ନୂଆଦିଲ୍ଲୀ: ମହିଳା ପ୍ରିମିୟର ଲିଗ୍ (ଡବ୍ଲୁପିଏଲ୍)ରେ ରୟାଲ ଚାଲେଞ୍ଜର୍ସ ବାଙ୍ଗାଲୋର (ଆର୍‌ସିବି)ର ଅଧିନାୟକ ଥିବା ସ୍ମୃତି ମନ୍ଧନା ପ୍ରମୁଖ ଭୂମିକା ଗ୍ରହଣ କରିଥିଲେ। ତାଙ୍କ ଦକ୍ଷ ଅଧିନାୟକତ୍ୱରେ, ଆରସିବିର ମହିଳା ଟିମ୍ ଚମତ୍କାର ପ୍ରଦର୍ଶନ କରି ନିଜର ପ୍ରଥମ ଡବ୍ଲୁପିଏଲ୍ ଟାଇଟଲ୍ ଜିତିଥିଲେ। ତେବେ ଆଜି ସାରା ବିଶ୍ବରେ ଚର୍ଚ୍ଚାର ବିଷୟ ପାଲଟିଥିବା ସ୍ମୃତି ମନ୍ଧନା କାହାକୁ ଡେଟ୍ କରୁଛନ୍ତି, ଆପଣ ଜାଣନ୍ତି କି?

Advertisment

ଚାମ୍ପିୟନ ହେବା ପରେ ଦଳ ଷ୍ଟାଡିୟମରେ ଖୁସି ମନାଉଥିବା ବେଳେ ସ୍ମୃତି ସର୍ବସମ୍ମୁଖରେ ଜଣେ ବ୍ୟକ୍ତିଙ୍କୁ ଆଲିଙ୍ଗନ କରିଥିଲେ, ଯାହାର ଫଟୋ ଏବଂ ଭିଡିଓ ଏବେ ଭାଇରାଲ ହେଉଛି। ଏହି ବ୍ୟକ୍ତି ସ୍ମୃତି ମନ୍ଧନାଙ୍କ ପ୍ରେମିକ ପଲାଶ ମୁଚ୍ଛଲ ବୋଲି ଜଣାପଡ଼ିଛି। ପଲାଶ ମୁଚ୍ଛଲ ଏବଂ ସ୍ମୃତି ମନ୍ଧନାଙ୍କ ସମ୍ପର୍କର ଖବର ସେତେବେଳେ ସାମ୍ନାକୁ ଆସିଲା ଯେତେବେଳେ ପଲାଶ ମୁଚ୍ଛଲ ୨୦୨୩ ମସିହାରେ ଏକ ଲାଇଭ କନ୍ସର୍ଟରେ ସ୍ମୃତି ମନ୍ଧନାଙ୍କ ପାଇଁ ଏକ ଗୀତ ଗାଇ 'ମୁଁ ତୁମକୁ ଭଲ ପାଏ' ବୋଲି କହିଥିଲେ।

Palaash Muchhal Smriti Mandhana

ପଲାଶଙ୍କ ବିଷୟରେ କହିବାକୁ ଗଲେ ସେ ଜଣେ ଗାୟକ ଏବଂ ସଂଗୀତ ନିର୍ଦ୍ଦେଶକ। ଏହା ସହ ସେ ଗାୟିକା ପଲକ ମୁଚ୍ଛଲଙ୍କ ଭାଇ। ଗୀତ ଗାଇବ‌ା ବ୍ୟତୀତ ପଲାଶ ନିର୍ଦ୍ଦେଶନା ମଧ୍ୟ ଦିଅନ୍ତି। ତାଙ୍କ ଜନ୍ମ ମେ’ ୨୨, ୧୯୯୫ରେ ମଧ୍ୟପ୍ରଦେଶର ଇନ୍ଦୋରରେ ହୋଇଥିଲା। ଦୁହେଁ ନିଜ ସମ୍ପର୍କକୁ ଲୁଚାଇବା ପରିବର୍ତ୍ତେ ଆରମ୍ଭରୁ ନିଜ ସମ୍ପର୍କ ବିଷୟରେ ଖୁଲମ ଖୁଲା କହି ଆସିଛନ୍ତି। ଏମିତି କି ଦୁହେଁ ପରସ୍ପର ସହିତ ଅନେକ ଫଟୋ ସେୟାର କରିଥିବା ଦେଖାଯାଇଛି।