ଆଇସିସି ମାସର ଶ୍ରେଷ୍ଠ ଖେଳାଳି ଆଶାୟୀ ତାଲିକାରେ ସିରାଜ, ଗିଲ୍
ଦୁବାଇ: ଭାରତୀୟ ଦ୍ରୁତ ବୋଲର ମହମ୍ମଦ ସିରାଜ ଓ ଯୁବ ପ୍ରାରମ୍ଭିକ ବ୍ୟାଟର ଶୁବମନ ଗିଲ୍ ଆଇସିସିର ମାସର ଶ୍ରେଷ୍ଠ ଖେଳାଳି ଆଶାୟୀଙ୍କ ତାଲିକାରେ ସ୍ଥାନ ପାଇଛନ୍ତି। ମଙ୍ଗଳବାର ଘୋଷିତ ଏହି ତାଲିକାରେ ନ୍ୟୁଜିଲାଣ୍ଡ ବ୍ୟାଟର ଡେଭନ କନୱେ ତୃ୍ତୀୟ ସ୍ଥାନରେ ରହିଛନ୍ତି। ଗିଲ୍ ଶ୍ରୀଲଙ୍କା ବିପକ୍ଷରେ ମୁମ୍ବାଇରେ ଟ୍ବେଣ୍ଟି-୨୦ ପଦାର୍ପଣ କରିଥିଲେ। ତେବେ ଏହି ଫର୍ମାଟ୍ ତାଙ୍କ ପାଇଁ ସେତେଟା ଭଲ ଯାଇନଥିଲେ ବି ଦିନିକିଆରେ ଯଥାକ୍ରମେ ୭୦, ୨୧ ଓ ୧୧୬ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ପରେ ନ୍ୟୁଜିଲାଣ୍ଡ ବିପକ୍ଷରେ ୧୪୯ ବଲ୍ରୁ ୨୦୮ ରନ୍ର ଦ୍ବିଶତକୀୟ ପାଳି ସବୁଠୁ ଚିତାକର୍ଷକ ଥିଲା। ପରବର୍ତ୍ତୀ ଦୁଇ ମ୍ୟାଚ୍ରେ ୪୦* ଓ ୧୧୨ ରନ୍ ସଂଗ୍ରହ କରି ପାକିସ୍ତାନର ବାବର ଆଜମ୍ଙ୍କୁ ପଛରେ ପକାଇଥିଲେ। ଅନ୍ୟପକ୍ଷରେ ସିରାଜ ଆଇସିସି ଖେଳାଳି ମାନ୍ୟତାରେ ୧ ନମ୍ବର ବୋଲର ବିବେଚିତ ହୋଇଛନ୍ତି। ଶ୍ରୀଲଙ୍କା ବିପକ୍ଷ ପ୍ରଥମ ମ୍ୟାଚ୍ରେ ସେ ୨/୩୦ରୁ ଆରମ୍ଭ କରିବା ପରେ ଦ୍ବିତୀୟ ଓ ତୃତୀୟ ମ୍ୟାଚ୍ରେ ଯଥାକ୍ରମେ ୩/୩୦ ଓ ୪/୩୨ରେ ଶେଷ କରିଥିଲେ। ଏହାଫଳରେ ଶୃଙ୍ଖଳାରେ ସେ ସର୍ବାଧିକ ୱିକେଟ୍ ହାସଲକାରୀ ହୋଇପାରିଥିଲେ। ନ୍ୟୁଜିଲାଣ୍ଡ ବିପକ୍ଷରେ ହାଇଦ୍ରାବାଦ୍ରେ ୪/୪୬ ପ୍ରଦର୍ଶନ ତାଙ୍କୁ ମାସର ଶ୍ରେଷ୍ଠ ଖେଳାଳିଙ୍କ ତାଲିକାକୁ ଆଣିବା ପାଇଁ ଯଥେଷ୍ଟ ଥିଲା।