ଅଷ୍ଟ୍ରେଲିଆକୁ ଚକ୍ମା ଦେଲା ଶ୍ରୀଲଙ୍କା, ଦ୍ବିତୀୟ ଦିନିକିଆକୁ ୨୬ ରନ୍ରେ ଜିତିଲା
ପାଲେକେଲ୍ : ପ୍ରଥମ ଦିନିକିଆରେ ହାରିଯାଇଥିଲେ ମଧ୍ୟ ଶ୍ରୀଲଙ୍କା ଗୁରୁବାର ଶକ୍ତିଶାଳୀ ଅଷ୍ଟ୍ରେଲିଆକୁ ଚକ୍ମା ଦେଇ ଦ୍ବିତୀୟ ଦିନିକିଆକୁ ଜିତି ନେଇଛି। ପଶ୍ଚାତଧାବନ ବେଳେ ମାତ୍ର ୧୯ ରନ୍ ଭିତରେ ୫ ୱିକେଟ୍ ହରାଇ ଦେବାରୁ ଅଷ୍ଟ୍ରେଲିଆ ମଧ୍ୟ ଆଶ୍ଚର୍ଯ୍ୟଜନକ ଭାବେ ହାରିଯାଇଛି। ବର୍ଷାବାଧାପ୍ରାପ୍ତ ଏହି ମ୍ୟାଚ୍ରେ ଶ୍ରୀଲଙ୍କା ୨୨୦/୯ରେ ସୀମିତ ରହିଥିଲା। ଅଧିନାୟକ ଦାସୁନ ସଣକା ଏବଂ ୱିକେଟରକ୍ଷକ କୁସାଲ ମେଣ୍ଡିଜ୍ ସର୍ବାଧିକ ୩୪ ରନ୍ ଲେଖାଏଁ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ପ୍ୟାଟ୍ କମିନ୍ସ ୪ ଏବଂ ମ୍ୟାକ୍ସୱେଲ୍ ଓ ପ୍ରଥମ ପଦାର୍ପଣକାରୀ ମାଥ୍ୟୁ କୁନମ୍ୟାନ୍ ୨ ଲେଖାଏଁ ୱିକେଟ୍ ନେଇଥିଲେ। ଜବାବରେ ଡେଭିଡ୍ ୱାର୍ଣ୍ଣର (୩୭) ଓ ଗ୍ଲେନ୍ ମ୍ୟାକ୍ସୱେଲ୍ (୩୦)ଙ୍କ ବଳରେ ଅଷ୍ଟ୍ରେଲିଆ ଏକଦା ୫ ୱିକେଟ୍ରେ ୧୭୦ ରନ୍ କରିଥିଲା। କିନ୍ତୁ ୩୭.୧ ଓଭରରେ ୧୮୯ ରନ୍ କରି ସମସ୍ତ ୱିକେଟ୍ ହରାଇ ଦେଇଥିଲା। ଚାମିକା କରୁଣାରତ୍ନେ ସର୍ବାଧିକ ୩ ୱିକେଟ୍ ନେଇଥିବାବେଳେ ଦୁଷ୍ମନ୍ତ ଚାମିରା, ଧନଞ୍ଜୟ ଡି’ସିଲଭା, ଦୁନିଥ୍ ୱେଲାଲାଗେ ପ୍ରତ୍ୟେକ ୨ ଲେଖାଏଁ ୱିକେଟ୍ ବାଣ୍ଟିଥିଲେ। ଶ୍ରୀଲଙ୍କା ଡିଏଲ୍ ପଦ୍ଧତିରେ ୨୬ ରନ୍ରେ ବିଜୟୀ ହୋଇଥିଲା। ଚାମିକା କରୁଣାରତ୍ନେ ମ୍ୟାଚ୍ର ଶ୍ରେଷ୍ଠ ଖେଳାଳି ପୁରସ୍କାର ପାଇଥିଲେ। ଏଥିସହ ୫ ମ୍ୟାଚ୍ ଶୃଙ୍ଖଳା ୧-୧ ସ୍ତରକୁ ଚାଲିଆସିଛି।