ୍ବିସ୍ ଓପନ ସୁପର ୩୦୦ ବ୍ୟାଡମିଣ୍ଟନ ପ୍ରତିଯୋଗିତାରୁ ବିଦାୟ ନେଇଛନ୍ତି। ପ୍ରି-କ୍ବାର୍ଟରରେ ୩୮ ନମ୍ବର ମାନ୍ୟତା ଖେଳାଳି ଇଣ୍ଡୋନେସିଆର ପୁତ୍ରି କୁସୁମ ୱାର୍ଦ୍ଦାନିଙ୍କଠୁ ସେ ୧୫-୨୧, ୨୧-୧୨, ୧୮-୨୧ରେ ପରାସ୍ତ ହୋଇ ଅଭିଯାନ ଶେଷ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ତେବେ ପୁରୁଷ ଯୁଗଳରେ ଦ୍ବିତୀୟ ସିଡ୍ ମାନ୍ୟତା ପାଇଥିବା ଭାରତର ସାତ୍ତ୍ବିକସାଇରାଜ ରାଙ୍କିରେଡ୍ଡୀ ଓ ଚିରାଗ ସେଟ୍ଟୀଙ୍କ ଯୋଡ଼ି କ୍ବାର୍ଟରଫାଇନାଲ୍ରେ ପ୍ରବେଶ କରି ଭାରତର ଆଶା ଉଜ୍ଜୀବିତ ରଖିଛନ୍ତି। ପ୍ରି-କ୍ବାର୍ଟରରେ ତାଇୱାନ୍ର ଫାଙ୍ଗ୍ ଚିହ ଲି ଓ ଫାଙ୍ଗ୍ ଜେନ୍ ଲି’ଙ୍କ ଯୋଡ଼ିକୁ ୧୨-୨୧, ୨୧-୧୭, ୨୮-୨୬ରେ ଏହି ଭାରତୀୟ ଯୋଡ଼ି ହରାଇ କ୍ବାର୍ଟର ଫାଇନାଲ୍ରେ ପ୍ରବେଶ କରିଛନ୍ତି। କ୍ବାର୍ଟରଫାଇନାଲ୍ରେ ଏମାନଙ୍କର ସାମ୍ନା ଡେନମାର୍କର ଜିପେ ବେ ଓ ଲାସି ମୋଲହେଡେଙ୍କ ସହିତ ହେବ।