ଅହମ୍ମଦାବାଦ: ଆଉ କିଛି ଘଣ୍ଟା ପରେ ଆରମ୍ଭ ହୋଇଯିବ ଆଇପିଏଲ୍ ମହାମୁକାବିଲା। ଦୀର୍ଘ ୩୪ ଦିନର ତୀବ୍ର ସଂଘର୍ଷପୂର୍ଣ୍ଣ ତଥା ଘମାଘୋଟ ଲଢ଼େଇ ଏବଂ ୭୩ ଉତ୍କଣ୍ଠାପୂର୍ଣ୍ଣ ମ୍ୟାଚ୍ ପରେ ଖେଳାଯିବ ମେଗାଫାଇନାଲ୍‌। ସେଥିପାଇଁ ସମସ୍ତେ ଅପେକ୍ଷା କରି ରହିଛନ୍ତି । ବିଶ୍ବର ସବୁଠାରୁ ଚର୍ଚ୍ଚିତ ତଥା ଧନୀ ‌ଟ୍ବେଣ୍ଟି-୨୦ ମହାକୁମ୍ଭର ବହୁ ପ୍ରତୀକ୍ଷିତ ମହାଲଢ଼େଇରେ ପଦାର୍ପଣକାରୀ ଗୁଜରାଟ ଟାଇଟନ୍ସକୁ ପ୍ରଥମ ବିଜେତା ରାଜସ୍ଥାନ ରୟାଲ୍ସ ଭେଟିବ। ତେବେ ମ୍ୟାଚରେ କିଏ ଜିତିବ ତାହାକୁ ନେଇ ପୂର୍ବାନୁମାନ କରିଛନ୍ତି ପାକିସ୍ତାନର ପୂର୍ବତନ କ୍ରିକେଟ୍ ଦଳର ଦ୍ରୁତ ବୋଲର ଶୋଏବ ଅଖତର |

Advertisment

ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ରେ ଶୋଏବ ମଧ୍ୟ କୋଲକାତା ନାଇଟ୍ ରାଇଡର୍ସ ପାଇଁ ଖେଳିଥିଲେ | ଅଖତର ନିଜେ ଆଇପିଏଲ୍ ୨୦୦୮ରେ ଖେଳିଥିଲେ | ତେବେ କେଉଁ ଦଳ ଆଇପିଏଲ୍ ୨୦୨୨ ଟାଇଟଲ୍ ଜିତିବ, ତାହାକୁ ନେଇ ପୂର୍ବାନୁମାନ କରିଛନ୍ତି ଶୋଏବ | ଅଖତର କହିଛନ୍ତି, 'ରାଜସ୍ଥାନ ରୟାଲ୍ସ ୧୪ ବର୍ଷ ପରେ ଫାଇନାଲରେ ପହଞ୍ଚିଛି, ମୋର ବନ୍ଧୁ ସେନ ୱାର୍ଣ୍ଣଙ୍କ ସ୍ମୃତିରେ ମୁଁ ଚାହୁଁଛି ଯେ ରାଜସ୍ଥାନ ରୟାଲ୍ସ ଫାଇନାଲରେ ଗୁଜରାଟ ଟାଇଟାନ୍ସକୁ ପରାସ୍ତ କରୁ। ୧୪ ବର୍ଷ ପରେ ଫାଇନାଲରେ ପହଞ୍ଚିବା ପାଇଁ ରାଜସ୍ଥାନ ଅନେକ ମୁକାବିଲାର ସମ୍ମୁଖୀନ ହୋଇଛି |

କିନ୍ତୁ ମୁଁ ଯେପରି ପୂର୍ବରୁ କହିଛି, ମୁଁ ସବୁବେଳେ ଚାହୁଁଛି ନୂଆ ଦଳ ଆଇପିଏଲ୍ ଟାଇଟଲ୍ ଜିତନ୍ତୁ କାରଣ ସେମାନେ ଚଳିତ ସିଜିନରେ ଭଲ ଖେଳିଥିଲେ, ତେଣୁ ମୁଁ ଗୁଜୁରାଟ ଟାଇଟାନ୍ସ ସପକ୍ଷରେ ଯିବି | ୱାର୍ଣ୍ଣଙ୍କ ଅଧିନାୟକତ୍ୱରେ ରାଜସ୍ଥାନ ରୟାଲ୍ସ ଆଇପିଏଲ୍ ୨୦୦୮ ଟାଇଟଲ୍ ଜିତିଥିଲା ​​| ଚଳିତ ବର୍ଷ ମାର୍ଚ୍ଚ ୪ରେ ସେନ ୱାର୍ଣ୍ଣଙ୍କ ଦେହାନ୍ତ ହୋଇଥିଲା |